تعالي ياسمية اتصلي لي علي حاج فتحي دا النحدثو
كويس يا امي شريفة
دخل جرس📞
الووو
السلام عليكم حاج فتحي
ف: وعليكم السلام حجة شريفة
لعلكم طيبين
الحمد لله وانتو كيف والبنات
ش:الحمد لله
قلت ليك ياحاج فتحي زهراء بت خالي الفضل امها التومة في البلد اتوفت بتعرفا السيدة
ف :ان شاء الله البركة فيكم حاسة ولا مالا
ش:كويسه بس اظن لي جاتا جلطة فجاة
ف:ربنا يرحما ويغفر ليها
ش:اها انا مسافرة مدني كلمت ناجي وقال بجيب لي عربية توديني قلت اشوف السيدة لو بتقدر تمشي معاي
فتحي:دا الواجب ياحجة شريفة انا بشاورا
قايمين متين
شريفة:ساعتين قدام وبسافر
فتحي:البنات ماشات
شريفة: نسرين دي راقدة عيانة ونرمين بوليداتا مابتقدر تسافر
وتراها سمية بتمسك البيت بعد م امشي
فتحي:مافي مشكلة بحدث ليكي السيدة ....
❤
ش:اها قال بحدثا وبتصل علي
سمية:ربنا يرحما يا امي شريفة
ش:الموت يابتي بقي لابفرز كبير لاصغير احيي ياوجعتك ياولدي ....
سمية:ماتبكي ي امي شريفة ...
*بقو يبكو الاتنين
رجعت السيدة اتصلت وبتبكي ياحليلا مالا كر علي احيي ...سمية بتبكي وحجة شريفة والسيدة بالتلفون
حاج فتحي شال التلفون من السيدة وقال:
اها يا حجة شريفة السيدة قالت بترافقك وبتشيل الفاتحة ودا الواجب تعالو غاشنها ...
سمح ياحاج فتحي سمح.....!
❤
*ناجي وصل وجاب معاه العربية والسواق ركب والدتو وودعا ووصي السواق ومشو
طلع فوق لسمية كانت بتاخد دش دخل غرفتو فتح الدولاب ابتسم...ياارب تعجبك الهدية ياغالية
لبس بنطلون كحلي وقميص ابيض كان مخفف اللحية من زمن بعيد خلي لبس البناطلين بس جلاليب اليوم حتي ناجي مختلف باللوك ...
❤
ماحسيت علي وجودو في البيت طلعت من الحمام لافة شعري بالبشكير لابسة كويس الحمد لله ومبلولة جاتني ريحتو غمضت عيوني دخلت المطبخ مزاجي في كاسة قهوة بس مع اني ماشغالة بيها كدا عملتها بسرعه وجيت قعدت مكان ماهو بقعد 🙈...تاني جاتني ريحتو مع القهوة دا كان كييفي وقتها بقيت اسال انا مالي وليه بحس كدا في شنو ياقلبي ماتهدا ليه انا قاعدة في مكان مابقعد
