واحدة قالت ليها عارفه اختك بتعمل في شنو اسي ؟ هههههههه.. بكره في نفس الوقت انتظريني اوريك... ٱمنيه بقت تكورك وتقول انتي منو ؟ اختي بتعمل في شنو ؟ الووو الووو
وقفلت الخط وذاد توتر ٱمنيه وبقت تضرب التلفون حق معزه وتلقاه مقفول وترمي التلفون في عصبيه وتمشي وتجي وتعاين لي ساعه الحائط والزمن ماشي لحدي م جات الساعه 2 ظهر وبعد دا لازم تطلع عشان ي دوب تحصل الشغل الجديد ولبست عبايه سوداء وهناك عندهم لبس موحد للناس البتقدم الطلبات لي الزبائن وبي اعصاب منهاره وبال شارد طلعت الشارع وضربت لي سهام وقالت ليها انها مشت الشغل وطلبت منها تحاول تلفون معزه كل مره وركبت الحافله ونزلت في اقرب محطه بتوصلها لي محل الشغل وبعداك مشت مشوار طوييل عشان المطعم م بتجي بي جنبو مواصلات والشارع شبه مقطوع عربات خاصه فقط وامجاد وتكاسي واذا حاولت تركب واحد من ديل مرتبها ح يضيع بس مواصلات وتكون م استفادت حاجه .. دخلت المطعم وكان جميل جدا ومصمم بي طريقه رائعه ومميزه والديكور كمان راقي وكل حاجه فيهو حلوه حتي الموسيقي تسعد الخاطر ..مشت مكتب المدير وكان شاب في منتصف التلاتين وسمين شويه ومقبول وواضح عليهو الثراء ..سلم عليها وطلب منها تقعد وطوالي دخل ليها في الموضوع : ٱمنيه علي م اظن... اهم حاجه عندنا الالتزام والتعامل الراقي مع الزبون .. والزبون دايما علي حق دي قاعدتنا الماشين عليها طبعا عارفه زمن شغلك من 3 الي 9 مساء واي ساعه اضافيه عليها اجر ودا م عندو علاقه بالمرتب اسمو اوفر تايم وفي حوافز ..امشي استلمي الزي واجهزي عشان باقي لي مواعيدك 15 دقيقه .
دخلت ٱمنيه حجره كدا بغيرو فيها البنات ملابسهم وغيرت ملابسها ولبست الزي الموحد حقهم وطلع جميل جدا عليها وفي واحده في البنات جات جنبها واتفحصتها : انتي جديده هنا ؟ ايوه ..جابك يس ؟ ٱمنيه : جابني طه ..كل البنات ضحكو وقالو ليها باين عليك لذيذه وٱمنيه فعلا قاصده الزول الجاب ليها الشغل دا واسمو طه 🙊🙊🙊🙊
ٱمنيه فهمت الشغل سريع لكن كانت بتتضايق من معاكسات الزباين صحيح م كلهم لكن الغالبيه العظمي وفي واحده اتعرفت عليها اسمها سهي قالت ليها لو عايزه تكملي هنا ومحتاجه لي الشغل م تشكي من اي حاجه وسكتت لكن في واحد لما يجي الكل بقيف ليهو حتي المدير بشرف علي طلباتو وبقعد في تربيزه دايما محجوزه بي اسمو ومهما يكون المطعم زحمه م بقعدو فيها زول ..اول م جا لقي ٱمنيه بتخت طلبات لي زبون وعاين ليها كدا وبقي يراقب فيها محل م مشت وهو بشرب في سيجاره من النوع الغالي وبعدها جات وقفت جنبو وادتو القائمه وبدون م يشيل عيونو من عليها قال : قولي ليهم كوكتيل اسامه وهم بعرفو ..ٱمنيه مشت وبعدها جا يس ووقف جنب اسامه وقال : البنوته عجبتك ؟ اسامه : انت عارف ي مان انا بعشق الجمال وخاصه السمراوات ..يس : لكن دي جايه من طرف زول بهمنا ..اسامه : ي مان اسامه م بقولو ليهو الكلام دا ..يس : اوك اوك ..ومشي منو وقعد علي مكتبو وبعد شويه جا واحد تاني وقعد مع اسامه وبرضو بعاينو لي ٱمنيه داخله خارجه وقبل م الدوام يخلص طلعو الاتتنين وٱمنيه خلصت الدوام ودخلت غرفه الملابس وغيرت ملابس الشغل ولبست العبايه حقتها وشالت شنطه اليد وطلعت مع سهي وقبل م تصل البوابه ناداها يس وادها 100 جنيه وقال ليها دا حافز عشان شغلك ممتاز وشكرتو ٱمنيه وطلعت مع سهي وفي الشارع سهي قالت ليها في خبث : يظهر اسامه مبسوط منك شديد
ٱمنيه في دهشه : اسامه منو ؟ اا قصدك الشاب المدلل دا والله غاظني كيف كوكتيل اسامه 😬😬😬 م عارفه اسامه دا يطلع شنو ؟ عاملين لينا بيهو لخمه اذا المطعم دا حقي كان طردتو من الباب .
