زوجة أبي

الجزء 24

ٱمنيه في حيره : دا شنو ومسكت كاميرا مداها ليها منذر وعاينت لي فيديو ولقت مصورنها عاريه تماما وبي اوضاع مختلفه وفي واحده معاها راجل وفي عصبيه رمت الكاميرا علي الطاوله وبقت تكورك.. كلاب كلاب صوروني كدا عشان يبتزوني حسبي الله ونعم الوكيل .. 😭😭😭😭😭😭😭😭😭😭

منذر اداها منديل وقال ليها في حنان : انا معاك انا جبت الفيديو الصوروهو ومافي نسخه تانيه للاسف م لقيت الشنطة ولا التلفون ..ٱمنيه مسحت دموعها وقالت : منذر في حاجه انا م فاهماها البلاغ دا كيف م يستجوبو المجني عليه ..يعني انا كيف القضيه تتم بدون م يسمعو اقوالي ؟ منذر في ارتباك : انا عندي عمي رتبه كبيره طلبت منو م يدخلوك في الموضوع والناس دي شبكه كبيره ..عموما اذا الموضوع مضايقك ممكن اطلب من عمي يدخلك في القضيه و

قاطعتو ٱمنيه في خوف : لا لا المهم انهم اتقبضو عشان م يضيعو بنات الناس ..

منذر شال نفسو وختاهو : يابت الناس انا م عايز اجرجرك في محاكم وقضايا كل الفكرت فيهو كيف اجيب الفيديو منهم والحمد لله نجحت وهو معاك ..

ٱمنيه : م عارفه اقول ليك شنو واشكرك كيف عشان كل العملتو معاي ..

منذر : اذا خليتيني اعمل حاجه بتكوني رضيتيني .

ٱمنيه محتاره : حاجه شنو ؟

منذر : تسمحي لي اوصلك علي الاقل المسا بس عشان بخاف يحصل ليك الحصل دا ..ارجوك 😅😅😅 ٱمنيه عاينت ليهو في دهشه وقالت : اوك ..لكن علي شرط !

منذر : موافق مقدما

ٱمنيه : كيف عارف اي حاجه عني .

منذر : هههه مصادري الخاصه الناس البعزهم بقدر اعرف اي حاجه عنهم وزي م بقولو (لو تعلق قلب المرء بالثريا لنالها ) ..

رجعت ٱمنيه البيت وماسكه الكاميرا وبتقول في سرها الحمد لله الحمد لله دايما ربنا بسخر لي اولاد الحلال ..يارب سترك ..استرنا انا واختي ماتشمت فينا عدو يارب ..حاسه بي تعب شديد وجسمها مكسر لكن كيف تقدر تاخد اذن الرقم في التلفون الضاع واذا غابت ساي بتكون م حلوه ..اووووف لآزٍمٍ تمشي وتكلم المدير وتجي ترتاح في البيت بسرعة مشت الحمام ولبست عبايه جميله وعملت مكياج خفيف وطلعت وهي جنب الباب التلفون دقا وكان منذر :الووو

ٱمنيه : مرحبا

منذر : اخبارك ..صوت عربات انتي بره البيت ولا شنو ؟

ٱمنيه : ماشه آخد اذن واجي تعبانه م قادره ..

منذر : ممكن انا امشي.. ٱمنيه : لا شكرا م بمشي الحال لازم انا.

منذر : وانتي حاليا وين ٱمنيه : قريب من الظلط منذر : اقيفي في المظله عشره دقايق واكون معاك .

ٱمنيه : لا اسمعني ..وكان قفل الخط وجاي عليها ..

