بعد فتره احمد زح منها وهو ببكي مافي فايده انا عاجز وبقي يضرب فيها بكل قوته ويبكي وماحاسي بي نفسو لحدي م تعب وقعد علي الارض وٱمنيه بتبكي وتصرخ وتحاول تتغطي بالطرحه لانها بقت شبه عاريه بعد م احمد مزق هدومها وقطع شعرها وجرح في وشها والدم بقي جاري منها في كل حته وانتهزت دخول احمد الحمام وجرت ودخلت الغرفه واتذكرت التلفون بسرعه مشت تاني الهول وجابتو وقفلت الباب عليها من جوه وطلعت التلفون وضربت رقم معزه ومافي رد وحاولت رقم امها ولما م ردت ليها رسلت رساله ( الحقوني ي ماما احمد عايز يكتلني وكتبت عنوان الشقه ) وبقت راقده تحت البطانيه وهي بترجف وتبكي في نوبات هيستيريه وتتخلع وتعاين للساعه والزمن كأنو واقف وبعد وقت طوييييل رن جرس الباب ومشي احمد عشان يفتح الباب واتفآجأ لما شاف حنان واقفه قدامو وصاره وشها وبتعاين ليهو بنظرات كلها كره وحقد : بتي وين عملت فيها شنو 😡 وبقت تفتش في الغرفه الاولي وم لقت ٱمنيه وحاولت تفتح التانيه لكن الباب مقفول وبقت تنادي في خوف : ٱمنيه وينك حبيبتي امك جنبك م تخافي... صوت الباب اتفتح وٱمنيه عاينت في خوف وهي متخبيه ورا الباب ولما شافت امها وقعت علي الارض م قدرت تقيف ورفعتها حنان 😭😭😭 وهي بتقول حسبي الله ونعم الوكيل اشوف فيك يوم ي احمد ..فوقي ي عمري ..عملت ليها شنو انت ؟احمد ساكت وبفكر يبرر العملو دا كيف وفجأة عاين لي حنان وقال : اولا كان تربي بتك كويس وتخليها تعرف تحافظ علي نفسها ..حنان عاينت في اهتمام : تقصد شنو عفوا م فهمت عليك ..احمد وهو بتهرب من نظراتها : بصراحه بتك دي غلطت قبل العرس مع واحد وعايزه تشيلني انا ليها لكن انا م اهبل.. بت تلعب في روحها وما تحافظ علي عرضها م بتلزمني واول م اصل البيت بطلقها ..حنان صرخت في وشو : اخرس قطع لسانك بتي اشرف بت في الدنيا وانا واثقة فيها واكيد في حاجه غلط وتصرفك دا م بعديهو ليك ...شالت ٱمنيه من الارض اوشبه شايلاها لانها رجليها جاره بالارض م قادرت تثبتهم عشان تمشي وقعدتها في كنبه جنب الباب وطلعت مفزوعه تفتش لي تاكسي او امجاد وبعد مسافه جات امجاد وبسرعه مشت جابت ٱمنيه واحمد كمان جا وركب معاهم وشايل الشنط وٱمنيه بصوت خافت : ماما دا ماشي معانا وين ؟حنان ضمتها عليها م تخافي ي روحي... ٱمنيه : ماما شنطتي ..عايزه شنطتي ..حنان : معاي ي روحي معاي ارتاحي انتي بس... رقدت في حضن امها لحدي م وصلو البيت وهناك لقو ٱسيل في الهول ومن شافت حاله ٱمنيه بقت تسأل في شماته : في شنو 😱😱😱😱
دي الحاصل ليها شنو ؟ دا حال عروس م تمت اسبوع 😳😳😳 شكلها كدا في مصيبه حاصله ..في شنو ي احمد ؟ احمد عاين ليها في ضيق : أسألو بتكم وطلع مشي بيت ناس ابوه وٱمنيه بقت تكورك وتصرخ : احمد عايز يجي يضربني ..ماما امنعيهو م يجيني .. بكت حنان ودخلت ٱمنيه غرفتها وعلي طول نامت المسكينه ووشها كلو مورم وطفت ليها النور وطلعت بره وٱسيل واقفه : صحي احمد ليله الدخله لقي ٱمنيه ا
قاطعتها حنان في غضب 😡😡😡😡😡😡😡😡😡😡
اخرسي والزمي حدودك بناتي خط احمر اذا قربتي منهم بنسفك فاهمه... جرت ٱسيل غرفتها وما طلعت منها ورجعت حنان تاني عشان تفقد ٱمنيه ولقتها نايمه لكن بتهضرب وتصحي وهي بتصرخ وتاني تنوم بعد تضمها عليها وتمسح في دموعها وتقول في سرها ( بدفعك التمن غالي ي احمد الحقير ) انتظرت الصباح بتين يطلع وبسرعه علي العياده وساقت ٱمنيه وكانت لسه في حاله ذهول وابت تتجاوب مع الدكتور خالص كل العملو ليها ضمد الجروح وعقمها واداها علاجات كتيره وطلب من حنان الراحه النفسيه اهم شيي بالاضافة لي انها لازم تتابع مع دكتور نفساني وطلعو من العياده ومشت حنان عشان تجيب امجاد وٱمنيه منتظره وفجأة جا دكتور فيصل بالصدفة ويظهر كان ماشي الجامعة ولقي ٱمنيه قاعده في كرسي متحرك تبع العياده وجا قعد جنبها علي الارض وهو مخلوع : مالك ؟ الحصل ليك شنو ؟ العمل فيك كدا منو ؟ ٱمنيه بكت لما شافت فيصل وماردت وبعد شويه جات حنان وسلمت علي دكتور فيصل واستأذنت وطلب يوصلهم لكن حنان رفضت وشكرتو ومشو عشان يركبو امجاد وفيصل في حالة ذهول من منظر ٱمنيه وبسرعه دخل للدكتور المتابع الحاله وشرح ليهو انها اتعرضت لاعتداء وعنف شديد ودا ادي لدخوها في نوبه انهيار عصبي 😭😭😭😭😭😭😭😭😭😭
وصلو البيت ودخلت ٱمنيه غرفتها ومشت حنان عشان تجهز ليها حاجه تشربها لكن فجأة اتذكرت معزه وكيف انها انشغلت بي موضوع ٱمنيه ونست تسأل عنها وحتي من امس المساء م عارفه الحاصل ليها شنو وبسرعه مشت الغرفه وبقت تدق الباب ...عزوزه حبيبه ماما افتحي لي الباب انا امك حبيبتك وجن جنونها لما لقت مافي رد وبقت تكورك ي احمد احمد وبيت احمد طبعا ملاصق بيتهم وبسرعه البرق جا احمد وطلبت منو حنان يكسر الباب عشان معزه م بترد وفعلا بقي يدفع في الباب بكل قوته وبعد صعوبه اتفتح الباب ولقو ...
يتبع....
