مابعد حفلة حنة العروس
سيدة: ماشاء الله ي بتي ربنا يحفظك ويغطيك الملايكة صايناك وحافظاك
سمية :ي امي الله م ضراك الملايكة مابتصون ولابتحفظ البصون رب العالمين
السيدة:هي ي بتي بقدرتو يسخرم نااايرة وحلوة
*باست امها في راسا تسلمي لي انتي
فتحي:الف مبروك ي بتي ربنا يتمم ليكم علي خير
ابوي فتحي امين (ودموعا بدو ينزلو ...
عم فتحي عيونو رقرقن وقال ليها ..شدي حيلك ي بتي وربنا يهنيك وطلع ...
(اللحظة ديك كانت المشاعر فيها حيه وعاليه خالتي سيدة اتزكرت ابو سمية وكيف فتحي بعامل سمية بلطف وحنية وطيبه كانها بنتو حقيقي وسمية وارتباطا بيه وانها ماشه علي حياة جديدة وحتخلي ليهم البيت شين)
نجي للحموات...
نسرين:اي ي ناصر قلت عايزني
ناصر:اسمعي يانسرين اي نعم انتي اختي الكبيرة ومحترمك ومقدرك ومابرفع صوتي عليك وخاليك علي راحتك في حاجات كتيرة شايف وساكت لكن لحد هنا انا م بعيد كلامي دا معاك تاني لبسك اللبستيه في حنتي دا عكر مزاجي ومالحقت افرح حتي بحنتي وانا راجل وماراجل عادي رجل قانون مابرضي ل اختي تتعري قدام الخلق والله انا مسكت نفسي بالجلالة بحكم انها حنتي وكدا بس وديني وما اعبد تاني اشوفك لبستي اللبس الشين دا ماتلومي الا نفسك وانا انزرتك ...
اما نرمين عندها راجل مسوؤل منها شايفا مالابسة توب اليوم ولا طرحة تستر بيها شعرا لكن هي في الاخر اختي ومابرضي ل اخواتي الا الصاح فهمتي وياريت توعي اختك معاك وماتوطو راسي واحترمو نفسكم يلا اطلعي واقفلي وراك الباب(ولد دا احييي الشرطة الامنية كلها)
*نسرين اول مرة يتكلم معاها ناصر بحدة فضلت واقفة بس وممغوسة منو وشالت الكلام كله في سمية... (عشان محجبة الشافعه دي قبل م تدخل علينا تخرب علاقتنا مع اخوانا امانة م ح اوريك النجوم عززز الضهر👌🏼
..
نسرين بتطلع في اكسسواراتا واقفة جنب المراية ولسه الميك اب مزين وشها
شفتي المنعولة لابسة شنو
نرمين: احيي يافشفاشي يمين لو ماعرست ل ناصر عرسه تليق بيه م ابقي اسمي نرمين ...
نسرين:شفتي العولاق والبشتنه دا زمن توب واربتو لو توب سمح والله دا لو جابو لي هديه احرقو 6 مرات
يابت ماتحرقي رزك ساي خلينا نتعشي بدل العشاء الجابو دا وااي اخيي غالبم يعملو بوفي مفتوح وهم كل المعازيم ماتامين 20
نسرين:احيي ياخالي الغلط منك من الاول الخلاك تعرس الاسمها سيدة دي منو
نرمين:يابت خالك في التراب
