خساسة ونفسنة حموات

الجزء 04

-جاء داخل ناصر البيت سلم علي امو في راسا ويدها وقال

كيفك ي غالية

شريفة؛ ود رضاي انا كويسة ماعندي عوجة تمام وانت كيف مع الترتيبات ي ولدي؟

ناصر:ماشة فل ياحجة دعواتك بس

شريفة:داعية ليك ياناصر ي ولدي

الحمد لله اخت ليك الغداء

ناصر:لا مايحتاج والله شبعان بس لو لقيت كباية شاي ..الله نسيت كريمة مافي

شريفة:ي ولدي اخواتك الاتنين قاعدات نادي عليهن وحدة تعمل ليك شاي

نرمين جات يعني والله كويس ياسلام يعني حنتلم زي زمان كلنا من وقت طويل ماقعدنا مع بعض ولا ناجي لي قريب اسبوع ماشفتو

**دق باب الغرفة..وانا اقول البيت منور مالوو🙂

نرمين :منور بيك ي اخوي نوررررت العرس فيك ي اخوي ربنا يتمم علي خير والله ماحتلقي احسن منها سمسومتنا 😉

(كذابة وخسيسة)

اتبسط جدا ناصر لما سمع كلمات اختو قال ليها عقبال جديد اولادك ونجاحم وكانت الفرحة ماسايعاه

وعاين لنسرين....

نسرين بسرعه والله انا صح في الاول ماكنت عايزاها ليك بس لقيتك عايزا وكل شئ قسمة وصراحة غيرت رايي ي ناصر الف مبرووك 😁

ناصر: ياسلام صحي والله الاخوات ديل نعمة وعقبال م نفرح بيك ي نسرين

نسرين:امين ي اخوي بعد عمر طويل

ليه ليه بتقولي كدا لسه حلوة وحلاتك

رباب: الدعوات دي لنسرين براها

ناصر:رباب انتي قبل نسرين ياخ قولي ي رب بس

ههههه ضحكو كلهم ونسرين بمكر

رايك شنو ي ناصر نمشي مع سمسومة نجيب الدهب والله انا بعرف محلات في المول خرافية ودهبا راقي شديد

ناصر:ليه لا يانسو طوالي اصلا انا لسه م اديتا القروش خلاص اشتري ليها علي زوقك وخلينا نفاجئا

نسرين:حساباتك كيف

ناصر: والله سالت من الجرام ولقيتو ب 700

عايز اجيب ليها سد فخم في حدود 60 مليون كدا

نسرين :😳تستاهل والله اكتر من كدا 😒خلاص انت اديني القروش وانا بتصرف وغمزت لنرمين😉

ناصر : تمام يلا ي حلوين انا عندي مشوار وعايز لي شاي مظبوط قبل م اطلع

نرمين قالت ليه انا بعملو ي اخوي ثواني ويكون عندك

*شاغل ولدا الصغير حبة ولعب معاه وشرب الشاي وطلع

وفي الجانب تاني

سيدة:الوو اذيك ياناصر ي ولدي

امي سيدة انتي بخير

سيدة:انا كويسة ي ولدي تسلم كتير

ناصر:كنت بستاذنك عايز اسوق سمية بعدين وبصراحة داير اشتري جلابية للحنة وزوقي ماعلي قدر كدا

سيدة:بس ي ولدي البت محبوسة

ناصر؛ماباخرا ي والدة

ناصر:خلاص كويس

شكرا ي امي

السيدة:تتهنو ي ولدي

جات السيدة ....تتبسم وتعاين لبتها

ايووا قلتي لي ناصر جاي سايقك مش ماتقولي كدا من الاول

*خجلت سمية ..

السيدة:خلاص اسمعي اتكمكمي كويس والبسي النقاب واوعاك يشوفك بتفقدي نورتك

سمية:حاضر ي امي

السيدة:وبلاش دخان الليلة

هههه كويس

ناجي لما رجع من الغرفة كان جواه حزن الدنيا كله فتح الدولاب ومن بين ملابسو طلع صورتا صورة سمية دمعتو نزلت وهو بكلم نفسو

(من اليوم انتي مابقيتي لي وما ح افكر فيك تاني لو كان حد غير ناصر اخوي ماكنت سبتك ليهو ...ياربي طلع حبها من جواي يارب قدرني علي نسيانا )

يتبع....