في بيت العروس...♡
سمية في اولي جامعه ابوها متوفي وهي بنت واحدة امها متزوجة من راجل تاني وبعاملا زي بنتو بالظبط ووضعهم علي حالم بتحب ناصر من وهي في الثانوي بس ناصر ماكان عارف بحبها ليه لحد ماناصر شافا في بيتم كذا مرة وشاف اهتماما بوالدتو اللي هيا عمتا ورقتا واحتراما وبقي يعيد في شريط زكرياتو انها كل م تشوفو بتبتسم ومابتكشر في وشو وانها زولة محترمة ومحجبة ومابتفوت فروضا وبدون مايفكر حتي فجاة قرر يعرسا وما استني فورا شاور امو وحس الفرحة في عيونا وقالت ليه عافية وراضية منك ي ولدي ومبرووووك وماحتلقي احسن منها
(نجي لناجي...
*ناجي بحب سمية من هوصغير ولما ابوها كان بجيبا بيتم معاه ناجي ماببطل يلعب معاها ويشتري ليها الحلويات وكل مايكبر حب سميه بيكبر جواه بس ماصرح لزول ولا حتي لسمية وسمية ماكانت بتفهم نظرات ناجي كان قريب منها وعلاقتو بيها طيبة بس ناجي كان بيتعمد يكون ابعد بالذات في الفترة الاخيرة عشان م يتعلق بيها اكتر خصوصا وهي حب حياتو ناجي متوسط في الطول حلبي وعندو وجنات تتاكل عكس ناصر وزول بسيط ومتواضع ومابتشدد في شئ مسالم وراقي ناجي كان بفكر لبعيد فكر يشتغل ويبني بيتو ويجي يعرس حبيبتو المن يشوفا قلبو بدق وبيتوه في اخر مرة سمية كانت في بيت عمتا كانت جاية من الجامعه ولابسه عبايتا ومحجبة طرحتا ...عمتا قالت ليها سمية ي بتي غيري عبايتك دي واخدي ليك حمام وتعالي اكلي قالت ليها ي امي شريفة ماجعانة والله لكن مشيت غرفة نسرين شكلها قافلة عليها بالمفتاح قالت ليها خلاص ادخلي غرفتي شيلي ليك جلابية من جلاليبي ديل وريحي شوية نومي افتحي المكيف ...خلاص كويس ي امي ....اي ي بتي والله كملتي من لحم الدنيا الجري والقراية هدو حيلك هدي اختك نسرين قرت وحضرت واشتغلت ومافي عمار بقولو عليه
مشت سمية الحمام الداخلي اخدت دش وغيرت ملابسا ورقدت نامت في غرفة عمتا ...
جاء ناجي بنادي علي امو مالقاها في المطبخ فتح باب الغرفة لقي سمية نايمة زي الطفلة وفاردة شعرها علي المخدة وشكلها غرقانة في النوم ربع ايدينو ورجلوو واتكل علي الباب وبقي يعاين ليها وهو مبتسم وبقول في نفسو (نايمة زي الاطفال من وانتي طفلة بتنومي ويدك علي خدك ياثمثمتي ...بقي يبتسم ب حب ...
كلها سنة بالكتير وتكوني حلالي
شريفة:انت جيت ي ناجي
ناجي
ناجي
اي ي امي... ارتبك
كنت بفتش عليك كيف قيلتي اليوم
-كويسه ي ولدي
*ثمثمة امتي جات
-مسكينة جارية وشقيانة مع القراية المابتنتهي دي جات قلت ليها اخدي دش والظاهر نامت من التعب