اخدت إذن ومنذر منتظر بره وكلها عشره دقايق وجات وركبت في العربيه ومشي وداها شركه الاتصالات وعملت استبدال لي الشريحه ومنها طوالي لي محل موبايلات وقال ليها انزلي لكن هي رفضت بشده وقالت : منذر والله دا كتير ..لما اصرف بشتري موبايل لو سمحت يلا نمشي ..منذر : والله دين اعتبريني بديك موبايل بالتقسيط ..وبعد إلحاح شديد وافقت بشرط تديهو اول قسط من اول راتب ..اشتري ليها تلفون حلو وفي العربيه قال ليها : انا طبعا بشتغل في الاستيراد والتصدير وشركتنا كبيره لكن حدنا 4 بعد الظهر وانتي الجامعه لكن في الاجازه تشتغلني معانا 😅 تمام ..ٱمنيه : تمام ..منذر وحاليا في مشروع بوتيك فاخر في العمارات ي داب بنزل في البضاعه ..المهم لما يخلص م بلقي زول احسن منك يمسك الحسابات وانا م بكون متواجد طوالي ..ٱمنيه ارتاحت لي الفكره علي الاقل ترتاح من اسامه وامثالو وافقت طوالي ورحبت بالمشروع وكان خلاص وصلت البيت وشكرتو ونزلت وانتظر هو لحدي م دخلت الشقه وبعدها مشي.

ٱمنيه لقت ٱلاء منتظراها في البيت وسلمت عليها وقالت : والله ي الويه ليك وحشه لكن الشغل والبيت ماخد كل وقتي كيف عامله ..ٱلاء : والله الحمد لله حبيبه جيت اعزمك عقدي بكره ..ٱمنيه : الف مبروك خلاص عمر جا السودان ولا شنو ! ٱلاء : لا لكن قال يعقدو ليهو عشان لما اخلص السنه الاخيره دي تكون اوراقي جاهزه كلها ..قلت ليهم يعملو حاجه مختصره كدا لكن اهلو رفضو ولازم يكون في صاله ..

ٱمنيه في فرحه : الف مبروك حبيبتي.. 😍😍😍😍😍😍😍😍😍😍

ٱلاء : عقبالك حبيبه نفرح بيك قريب م الزول البتحبيهو ..ٱمنيه : احبو ؟ انا خلاص قلبي دا فقط الاحساس ..عايزه اقري اختي الجامعه وبعد تعرس وتمشي بيتها نشوف موضوعي انا ..ٱلاء طلعت ظرف من شنطتها وادتو لي ٱمنيه وهي بتقول : قبل م انسي امس دكتور فيصل لاقاني في الجامعه واداني الرساله دي وقال لي اوصلها ليك... ٱمنيه في دهشه : دكتور فيصل ؟ وانتي الوداك الجامعه شنو اصلا ..ٱلاء : كنت مواعده ريم عشان امشي معاها محل فساتين خطوبه وعقد قريب من الجامعه واول م دخلت لاقاني في وشي ..ٱمنيه سرحت كدا وبعدها قالت : ياربي في باقي كلام نسو يقولوهو ورسلو لي في الرساله دي ولا شنو ؟ ٱلاء : كلام شنو ؟ وهو ومنو ؟ ..ٱمنيه : انسي دا موضوع يطول شرحو وخليني في فرحتك انتي ..سكت مسافه وبعدها قالت : طبعا ي روحي اعذريني من موت ماما انا م مشيت افراح ..ٱلاء :والله ي منويه م بقبل خالص والحزن في القلب واذا م جيتي والله م اسامحك خالص ..ٱمنيه خلاص عشانك بس بجي لانك اغلي صديقه عندي. 😍😍😍😍😍😍😍😍😍😍

ٱلاء : تسلمي ي قلب ..علي فكره انا عزمت دكتور فيصل لكن م عارفه يجي ولا م يجي وقامت عشان تمشي وقالت ليها : اخليك تقري الرساله بي مزاج متأكده الفضول كاتلك وبكره بدري معاي .

ٱمنيه بعد قدمت ٱلاء بسرعه جرت الغرفه وفتحت الرساله وقرت .

يتبع...