-
ناصر وسمية وصلو البيت اول حاجة سلمو علي حجة شريفة ناصر سلم عليها في راسا ويدها وسالاا عن احوالا
شريقة:الحمد لله ي ولدي بركة الشفتك طيب من يوم مشيت انت واخوك البيت بقي ماعندو حس حمد الله ع سلامتك ي ولدي
ناصر:ناجي سافر لشغل ولا شنو
اي ي ولدي ربنا يجيبو طيب واشوفو
ناصر:ان شاء الله
شريفة:كيفك ي بتي سمية
سمية:انا كويسه وبخير ي امي شريفة
**بقو يتونسو معاها كتير ويحكو لحد ماقالت ليهم اطلعو ريحو في بيتكم فوف من تعب السفر
استاذنوها وطلعو
ناصر مسك سمية من يدها وهم طالعين علي السلم ودا الكلام المابنفع مع نسرين كانت شايفاهم ومراقباهم قالت في نفسها (اللهي تنزلي جنازة ياسمية)...
وعلي طول مشت للحبشية مدت ليها حنة قالت ليها اعجنيها لي هنا وختيها فوق راس التلاجة
-
مشت نسرين الغرفة وكانت نرمين مرقدا بنتها مميمو جنبها
نسرين:شفتي الدلع والحركات والكعب العالي بيسس
نرمين:مخلوعه نعمة بس ..كدي شوفي لي مميمو دي محمومة
نسرين:مافيها اي شى بتك بس انتي مبرمجا بروحك ساي ومتوترة ع الفاضي محمد لو مامشغول بجد ماكان غاب كل دا
نرمين:مفكرة امشي بيتي انضفو واشوف الحاصل شنو
نسرين: البيت كمان بغلبك يومو واحد بيتنضف ماموضوع وبعدين هسه يجي محمد تاني مابنشوفك ومالك عايزة تحرميني من بنوتي العشل مميمو
نرمين:خلاص ماماشين وادي قعدة لحد م اشوف نهاية محمد شنو
نسرين:الهداك ع العرس شنو خليك زيي كدا فررري ي بت اخر راحة
نرمين:ههههه سجمك والله الشافك عرستي عادل ومن الاول جبتي توائم م ابقي اسمي نرمين
نسرين:يابت توفي من خشمك توائم شنو ...اتزكرت عادل عازمني عرس اخوهو ود ابوه امس الليل كله يحكي لي عنه ياخ لمن زهجني
نرمين :وانتي مفتكرة شنو والعجب وقت تعرسي
نسرين:يابت عرس شنو ياخ والله عندي فوبيا ضدو انا مغست اقبال لهسه فيني تقول طلقوني انا عليك الله مرة زي قبولتي يطلقوها كما الرجال ديل حيوانات وماعندهم اي فهم
نرمين:يازولة ماتجمعي 😌😉
نسرين:ههههههه قبل شوية البسمعك محمد ومحمد هسه محمد بقي فرق منهم ...
مابعرف لكن عادل دا فرق من كل الرجال المرو في حياتي انسان مابشبه حد طيب ورومانسي ومجنون برغم كبر سنو الا انه روحو مرحة وزول مررررطب ياخ تاني عايزة شنو
نرمين: دا كله في عادل الليلة وووب
نسرين:شوفي كان ماعرست عادل دا تاني مابعرس
ناصر مسك سمية من يدها وطلعو فوق
ادخلي بيتك برجلك اليمين ي عروس
*الصالة كانت فخمة فخامة ماعادية ماخدة اللونين ازرق وابيض طقم الجلوس الستائر حتي السجاد والمساند والجداعات انبهرت سمية جدا
ناصر بيسال سمية حبيتيه؟
سمية :حبيتو جدا 😍
ناصر وانا البحبني منو 😉
سمية: امتي مر يوم وماحبيتك فيه وبزيادة كمان 😊
ناصر:الله انا علي الكلام الحلو دا
عارف مدي حبك لي ي سميتي عارفة لو ماكنتي مرتي كنت ندمت لحد اخر يوم في عمري
سمية:ماتقول كداا حبيبي ربنا مايجيب ندم
ناصر:قوليها تاني شنوووو
***سكتت
ناصر:وديني كلمة حبيبي يخلوها ليك تاني اسمي ماداير اسمعو بس حبيبي منك 😍😍😍😘
سمية:حاضر حبيبي
ناصر :احييي انا ههههه(الليلة اتزكرت واحد دفعتنا جنو يقول احيي انا وكنت بشاكلو اقول ليه اخجل)
سمية ههههههههه مجنون
ناصر:بيك سميتي😘
يلا نشوف باقي الغرف
شافو غرفة الضيوف كانت انيقة ومرتبة وجو جنب غرفة لصق غرفة الضيوف ناصر قال لسمية دي خليها وماتحاولي تفتحيها اوعديني
.سمية:..وعد مابفتحها
ناصر:ولاتساليني من الفيها
يتبع.....
