ٱمنيه لقت حنان مرميه علي الارض ومشت عليها وهي بتكورك وتصرخ معزه معزه ووب ماما ماما مالك حبيبتي قومي اصحي الليله مالك م صليتي الصبح حاضر ماما ماما😭😭😭😭😭😭😭😭😭
معزه جات جاريه وبقت تكورك كمان وبسرعه جرت الشارع وجابت امجاد وطلبت من السواق يساعدهم في شيل حنان وفعلا ختوها في العربيه وبسرعه علي الحوادث واول دكتور لقوه كشف عليها وقال ووشو حزين الدوام لله البركه فيكم الحاجه دي متوفيه ليها نص سَـآعــهْْ .. 😩😩😩😩😩😩😩😩😩😩 ٱمنيه صرخت ومشت رفعت الغطا من امها انت غبي ؟ كيف تموت ..امي نايمه بس ماما اصحي اصحي شفتي الدكتور البليد دا بقول عليك متي ! دا اكيد م بعرف حاجه يا معزه تعالي شيلي معاي ماما نوديها البيت ..معزه تصرخ وتبكي وقالت لي الدكتور ماتت كيف يا دكتور السبب شنو ؟ والله ذبحة ربنا يلزمكم الصبر انا لله وانا اليه راجعون
ٱمنيه حاضنه امها ..ماما حبيبتي نحن ياداب رحلنا ياداب حترتاحي من ٱسيل ياداب بكون برانا ونفرح سوا ..يلا قومي يا ماما عمرك م هظرتي معانا كدا وااااااي يا ماما لا لا ودخلت في صدمه وقعت علي الارض وبسرعه السسترات رفعوعها وودوها غرفه تانيه ومعزه في حاله ذهول تعاين لي امها ومنتظره تفوق في اي لحظه وتتكلم معاها وتشاكلها وتتكلم في لبسها ولي اتأخرتي يابت وانتي عايزه تجننيني والله ..وصرخت ااااااخ يا ماما سيبتينا ونحن في امس الحوجه ليك ياغاليه يا ست الكل ربنا يصبرنا يارب يصبرنا ..جو السسترات عشان يجهزو الجثمان عشان يسلمو ليهم ويمشو البيت ومن هناك لي مثواه الاخير 😩😩😩😩😩😩😩😩😩😩معزه بقت محتاره تعمل شنو وتتصرف كيف واخيرا ضربت لي عمها وورتو اسم المستشفي وطوالي ابو احمد مشي لي مصطفي ودق الباب وجا فتح الباب مصطفي وعين فاتحه وعين مغمضه وقال في خلعه : خير يا اخوي في شنو من الصباح ؟ الدوام لله حنان اتوفت قبل شويه ومعزه ضربت لي وكلمتني ..مصطفي فقد توازنو وقرب يقع لَـگِنْ اخوه ثبتو وهو بقول الدوام لله البركه فيكم يلا نلحق البنات ديل براهم وهم صغار غايتو يا اخوي ربنا يسامحك بقيت ليها سبب ..مصطفي وحزن الدنيا كاسي وشو : ارجوك انا الفيني مكفيني بس انا خايف البنات م يستقبلوني ..ابو احمد : بصراحه لو عملو كدا مافي زول يلومهم لكن يا مصطفي جيب البنات يعيشو معاك هنا وحاول قربهم منك تاني هم م عندهم غيرك ..مصطفي : لكن ٱسيل م بتقبل ..ابو احمد : شوف الزول دا لسه يقول لي اسيل ! ٱسيل شنو الراجل منو فيكم ؟ مصطفي دنقر راسو ومشي لبس جلابيه وركبو العربيه وعلي المستشفي .
