هاني بقي يتلفت وقال حاليا م متذكر حاجه يوم الحادث وطلب منهم الدكتور يأجلو اخذ اقوالو وبعد م طلعت الشرطه من المجني عليه جابت ٱمنيه إذن زياره للمجني عليه في المستشفي وبعد سلمت عليهو وكفرت قال ليها هاني في دهشه : انتي منو وعايزه شنو ؟ ٱمنيه في حزن : انا اخت معزه... هاني قبل وشو الجهة التانيه وقال ليها : عايزين شنو مني تاني بتكم كانت قاصده تكتلني بس لسه في العمر بقيه ..ٱمنيه : هاني انت عارف انو معزه لسه في اول الطريق وصغيره وانا عرفت انك حاولت تعتدي عليها وتهتك عرضها وهي دافعت بكل قوتها ولما م قدرت وانت قربت تصل لي مرادك ضربتك بالفازه علي راسك وانت فقدت توازنك ووقعت علي الدرج وضربت راسك ..هاني لما سمع الكلام دا خجل وحني راسو : ايوه صاح لكن هي اذا م عايزه تعمل معاي كدا لييي وافقت تجي معاي شقتي ومضت علي ورقه الزواج العرفي ..ٱمنيه : طبعا هي غلطانة ومستهتره بالاضافه لي حداثه سنها وقلة خبرتها في الحياه واعتقادها انها بتحبك... هاني : يعني هي م بتحبني ؟ انا مافي بت م بتحبني... ٱمنيه : معزه لسه مراهقة وانت ذول عاقل اذا ضعفت كان انت تكون الواعي وتراعي ليها واسرتها ومستقبلها وانت عندك اخوات واذا مافي اكيد عندك بنات خالات واعمام وعمات صح ؟ هاني ظهر عليهو الندم : والله انا مقدر جيتك دي وقلت للضابط اني م متذكر عشان م هان علي اضيع مستقبلها لاني والله بحبها... ٱمنيه : حب ؟ م اظن لو كنت بتحبها م بتعمل فيها كدا ..هاني : والله انا بحبها ودايما بلاقيها لكن محافظ عليها لكن يوم الحادث هي جابت معاها حبوب مخدره وقالت لي دي آخر موضة في الحبوب بتخليك في عالم تاني وبصراحه هي كانت لابسه لبس مثير وجميله زي م انتي عارفه وجسمها اجمل منها ..المهم بعد الحبوب دي م وعيت بي اي حاجه والشيطان غواني وحاولت اغتصبها والغريب انها هي كمان استعملت معاي الحبوب لكن كانت صاحيه ودافعت عن شرفها... ٱمنيه راسها شطب معزه بتستعمل حبوب مخدرات وكمان متزوجه عرفي صاح هي لسه بت لكن كونها في العمر دا تعمل كدا براها كارثة استر يارب ..هاني عاين ليها وقال في ندم : انا آسف وعليك الله خلي بالك منها وهي متأثره جدا من زواج والدك وامكن دا الخلاها تغير مسارها وانا عن نفسي م بقرب منها بالحرام وبطلب الضابط طوالي بعد تطلعي واقول اني وقعت براي واختك الليله حتكون معاكم في البيت ....ٱمنيه بالفرح قربت تبوس هاني وسلمت عليهو في حرارة وشكرتو ووعدتو تاني تجي تزورو لحدي م يطلع بالسلامه وبعد طلعت شالت نفس طويييل وفي سرها ربنا يكون في عونك يا ماما يلا اضرب ليها تلفون عشان افرحها لكن انا عملت انجاز والله فخوره بي نفسي😌 لما تنتهي المشكله دي لاااااازم احمي البت دي من نفسها واكون قريبة منها ......
افرجو عن معزه والقضيه انتهت علي خير وجو البيت ولقو ٱسيل مبسوطه وطايره طير ولابسه روب ومتجيهة احلي جيهة وحتي م هبشتهم بالكلام لانو المعنويات عاليه جدا وطوالي دخلت الغرفة حقتها ونامت وهي مبسوطه😍😍😍😍😍😍😍😍 دخلت معزه الغرفه وقفلت الباب عليها وحنان بتقول ليها في غضب 😡😡😡😡😡 بكره عندي معاك حساب عسير دا آخر الثقة صاح اذا م كان ابوك مصطفي كان حتعملي شنو ؟ شمتي فيني الناس واااااخساره تربيتي وتعبي فيك ..ٱمنيه ضمت امها عليها ومشت علي غرفه امها لكن حنان العبره مسكتها وقالت : يا بتي الغرفه شالوها مني وادوها لي مره ابوك 😭😭😭😭😭😭😭😭😭😭
بكت ٱمنيه ودخلت مع امها الغرفه الجديدة وحكت ليها اي حاجة حصلت مع احمد وحنان بكت : دا شنو الحصل لينا دا ي بتي يارب لطفك ارحمنا يا ارحم الراحمين برحمتك الواسعة... ٱمنيه مسحت دموعها : انتظري علي اخلص من احمد وبعدين اقبل ليك علي الاخطبوط ٱسيل واطفشها من البيت...حنان : اولا يا بتي من الشي الفهمتو انو احمد مطلع عليك دعايه انك م بت واذا ابوك جا او عرف وهو هناك م بعدي ليك الموضوع علي خير وانتي عارفه ابوك خاصه في الامور دي واكيد اكيد بصدق كلام احمد ...ٱمنيه : بطلب من بابا يوديني للدكتوره يكشفو علي كدا م بصدقك ؟ حنان : يابتي ابوك انا بعرفو اكتر من ما بعرف نفسو بس بصدق كلام احمد والحية ٱسيل... ٱمنيه : انا واثقة في نفسي يا ماما وبنزل جامعتي عادي وبتخرج وبشتغل وربنا قادر يكشف اي ذول علي حقيقته ..حنان : ومره ابوك انسي موضوعها قبيل ضربت لي وقالت انتي اديتيها كف م عايزين مشاكل مع ابوك الله يرضي عليك وربنا يجيب العواقب سليمه ..ٱمنيه : لكن ياماما
قاطعتها حنان في رجاء : عشان خاطري ياروحي انا لو حصلت ليك حاجه انتي واختك بروح فيها ..ٱمنيه : بعد الشر عليك يا ماما تمام حاضر بس انتي تكوني راضية ي ست الكل.. 😘😘😘😘😘
سكتت مده وبعدها قالت : ماما عايزاك تخلي بالك شديد من معزه ..حنان : وانا كمان كنت عايزه اوصيك عليها البت دي خطيره وعيني م حتغفل منها تاني خالص ٱمنيه في حيره: بالنسبه لي موضوع احمد انا كنت عايزه اتحمل عجزو واسكت لكن بضربني كل يوم خايفه يعمل فيني حاجه و
فجأة سمعت صوت وضرب شديد جدا علي الباب وجرت حنان عشان تشوف الحاصل شنو ولقت ...
يتبع....
