-ناصر:خالتي السيدة كيفك
-السيدة :كويسة احمد الله ..الا ماعرفت الحاصل شنو مالا سمية الحصل بينكم شنو جيت سقتها في امان الله غلطت عليك في شنو
ناصر:لا ي امي مافي اي شئ🙂 بس انا ماشي مامورية وحتاخد مني 9 يوم قلت بدل اخليها هناك والبنات زاتم ماقاعدات اخير تجي تتونس معاكي هي زاتا قالت مشتاقة ليكي وعايزة تبيت معاك
السيدة:فيك الخير ي ولدي تمشي وتجي بالسلامة ودعتك الله وامانتك محفوطة عندي
*ناصر ودع حجة السيدة وساق سمية لحد الباب وقال
ماتحكي ل امي السيدة اي شئ انا بجي بحل كل الاشكال الحاصل والبنات ديل اصلو ماتساليهم وحاولي في نص الاسبوع كدا اصلي امي سلمي عليها ودي 5 مليون اتصرفي فيها لحد م ارجع كويس وبعدين ماعاجباني الفترة دي صحتك نزلت شوية وعيونك واقعه اول م اجي ح اوديك الدكتور اعمل ليك فحوصات عامة..
**ماتبكي يا سمية
*وضماها عليه دمعتو جرت قشتا ليهو وقالت ح اشتاق ليك
قال ليها ...وانا زاتي 😊
تصدقي جاء علي بالي ناجي🤔 الود دا مشتاق ليه😄 ومن مشي ما اتصل ولا سال مني وقدر ما حاولت اعرف سافر وين كل مرة يقولو لي مكان رايك شنو بعد المامورية دي نمشي نفتشو عديل ونعتبرو شهر عسل جديد😉
سمية:هههههه ضحكتني
ناصر:تسلم لي ضحكتا ياناس
بحبك
سمية:بحبك
لا اله الا الله
ناصر:محمد رسول الله
*سافر ناصر مدني علشان يكمل المهمة في يومو داك
اما سمية نامت في بيت امها السيدة وقلبها مقبووض
*طلعت نرمين شقتا بقت تفتح فيها مابتفتح قدر ماحاولت مافتحت قالت انا لو حاولت افلس الكيلون اكيد البيت حيكون فاتح احسن اجي الصباح بالمرة جاهزة بكيلون جديد واشوف الحاصل شنو
نزلت تحت وركبت العربية كانت نسرين بتتكلم مع عادل
نسرين:عدولة ثواني
مالك ي بت ووينو محمد
نرمين:ماعارفة الشقة الكيلون بتاعا مغير ومافاهمة شئ دقيت الباب مافي اي حد شكلو محمد ماجاء بس عربيتو جابوها ليه من الصيانة لانه سمعتو قبل يسافر انه حيوديها هناك
نسرين:طيب والغير الكيلون منو؟
نرمين:الا اتصل عليه ويفهمني
ياربي اتسرقت
نسرين:طيب الحرامي يغير الكيلون ليه 😆
نرمين:جد مافاهمة ارح البيت الشفع بكونو صحو وجننو ماما شريفة