في المستشفي
الجثمان جهز خلاص وطلعو الاسعاف عشان توديهم البيت وٱمنيه دايخه خالص الا رفعوها في العربيه رفع 🚐 والسواق عايز يتحرك وقفت عربيه مصطفي وابو احمد جنبهم واشرت ليهم معزه يمشو وراهم وفعلا اتحركت العربات ووصلو الشقه الجديده ونزلو الجثمان هناك ودخلت ٱمنيه ومعزه ومعاهم حاجه كبيره في السن من الجيران وبره كان في ام احمد واخت حنان الوحيده وهي الفضلت من اهل حنان وهبه بت عمهم وهناك في ركن ٱسيل قاعده لابسه اسود في اسود .
بعد انتهو من تجهيز الجثمان معزه قرت سوره يس وبعدها شالو الجثمان وٱمنيه جاريه ورا العربيه وهي تصرخ وتبكي ماما خليتينا لي منو يا ست الكل وااااااي انا يا ماما بدونك بقينا اغراب بدونك بقينا تراب واااي ياماما خلاص حاسه قلبي اتفطر بدونك خلاص م عندي مكان جات ٱسيل قعدت جنبها وبقت تواسي فيها لكن ٱمنيه صرخت في وشها زحي مني ماما ماتت جاتها ذبحه بسببك انتي وبابا اطلعي من بيتنا عايزه مننا شنو تاني خلاص خلت الساحه افرحي ماما ست الكل ماتت آآآه انا يا ماما خليتيني لي منو ااااااخ ياربي صبرني ياربي صبرني انا لله وانا اليه راجعون . 😩😩😩😩😩😩😩😩😩😩
جا مصطفي وقعد جنب ٱمنيه ومسكها وبقي يبكي لكن ٱمنيه سكتت وماقالت اي كلمه وبعد فتره دخل معاها جوه وقال ليها : جهزي نفسك انتي واختك عشان ترجعو معاي البيت ..ٱمنيه بكل ادب : يابابا معليش بيت اطردت منو ماما ربنا يرحمها مستحيل ادخلو تاني لا انا لا اختي وانت ابونا يعني م ينفع نتخلي عنك دا طبعا بيتك في اي زمن تجي ونحن بنجي بيت عمي ونضرب ليك تلفون وتجي نسلم عليك ونرجع بيتنا ..مشي مصطفي البيت وعمل فراش هناك يومين والناس بتجي البيت الكبير تعزي وتمشي شقه ناس ٱمنيه تعزي وهكذا لحدي م جات السابعه والناس اتفرقت لكن ٱمنيه طلبت من خالتو سهام اخت المرحومه تقعد معاهم في البيت علي الاقل لحدي الاربعين وبعدين تمشي بيتها عشان زوجها قاعد براه وكبير في السن ووافقت سهام تبقي معاهم وفرحت ٱمنيه عشان شايفه فيها ريحة امها اما معزه كان ليها رأي مختلف قالت مفروض يعتمدو علي نفسهم ويعتادو علي العيش براهم وكدا يعني...
جات ٱلاء وريم يوم الجمعه عشان يقيلو مع ٱمنيه وجابو ليها الدروس الفاتتها كلها لكن ٱمنيه قالت انها نفسها مقفوله من اي شي وماعايزه تمتحن عايزه تجمد السنه لكن ريم قالت ليها في غضب😡 م قايلاك ضعيفه كدا وتنهزمي قدام العواصف انتي لازم تريحي ماما حنان في قبرها وتنجحي وتحيب إمتياز عشان تتعيني في الجامعه مساعد تدريس وعلي فكره ماما حنان م امك براك هي امنا كلنا يعني ام الكل وقسما بالله م تمتحني لا انا لا ٱلاء م عندنا شغله بيك تاني واسي نحن ماشين وبلغينا بي خبرك بقصد يعني رايك النهائي ..ٱمنيه بكت : انا م عندي غيركم في الدنيا دي خلاص خلاص بمتحن اقعدو ..ٱلاء : بعدين انتي لازم تكوني غدوة لي اختك الصغيره ولا نسيتيها هي ماشاء الله كلها فتره بسيطة وتدخل كليه الطب وانتي بقيتي ليها الام والاب ...ٱمنيه ارتاحت لي كلام صحباتها وكانو دايما البلسم والسند والقوه ليها ...
يتبع....
