ٱمنيه من اليوم انا قررت ازوجك ود عمك احمد من زمان طلبك مني وانا رفضت كنت عايزك تكملي قرايتك لكن لما جابت ليها رجال وتوصيل لحدي البيت خلاص الكلام انتهي وبالنسبه للجامعه اذا احمد عايزك تكملي مافي مشكله بعد دا انا طلعت منها اما اذا قعدك في البيت انتي حتبقي مرتو وهو حر معاك .
حنان ختت يدها في راسها : مصطفي احمد صاح ذول كويس لكن بتي عندها طموحات و
مصطفي في غضب : اسكتي كلامي م داير نقاش ..وطلع التلفون من جيبو وضرب لي احمد وطلب منو يجي فورا ..وبعد دقايق كان معاهو وكلمو بالموافقه واحمد عايز يطير من الفرح ..حلم عمرو يتزوج ٱمنيه بحبها من هي صغيره لحدي م كبرت وبقت ست البنات
اتفق مصطفي مع احمد يلبس دبل والزواج بعد تتم السنه التالته وبعدين تكمل عادي وهم بتفقو ويتكلمو جات ٱسيل متبرجه جدا وفي كامل زينتها وقعدت جنب مصطفي وهي بتعاين لي احمد في غيظ واستغلت دخول مصطفي الغرفه وقالت لي احمد وعيونها اتملت دموع : طبعا فرحان عشان عايز تتزوج وانا رميتني لي العجوز دا لكن ابقي م ٱسيل لو م دفعت التمن غالي انت وحبيبتك .
احمد ارتبك لما سمع كلامها : انتي عارفه علاقتي بيك من الاول كان شكلها كيف .
ٱسيل : طبعا انا تقضي بي وقتك وبالنسبه ليك مجرد جسد جميل يشبع غرايزك و
بترت كلامها لما شافت مصطفي جاي عليهم وقامت طوالي ودخلت الغرفه وبقت تبكي ..اتزوجت عمو عشان تكيدو وهو ح يتزوج ٱمنيه ويكون قدام عيونها طول الوقت 😩😩😩😩😩😩😩😩😩😩
ٱمنيه ماسكه يدها وتبكي وامها تصرخ كدي يدك دي تكون اتكسرت يلا نمشي العياده نشوف الحاصل شنو لانها زايده ورم كل مره ..ساعدتها معزه في لبس العبايه وحنان لبست توب سريع وطلعو من الغرفه ولقو مصطفي وٱسيل في الهول وطوالي مصطفي قام : علي وين ؟
حنان وهي مسنده ٱمنيه : ماشين العياده البت دي يظهر انو يدها اتكسرت .
مصطفي في صوت عالي : يكسر رقبتها ادخلن جوه بلاش كلام فارغ اعملي ليها مويه ملح وخلو الدلع والحركات دي .
ٱسيل اترجتو في دلال : صفصف سيبا تمشي احتمال كسر فعلا .
اداهم الموافقه وطلعو علي طول وبقو يفتشو لي امجاد ومالقو وبعد لحظات جات عربيه توسان ونزل منها دكتور فيصل مخلوع : خير خير ي جماعه ٱمنيه حصل ليها شنو ولما عاين في وشها الجميل وآثار الضرب والجروح باينه عليهو بكت ٱمنيه وزحت وشها منو وفيصل بسرعه فتح العربيه وساعد حنان عشان تركب وتقعد جنبها ٱمنيه ومعزه ركبت قدام وفيصل يعاين كل مره بالمرايه لي ٱمنيه وباين عليهو القلق واول مستشفي وقف ونزل بسرعه وفتح الباب الورا ومسك ٱمنيه من يدها وكتفها في حنيه ودخلو المستشفي والدكتور اصر يعملو اورنيك لانو شاكي انها مضروبه لكن دكتور فيصل اقنعو انها وقعت وقعه شديده وعملو ليها صوره وطلع كم كسر في اليد وعملو ليها الجبص وعالجو الجروح ..كل دا ودكتور فيصل معاهم م فارقهم لحظه وبعد خلصو وكان الوقت ٱتاخر اصر يوصلهم البيت وبعد إلحاح وافقت حنان ووصلهم لحدي البيت وشال رقم ٱمنيه عشان يطمئن عليها .
🔻🔻🔻🔻🔻🔻🔻🔻🔻🔻
بعد فتره نزلت ٱمنيه الجامعه ولسه م فكت الجبص واستقبلوها صديقاتها بحراره خاصه الاء وريم وقبل م تنزل كانو بجيبو ليها المحاضرات كل يوم علي البيت وقفو معاها وقفه اخوات .
الاء : عليك الله منويه دكتورفيصل عمل معاك دا كلو ؟؟؟!!!!
ريم : هههههه والله كان كدا يجي منو المفتري .
ٱمنيه : لا لا م بسمح ليك .
ريم : م تسمحي ..بكره ابوك يزوجك احمد وتغني في الليله ديك وجداده .
الاء لكزتها : مجنونه انتي بقيتي م تراعي لي مشاعر الناس.
ريم : ي جماعه انا م قصدي حاجه لكن دا واقع ولا انا قطعتو من راسي .
ٱمنيه في حزن : لا ي ريم كلامك منطقي لكن اذا عرفت مشاعر دكتور فيصل تجاهي شنو ممكن اقدر احارب واتحدي بيهو كل الوجود وياك اكون او لا اكون .
الاء : هههههه والله انتي م عندك هم تغني لي صابر الرباعي وانا شايله همي.
ٱمنيه ضمت ريم والاء عليها وقالت : انتو حبيباتي.. 😘😘😘😘😘😘😘😘😘😘
فجأة جات شهد وسلمت علي ٱمنيه في حراره وقالت : غبتي كتير خفت م تحضري خطوبتي ..
ٱمنيه : والله مبروك منو سعيد الحظ دا .
شهد : في غيرو حب عمري من ما فتحت لقيت نفسي بحبو رغم انو الفرق بيني وبينو 10 سنه لكن هو حب طفولتي ومراهقتي وشبابي وان شاء الله اقضي عمري كلو معاه
ريم 😏 وطيب هو بحبك ؟؟
شهد : والله م عارفه ساعات بحس انو بحبني وساعات بحس اني ولا علي بالو ..
ٱمنيه بقت ماسكه دموعها عشان م تفضحها قدام شهد وبعد شويه رن تلفونها وفتحت الخط وكان فيصل وطلب يلاقيها ضروري جدا بره الجامعه .🤔
يتبع...
