معزه مرميه علي الارض وفي كميه شرايط حبوب مفرغه منها الحبوب وصرخت حنان : بتي... معزه.. احمد طوالي شال معزه وجري علي اقرب عربيه ومنها علي المستشفي وحنان تبكي وتقول : فيها نفس ي احمد ؟ بتي حيه ي ناس كدي اهبشو النبض... وااااي انا... احيييي من بتي يارب الطف بينا يارب ارحمنا يا ارحم الراحمين بي رحمتك الواسعه يارب... وبقت تدعي ومعزه بعملو ليها غسيل معده والكل متوتر وخايف وحنان كمان مقلقه علي ٱمنيه وخايفه تصحي وتلقي مافي ذول وتدخل في نوبه تاني عشان كدا ضربت لي ٱلاء وطلبت منها تمشي البيت لي ٱمنيه وتقعد معاها لحدي م يشوفو الحاصل علي معزه شنو 😩😩😩😩😩😩😩😩😩😩
بعد فتره جات الدكتوره طالعه وقالت ليهم ( الحمد سيطرنا علي الحاله حتقعد 24 ساعه تحت الملاحظه وبعدها ممكن تمشي البيت عادي ) دخلت حنان علي معزه وحضنتها وبقت تبكي : ليييي ي حبيبه عمري تعملي كدا في روحك وفينا ..انا امك وم عندي اغلي منك ومن اختك انتو عيوني البشوف بيها واذا عندك اي مشكله انا امك يعني مافي ذول في الدنيا دي بخاف عليك زيي ..معزه مسحت دموعها : ماما انا آسفه بس بعد ارتاح بحكي ليك.. حنان : حاضر ي عمري علي راحتك انا م مستعجله ..بعد شويه جا احمد داخل : خلاص حليت الموضوع مع الشرطه ..حنان 😱😱 شرطه شنو ؟ احمد : انتي ناسيه انو الانتحار جريمه ..حنان دموعها جرت : شكرا ي احمد.. معزه : ماما ناس ٱمنيه رجعو ولا شنو ؟ احمد طلع بره وحنان جاوبت : ايوه رجعو بس اختك تعبانه شويه ..معزه : كيف عندها شنو ؟ حنان : والله ي بتي م عارفه اقول شنو ..المهم اختلفو واختك طالبه الطلاق ..معزه : طلاق ؟ هم لحقو ؟ ماما ارجوك قولي للدكتوره تخرجني انا زهجت خلاص😞😞😞😞😞😞😞😞
جاب احمد العربيه حقتو من البيت ووداهم البيت ولقو ٱمنيه في الهول ومعاها ٱلاء وطوالي مشت علي معزه : في شنو مالك ؟ مشيتو المستشفي لي شنو ؟ حنان : اهدي حبيبتي مافي حاجه ..انتي بقيتي كيف ..ٱمنيه وواضح عليها الاعياء : كويسه ي ماما ..عزوزه حبيبه بقيتي كيف 💔💔💔💔💔💔💔💔💔💔معزه بتحاول تحبس دموعها : انا كويسه ..سلامتك انتي كمان ..الله يسلمك ..وٱلاء سلمت عليها ودخلت معزه الغرفه عشان ترتاح ودخلت معاها حنان ..ٱمنيه قالت لي ٱلاء : حبيبتي انتي بكره عندك جامعه امشي البيت... ٱلاء : لا لا الا ٱطمئن عليك ..ٱمنيه : تسلمي حبيبه انا كويسه وببقي كويسه اكتر لما اجيب ورقتي من الذول دا ..😡😡😡😡
ودعتها ٱلاء ومشت البيت...
⛔⛔⛔⛔⛔⛔⛔⛔⛔⛔
في الجامعة
خلص دكتور فيصل المحاضره وبالو مٍشًغوٍلً بالحاصل لي ٱمنيه وقلبو مجروح منها لما اتزوجت بدون حتي م تقول ليهو ولملم جراحو واتمني ليها الخير وضحي وكل مناه يشوفها سعيده وتاني اتجرح لما شاف وضعها في المستشفي اليوم وعارف يتصرف كيف ويعمل شنو ؟ وهو حتي م قادر يضرب ليها تلفون وهي سيدة متزوجه.. وسط حيرتو دي كلها جاتو رساله وطلع التلفون وفتح الرساله ( دكتور فيصل اولا انا بخير اطمئن !وفي حاجات كتيره عايزه شرح في الوقت المناسب بوضح ليك ..ٱمنيه) شال نفس طويل بعد قرا الرساله وبعدها لقي صديقو مساعد تدريس في الجامعة ومشو مقهي بره الجامعه وهناك قال فيصل : م عارف اعمل شنو مع البت دي من امس قلبي مقبوض وعايز احكي ليك ..
محمد : البت دي ماره بي ظروف صعبه جدا
فيصل : ايوه وماعارف اقيف معاها كيف بدون م اتسبب في مشكله خاصه وزوجها كان صحبي وقرينا سوا والمشكله الكبيره اصرار امي علي اعلان خطوبتي علي شهد ..بقيت م قادر اقعد في البيت عديل وقلبي 💔 مجروح علي ٱمنيه احلي وانبل حب في حياتي
محمد : رضا الحاجه مهم كمان وحتي اذا اتطلقت ٱمنيه مافي ذول بوافق ليك عليها السبب الاول شهد والتاني نظره مجتمعنا العقيمه لي المرٱة المطلقه... فيصل انا بس القي امل من ٱمنيه وبعدها اتحدي الدنيا دي كلها...
❤❤❤❤❤❤❤❤❤❤
معزه نايمه وتهلوس وتصحي علي كابوس وهي بتقول : م قصدي اكتلو ..لا لا م تسجنوني لا... فجأة جات حنان وقعدت جنبها : قولي بسم الله ي بتي وقرت ليها آية الكرسي والمعوذتين وقالت ليها في حنان : لسه م عايزه تحكي لي مامتك حبيبتك الحصل شنو ؟ السبب الخلي حبيبه عمري تحاول الانتحار تغضب ربنا اولا وتقطع قلب امها 😭😭 معزه مسحت دمعه جات نازله : ي ماما انا ..فجأة سمعت صوت جرس الباب وطرقات شديده علي الباب وبقت تصرخ لا ي ماما م تخليهم يسوقوني انا م قصدي اعمل كدا ..حنان حضنتها وقالت : مافي حاجه حبيبتي.. منو العايز يسوقك لخظه اشوف الباب وارجع ..مشت حنان وبي وراها معزه وفتحت الباب وكان رجال شرطه ....
يتبع....
