بسرعه مشي علي ٱمنيه وحاول يفوقها ولقي دم في راسها من اثر الضربه وجاب ريحه وبأعصاب باردة طهر الجرح وبدت ٱمنيه ترجع لوعيها واول م فتحت زحت منو وهي ماسكه راسها مكان الجرح وحاولت تقوم لكن داخت تاني ومسكها احمد وساعدها لحدي م وصلت السرير وعيونها مليانه دموع ورقدت علي الجهة السليمه وبقت تعاين لي احمد بنظرات كلها كره واستجمعت قواها وقالت وهي لسه موجوعه : موافقه علي السفر واول حاجه تعملها لما نصل الخرطوم ورقه طلاقي وكلام الناس اهون لي من اعيش مع واحد مريض نفسي زيك وقبلت منو وهي مواصله ..لو سمحت خليني لوحدي عايزه ارتاح ..😞😞😞طلع احمد ومشي الغرفه التانيه ورقد علي السرير وضرب تلفون لي ٱسيل : اهلين ٱسوله اخبارك ..جنبك ذول بتقدري تتكلمي معاي ..ٱسيل فرحانه : دقيقه بس اطلع بره عمك دا نايم لي زي التمساح في الغرفه ..يلا احكي ي بيبي في شنو ..احمد في خبث : م بقدر احكي ليك اي حاجه هنا لما اجي بتعرفي اي حاجه المهم م عارف اوصل ليك الموضوع كيف ..المهم انا م ح اكمل مع ٱمنيه.. ٱسيل : 💃💃كييييف الكلام دا معقووووله السبب شنو 😱 احمد : يعني بصراحه اكتشفت انها... يعني انا م اول راجل يدخل عليها 😳😳😳😳😳 ٱسيل : يااااخي وعامله فيها شريف شرف ..احمد : حبيت اكلمك عشان اذا عرفتي اني طلقتها تكوني عارفه السبب وان شاء الله تتخلصي من عمي ونتزوج... ٱسيل في دلع : ي بيبي انت عارف انك حب حياتي وانا عملت المستحيل عشان الزواج دا م
بترت عبارتها وحست انها حترمي نفسها وحاولت تغير الموضوع : يلا ي بيبي ترجع لي بالسلامه 😘😘 احمد : يلا سلام.........
منزل مصطفي
جات ٱسيل فرحانه تغني ولقت حنان في المطبخ تجهز في الغدا وفي حله فيها مهلبيه طلبتها منها معزه ..فتحت ٱسيل الحله وكشحت المهلبيه في الحوض ودا خلي حنان تقول : لا دي حقت معزه وزمنها علي وصول 😠عاينت ليها ٱسيل من فوق لي تحت : عايزه الحله دي بعدين حصل شنو يعني اعملي واحده جديده 😏😏😏 حنان : ربنا يسامحك .. ٱسيل في مياعه : اسمعيني ي خالتو انا م بحب ذول يقول لي لا وجهزي الغدا سريع عشان انا وصفصف عندنا حفل وداع حصري علينا انا وهو لانو ي حرااام مسافر بكره وبطول مني شديد وانا م متعوده علي فراقو 😍😍😍 حنان : اتغدي انتي معاهو انا بنتظر بتي😒 ٱسيل : لا كنا عايزنك في موضوع كدا.. حنان : موضوع شنو ان شاء الله خير... حضرت الغدا ووضعتو علي السفره ودقت الباب وجو مصطفي وٱسيل متماسكين دون اي مراعاة لشعور حنان وقعدو علي السفره قريبين من بعض وتهامسو وتقول ليهو كلام في اذنو ويضحك مصطفي وحنان متجاهله وجودهم خالص ودا خلي ٱسيل تغلي وبدون اي مقدمات قالت : اخبار بتك العروس شنو صحي قالو جايه قبل م تكمل شهر العسل ؟؟؟؟؟!! حنان : خلي بتي في حالها وخليك في نفسك
ٱسيل في غيظ : صفصف م كلمت حنان بي موضوعي ؟ مصطفي في دهشه : موضوع شنو م متذكر ي بيبي ...ٱسيل في دلع : تمام ح اقولو براي ..عايزه غرفتك ي خالتو عشان انا عندي حساسية وغرفتي بارده خالص ..حنان : غرفتي 😳😳😳 انتي عارف ي مصطفي ارتباطي بي الغرفه دي هي عالمي انا م برتاح الا فيها وكل ذكرياتي افراحي ودموعي فيها باختصار الغرفه دي كل حياتي 😭😭😭 ٱسيل في اصرار : يعني شنو يرضيك ي صفصف انا اموت بالحساسية 😔😔 مصطفي : حنان ارحلي اي غرفه تانيه وخلي دي لي ٱسوله ❤ حنان قامت من السفره وهي بتقول : حسبي الله ونعم الوكيل ودخلت الغرفه وبقت تلم في حاجاتها وتبكي وتحاول في تلفون معزه وتلقاهو مقفول وبعد خلاص العشا قرب يأذن جات معزه مبهدله وهلكانه وفي اثر دموع علي وشها وطوالي جرت وارتمت في حضن امها وبقت تبكي 😭😭😭😭😭😭😭😭😭😭
حنان مخلوعه : ي روحي انتي عرفتي ولا شنو ولا يهمك حبيبتي انا الله مع الصابرين ..معزه رفعت راسها وعاينت لي امها : قصدك شنو ي ماما 😳😳😳 حنان في دهشه : انتي مالك المبهدلك كدا شنو وبتبكي ليه احكي لي الحصل ليك شنو ؟؟ معزه ذادت في البكي : آآآه ي ماما ....
يتبع....
