(حجة شريفة ...قاعدة في السرير ومنزلا رجولا تحت وبتتحسس اثر الحنة القديمة الباهته ....نادت بصوت مسموع وعالي
- يابت ي نسرين تعالي ختي لي الحنة دي ....وبصوت خافت قالت كرعي لمن بقن غبش من عدم الحنة .....
نسرين :عليك الله ي امي العرس لسه باقي ليهو 10 يوم مستعجلة مالك
شريفه :كيفن مستعجلة مالي عشان تشيل لي وتبقي سودا
والله اخوك ناصر دا فرحانة لي فرح من جوووة قلبي يابتي(الله يفرحك ياحجة شريفة ...كمان وكمان)
نسرين :هااااه
ناصر شنو هو يعني خلاص اختار ليه وحده زي الناس(حقارة كيف مامنها من العليها)
حجة شريفة : ي بت مالا سمية بت خالك والله هدية ورضية وتستاهلو ويستاهلا
نسرين:عليك الله ي امي سمية شنو الضعيفة العيفة الغبية ماعارفة العاجبو فيها شنو (غايتو جنس حالا عليك ي نسرين حسودة)
حجة شريفة :ي بت اتكلمي كويس خلاص حتبقي مرة اخوك والله مافيها كلام تب عقبال م افرح بيك انتي واشيل اولادك ....( وبدون ماتشعر دموعا جرت علي خدها ياحليلا ختت يدها علي وشها)
نسرين : انا
بري عرس شنو ورجال شنوو ووينم الرجال البعرسوهم وهسه البعرسو ديل رجال هم 😏😒☹
حجة : والله ي نسرين الكلام معاك بقي مسيخ وبرفع الضغط وحنتي بختها براااي امشي من خلقتي بس مادايرة منك حنة
**نسرين البت البكر في البيت وعندها اخت اصغر منها متزوجة اسمها نرمين واخوان اتنين ناصر وناجي ناصر عرسو علي بت خالو سمية ماباقي ليه كتير باني فوق في بيتم بيتو جاهز اما ناجي شغال مهندس في شركة بترولية ماتم شهرين يادوب ووضعهم المادي كويس جدا ساكنين في الامتداد نرجع لنسرين
زولة شايفة نفسها وماعاجبا العجب عمرها 35سنة ولسه ما اتزوجت وفوق دا لسانا طويل وعندها راي في اي زول وديما بتعاين للشخص عن طريق وضعو وعندو شنو وبرستيجو عندها معرض احذية في العمارات دخلو عالي ومريحا
اتصلت نسرين علي صحبتا اقبال عشان تكلما ب عرس ناصر ..اقبال دي صحبتا من الجامعه اتزوجت وسافرت امريكا وجات من كذا شهر بس مطلقة عندها توئم بنت وولد وكمان عندها اخوها متزوج اسمو اسامة وعندو 3 بنات صغار بس هم الفي البيت طبعا نسرين متمسكة بصداقتا بيها علشان وضعها المادي وعلي حس امريكا وكدا ....
(ماوريتكم بتاعت شوفوني )
نسرين :وااي ي اقبال من اختيار ناصر ماعندي نفس لعرسو دا نهائي لكن مجبورة احضرو
اقبال: لكن صراحة اخوك بالغ دي مرة ليه
وبعدين مالو مستعجل علي العرس🤔
