(ناجي بكلم نفسو بقيتي حلالي ياسمية انا مامصدق انتي مرتي يعني؟؟ عيونو رغرغو ربنا مابنسي عبد من عبادو سبحانك ربي 😢..بعدت عشان م انظر ليها نظرة تخليني احس اني بخون اخوي بعدت عشان م اوجع قلبي بعدت عشان ناصر يعيش مبسوط ...ربنا اكرمني بيها بمقادرو وحكمتو ... وتاني بقي يقول لا دي مرة اخوي دي مرة ناصر انا بقول في شنو (يانفسي استقيمي ) مشي اتوضي وجاء يصلي في غرفة حجة شريفة ركعتين شكر صلي ودعاء لناصر ومسك سبحتو
*طبعا غرفة ناجي وناصر الزمان قاعدة فيها نرمين ونسرين في غرفتا وحجة شريفة في غرفة ومحمد ورباب في غرفة بس رباب طول الوقت مع امها نادر ماتكون موجودة بجاي لانه طوالي المشاكل بتحصل بينا وبين نرمين وحجة شريفة البتتعب
مشت حجة شريفة كلمت نسرين وورتا انه سمية بقت مرة ناجي وانها ماحتمشي مكان وانها مبسوطة🙂😊
نسرين دايرة تجن بقت تجوط وتنهر في امها كفاااية كتلت ولدك ناصر كراعا الحارة دي البت الخادم السودا ال ال.......
ننتهي من قصة تبدا قصة جديدة عزبتناااااا
ناجي طبق المصلاية لف السبحة في يدو وجاء دق باب غرفة نسرين ومشي عليها وهي بقت خايفة ماقايلاه سامعا
ناجي:وطي صوتك وانتي بتتكلمي
لما تكلمي امك كلميها ب ادب😡 واحترام دي م اختك ولاصحبتك
3 سمية مرتي من اليوم سمعتي كلمة واحدة فيها بلصقك مع الحيطة دي شايفاها
وانا لسه بعاملك بما يرضي الله
ماتخليني انفعل فيك ماناقص
ولسه حسابي معاك م انتهي
ارح يما ....
طلع مع حجة شريفة الجاتا ببشاشة ورجعت مكسورة خاطر اما نسرين م استناها ترد عليه
هو بس بقول العايزو ويمشي ...
نسرين بقت تبكي وختت يدها في راسا وبقت تقول الصبر الصبر الصبر
❤
انا طبعا جواي حماس غريب جدا يعني في ثانية كل احزاني وضيقي اتلاشو اكون كذبت عليكم لو قلت نسيت ناصر او بطلت افكر فيه بللعكس انا حاسة انه ناصر لو موجود كان فرح لي اكتر بقيت لافة في الصالة ماشة وجاية ماشة وجاية منتظرة ناجي الساعه ماشة ل 10 اعمل شنو اعمل شنو
لبست توبي الابيض ونزلت افتش فيه
جيت بغرفة نسرين ل اول مرة ماتتكلم معاي وتسيئني كانت بتعاين لي بحقارة وبحقد ماعادي مشيت غرفة يما شريفة لقيت ناجي فاتح المصحف اصلا الباب فاتح خبتو
رفع راسو عاين لي بلع ريقو ماعارفة بحسو لما يشوفني ببتسم تلقائيا حتي بدون مايحس
قال لي محتاجة حاجة سمية
