❤
رباب :والله يا امي انا كرهت العيشة دي من يوم ما مات ناصر وانا اموري اتعكست بعد ماكانت ماسة كويس
يابتي دا كلام شنو ناصر ربنا يرحمو وماتنسي انتي الاخدتي قرارك انك تتزوجي محمد انا منعتك لكن ماسمعتي كلامي
رباب:والله مافي بالي محمد براها تشكر فيه قدامي واناالعمر مشي بي يا امي ماكان عني حل بس تستاهل الوسخة
ماصاح منك يابتي زمان الوحدة بعرسو ليها وهو متزوج بت عمها وبت خالا وخالتا وبقعدن ب احترامن لكن انتو الله يكون في عونكم بس
رباب :انا راجعه واليحصل يحصل
يابتي انتي غاوية مشاكل* مش محمد بيبني عشانك اصبري عليه والبصبر بنول ترجعي تسوي شنو
رباب:ما ح اسوي واليحصل يحصل
❤
نرمين نوت شر خلاص وقفلت معاها يد في الباب ويد في نصها وبقت تتكلم
جابوكي من الخلا جيتي استلمي البيت وطابق فوق كمان اتخلعتي بالعيشة دي ...لاصقة لصقة تاني بتمشي انتي ؟قصتك شنو راجلك ومات ياخ انتي عندك كم روح اي شئ سوينا ليكي لا خلينا موية نار ...
هنا سمية اتخلعت ماقدر تستوعب موية النار كانت مقصودة يعني
نرمين:لاخلينا عقارب
سمية 😳
الدهب من الاول بعناها وجبنا دهب فالصو
سرقنا قروشك ياخ انتي مالك
الملح دا بنزيد بيه حلة الملاح عشان ناصر يتكلم ما اتكلم وطلقك وخلصنا
اي شئ حصل ليكي انا ونسرين كنا سبب فيه
حقو تخافي يا استاذة لانه الكان سندك مات رااح والله يوم واحد بس بجيهك اخليك تقولي حقي برقبتي ف شنو اطلعي برة من البيت دا واوعاك تقولي امي شريفة معاي
لا ياماما دا بيتا ودي بيئتا دايراها تمشي هناك عشان تموت من الجوع وتنشف زيك كدا
هنا سمية اول مرة تتحرق من جواها اتمنت الارض تنشق وتتبلع بيها موقف كان يهز جبل وانه ناجي سامع كل دا ...!
داير ترد عليها شافت ناجي عيونو بقي لونم احمر ماسك يدو ضاغط علي نفسو وشو بقي لونو احمر طماطم ومعرق .....
قامت من طرف السرير طالعه
نرمبن:ماشة وين ياماما ساعة زمن تكوني طلعتي من هنا وحسك عينك تكلمي امي والله اطه...... بموس ميته
ناجي قال *نرمين* بقوة كل الدنيا بوجع كل الدنيا وبصوت عالي ومخيف
نرمين اتخلعت اتسمرت مكانا قبل ماتتلفت عليه سمح اداها كف وقعت جوة الغرفة ....
