ناصر نقلوهو مستشفي الخرطوم وضعو صعب اسعفوهو وبنزف اتضرب في راسو ورجلو حولوه مستشفي الشرطة وبعدها دخلوهو غرفة العمليات
نسرين طلعت فوق فتحت غرفة النوم بقت تعاين في الارض رفعت الغطاء والمفرش لقت عقرب واحدة هي خايفة بس قالت لازم اقووي قلبي فكرت تشيلا بشنو رجعت غطتا تاني ونزلت بسرعه المطبخ عندها مفاتيح طلعتا فتحت دوالب المطبخ الخاص بيها وطلعت الماشة تبع الشيشة حقتا وقالت مالو الليلة بعز نفسي بيك بجيك بعد افضي وقفلت الباب كويس اتاكدت منو رجعت فوق فتحت الغرفة جابت الكيس وفتحت الغطا شالت العقرب ختتا في الكيس برعب بقت تفتش في البقية بعد تعب لقت وحدة في رجل السرير برضو اخدتا بس المرة دي قلبها بقي قوي ...
في اثناء ماهي بتفتش جاتا نرمين اتخلعت ورمت الكيس ..قالت ليها خلعتيني اقفلي الباب وشوفي لي لو في زول جاء
مشت نرمين قفلت الباب من جوة وجاتا
نسرين:فتشي معاي المصايب ديل بدل بتعايني لي كدا
نرمين: خليني ارتاح حبة
نسرين:ترتاحي مالك بتعملي شنو مانايمة طول اليوم
نرمين:قولي زهجتي مني ومن عيالي كلها يومين ونمشي منكم
نسرين:نرمين حااااااااسبي
نرمين نطت من مكانا بسرعه مكان ماهي قاعدة العقرب كانت قريبة منها طوالي نسرين بقت اسرع وشالتا في الكيس
نرمين صرخت
نسرين:اسكتي مالك هسه
نرمين:كيف مالي كانت حتسممني انا لهسه بتزكر موية النار وبتقولي لي في شنو
نسرين:اتلهي عليك الله اصلك بتضخمي اي شئ
نرمين:انا برضو اي عشان ماضقتيها
نسرين:هسه فتشي معاي خلي الكلام
نرمين:انتي مالك نيرفز ومتوترة
نسرين:مرة اخوك دي ان ماغارت اصلووو مابرتاح
نرمين :يسمع منك ربنا
نسرين لسه بتفتش وبتتفحص كل حتة في الاخر رفعت المرتبة كانت العقرب بين المرتبة والسرير شالتا برضو
قدر مافتشت تاني م لقت البقية احتارت قالت لنرمين يلا ننفض الغطا والمفرش
فعلا نفضو الغطاء مافي شئ جو ينفضو المفرش وحدة وقعت في الارض والتانية في راس نسرين وبقت تصرخ حاسة بحركتا من وقعت ونرمين تصرخ خافو الاتنين في الاخر بالماشة حتتا في الارض كانت بتبكي ودموعا ملو وشها ومراقبين العقارب زحو منها لحد مارفعتم في الكيس الاتنين وادت الكيس لنرمين ولسه دموعا في وشها وصوتا باكي نزلي معاك الكيس دا تحت