سهي : ههههههه والله ي بت انتي لذيذه شكلي ح اصاحبك ..اسمعيني الشارع دا م فيهو الا العربات الخاصه بتركبي خاص ؟
ٱمنيه : لا طبعا بمشي بي. رجليني لحدي شارع... وبعدين بلقي مواصلاتنا .
سهي : لا حول ولا قوه الا بالله بعيييد لكن خلي بالك من نفسك .
ٱمنيه : لو عايزه اركب امجاد او تاكسي كنت طلعت بالبوابه الشرقيه علي الاقل الظلط داك رئيسي ..الله سهي نسيت ..وطلعت قروش من شنطتها وادتهم لي سهي .
سهي : دا شنو ي ٱمنيه القروش دي رزقك حلال عليك .
ٱمنيه : والله م تشيليهم م اتكلم معاك تاني مش قالو الحاضر القسمه يقسم 😅😅😅 شكرتها سهي وركبت عربيه خاصه اشرت ليها وٱمنيه مشت نفس المشوار ولقت البص وركبت شماعه لحدي م وصلت البيت ودخلت والساعه عشره جات وقعدت في الهول تنادي ..خالتو ..خالتو سهام جات من جوه وسلمت عليها وسألت من معزه وقالت ليها قبل شويه جات ودخلت غرفتها ..ٱمنيه مشت دقت الباب ودخلت ولقت معزه قاعده قدام اللاب توب واول م شافت ٱمنيه قفلت اللاب توب وقالت ليها : حمدا لله علي السلامه الشغل الجديد كيف
ٱمنيه وهي مخلوعه : معزه دا شنو العاملاهو في نفسك دا ؟ انا الاسمي اختك الكبيره م حصل شلت حواجبي ولا غيرت لون شعري وكمان عدسات لاصقة مشيتي وين من الصباح ؟ معزه في ضيق : اوووف محسساني اني عملت عمليه تجميل او اتحولت لي ولد 😏😏😏 انا عايزه افهم انا طفله ؟ لو سمحتي ادخلي في حياتي في حدود المعقول انا كرهت البيت دا وبقيت حاسه اني عايشه في سجن وانتي سجانتي وخالتو سهام...اذا فضلتو تعاملوني كدا لما انزل الجامعه بقعد في داخليه والله🙊 ٱمنيه بقت تعاين ليها في دهشه😳😳😳😳😳😳😳😳 وطلعت من الغرفه ومعزه فتحت اللاب توب زي المافي اي حاجه .
مرت الايام عاديه وٱمنيه بقت م بتتكلم مع معزه خالص وديك ولا علي بالها وتطلع وتجي علي كيفها لكن م بتتأخر يعني بتجي البيت بدري مره مع ابوها ومره مع صحباتها ..ٱمنيه كل يوم تمشي الشغل عادي وترجع البيت واسامه وصحبو كمان كل يوم يجو ويقعدو علي نفس الطاوله ويوم ٱمنيه طلعت وكان المطر شايل والبرق والرعد سهي طلبت منها تركب معاها اي عربيه وتنزل في اي حته ومنها تلقي المواصلات حقتهم لكن هي رفضت : م بحب اركب عربات خاصه ي مواصلات ولا امشي بي رجولي...مشت طرف الظلط والمطره بقت تصب وفتشت امجاد ولا تاكسي م لقت وبعد شويه سمعت بوري طوييل حق عربيه جات ماشه وراها ولما قربت منها بقت تمشي برااحه واتلفتت تشوف الحاصل شنو النور كان قوي جدا جهر عيونها م قدرت تشوف العربيه ولا السواق وبعد شويه جات جنبها ونزل واحد وجراها جوه العربيه واتحركت طوالي ولما استوعبت الحاصل وبدت تصرخ لقت واحد تاني خت منديل علي انفها وم شعرت بي حاجه ..
يتبع....
