العاشرة 10
جاء الصباح وسمسمة كانت نايمة علي حضن راجلا ناصر
ناصر:سموسمتي انا صباح الخير ي احلا عروس
سمية:صباح النور نصوري
😍 ياسلام نصوري مرة وحدة اسمي ماقايلو حلو كدا ايه الدلع دا كيف اصبحتي
الحمد لله وانت
انا😉 اسعد حد في الدنيا
*غطت وشها بيدها بخجل عايزة تقوم
لالا خليكي كمان شوية باسا في راسا ومشي يدو علي شعرها وقال ليها ماعايزة تعرفي انك بتحبيني من متين
سمية:اها من امتي؟
يلا شكلو من زمان شديد
سمية:ههههههه طيب معناها ماعاارف
ناصر:وري راجلك طيب
سمية:لا م بقول ليك ومابوريك
ناصر:يعني كلامي صاح انك بتحبيني
*ابتسمت
ناصر:قوليها
**سكتت
ناصر:طيب انا اوريك امتي عرفت بحبك لي ومسك يدها باسا ليها وقال بتزكر يوم جيت البيت متاخر قريب للساعه 3 وقتها انتي كنتي معانا وناس البيت مفتكرين اني بايت جيت داخل غرفتي حسيت بحركة والنور مولع
سمية:الليلة( وشها قلب الوان)
ناصر:اي شفتك وانتي بترتبي في ملابسي اللفت نظري انك اخدتي قميص الشغل وضميتو عليك وفضلتي تشمي في ريحتو وقتها غمضتي تصدقي كنت مبسووط وسعيد كل السعادة
*هسه انتي خجلانة ليه انا مش حبيبك
*بقت تبكي ...
ناصر:بتبكي عشان شفتك يوما
سمية:ماعارفة
ناصر:طيب ماتبكي سمسومة
عشان انا كمان بحبك شديد
سمية:وانا بحبك ناصر
امتي حنرجع
ناصر:خلاص زهجتي متين جينا نحن
لالا م زهجتا اشتقت ل امي
*مسح دموعا بي صوابعو
سمسومتي انا هنا امك وابوك وكل اهلك ماعايز اشوف دموعك دي
*في حاجة حابي اوريك ليها
سمية:تسلم لي...شنو هي اللي هيا
ناصر: اسلم ليك براك وحضنا عليه انا جيت مامورية منها شغل ومنها شهر عسل ماملاحظة للتلفونات البتجيني دي يلا مفروض امشي القنصلية قلت ليهم قاعد مع مرتي الليلة ماجايكم
*ضحكت قالت ليه مامورية كم يوم
ناصر:بين اسبوع وتسعه يوم كدا
ربنا يوفقك ي رب
ناصر: اي كتري لي من الدعوات دي
سمية:ناصر
ي عيوني
م اتصلت علي ماما وعمتو طمنتهم علينا
ناصر:يا الله تصدقي في بالي لكن ماعارف النساني شنو خلاص بعدين نطلع افسحك ومنها تشوفي البلد وامشي اشتري ليك فون وشريحة علشان لما اكون في الشغل م اقلق عليك ...
سمية:طيب ان شاء الله
*ناجي رتب ملابسو وماقدر يقاوم صورة سمية العندو ختاها بين ملامبسو في الشنطة شال حاجاتو وجاء ودع امو قال ليها ادعي لي
دعت ليه وماقايلاه مسافر وماحيجي تاني
مشي لنسرين في الغرفة لقاها لسه نايمة ناجي بطبعو حنين اقل موقف بهزو وياثر فيه دمعتو جرت علي خدو مسحا ولقا نرمين صاحية مع اولادا سلم عليهم وقال ليها انا مسافر بقت تتكلم بصوت عالي ماشي وين ياناجي وماشي وين
ناجي:وطي صوتك ي بت
ماشي شغل وبجي قريب
نرمين:ماعوايدك تودعنا كدا ي ناجي انت ووين مسافر
ناجي:ي بت قلت ليك ما ح اغيب كتير الغلط مني عشان وريتك ...
نرمين:تجي بالسلامة ي اخوي
ناجي بعد طلع الشارع جاء تاني حضن حجة شريفة وبكا معاها وباسا في راسا وقال اعفي مني ي امي
عااافية منك ي ولدي الله يوفقك وتجينا بالسلامة
*طلع بسرعه لقي مريود مستنيه بالعربية ومشو المطار
*عادل اتصل علي نسرين
الوو نسو صباح الخير
نسرين:بصوت فاتر صباح النور
عادل:شكلك لسه نايمة
نسرين:يادوبك صحيت والله
عادل :نوم العوافي مش قلتي حتصحي بدري علشان حتدوامي في المعرض
نسرين:مكسلة والله ياعادل بمشي الساعه 12 كدا
عادل:طيب ينفع اشوفك الليلة
نسرين؛الليلة
سيبا بكرة
عادل :خلاص طيب بكرة بكرة
يلا سلام
سلام
نرمين: والله ي نسرين قلبي مامطمن لمحمد خالص
نسرين:طول عمرك شكاكة الراجل شغال انتي شاغلة بالك بيه مالك خليه
...
انا بالي في السافرت تركيا دي اريتا تجي مشلولة
نرمين:اريتا تجي جنازة مشلولة شنو
نسرين:امين
نرمين:اسمعيني هم حيجو بتين
نسرين:بري هم اتصال م اتصلو
شفتي نستو امو من اولا "بتقولو عليها مسكينة
نرمين:مسكينة انا دي
نسرين:واااي اريتا تجي بس امانة م بمغسا وادغصا
شفتي الفرش الفرشو ليها فوق
نرمين:اي ناصر طول عمرو بحب السمح
نسرين:والله في بالي كم فكرة مستنياها تشرف بس😈
يتبع....
