-اخدت نسرين القروش بليل داك ومشت لمحلات دهب ابو مرين اشترت سد بمبلغ 850 ج كان فخم شديد حتي مختوم مابيتعرف انه مادهب اطلاقا وهي عارفة سلفا انه ناصر طاالما جابو هدية لمرتو استحالة في يوم يصرفو وخاصة انه ناصر عندو القرش وباني بيتين ومؤجرم حيسكن سمية في الاخر معاهم عشان امهم شريفة
(قلبها قوي خلاص الحسودة )
زخرفت الشبكة وظبطتا وجات البيت لوقت متاخر لقت نرمين نايمة صحتا بعد تعب
هي ها انتي جايانا بعثة نووم
نرمين:اها جيتي
نسرين:م وريتك شوووفي
نرمين:وووواو ي بت دي 60 مليون زاتا كتيرة عليها دي كم جرام
نسرين:ي غبية دي م دهب
نرمين:قولي اقسم
نسرين:اقسم بالله م دهب دهب شنو بجيبو للهبلة دي
نرمين:لكن تصدقي دا زاتو خسارة فيها وااي عجبني عايزة زيو
نسرين :لقت ليها عريس وجيه وعندو قروش وامورو ظابطة تاني بتفكو
نرمين:مغساني
اها وباقي القروش حتوديها وين
نسرين:ح اوديها حسابي طبعا يعني ح اختها ليها مع الشبكة😏
*جاء ناصر ولقي سمية مستنياه فتح ليها باب العربية وركبت اول م اتحركو
دا شنو العاملاه في نفسك دا دقيقة افتح المكيف اكيد حتكوني سخنتي
*ماردت عليه
ناصر:سمسومة النقاب دا ماسخن
سمية:لا ماسخن اتعودت عليه
ناصر:طيب ممكن اقول حاجة ولاحتخجلي
*ماردت ....
ناصر:اقول ولا لا
سمية:طيب
ناصر:طيب شنو
سمية:اتكلم وهي راسا ع الارض
عاين ليها وقال: مشتاق ليك ممكن اشوفك ..ابتسمت وماردت عليه
ناصر:سمية انا بتكلم معاك
**بصوت واطي واصابعا شابكاهم مع بعض لالا م ممكن
ناصر:تمام ياحكومة زي ماتحبي بس سؤال حتقدري تختاري لي الجلابية والشبشب والطاقة كيف 🤔
سمية:
ناصر انا شايفة بالنقاب
ناصر:قلتي شنو😍
عليك الله عيديها
سمية: قلت ليك انا شايفة بالنقاب
ناصر:لالالا القبلها
سمية:ماقلت شئ
ناصر:قلتي ناصر والله اسمي عندك جميل كيف
سمية:طيب ركز في السواقة
ناصر:صدقيني م ح اقدر اركز في اي حاجة تاني
سمية:نعم
ناصر :لا خلاص ماقلت حاجة وبقي يضحك قال في نفسو(والله انا م مصدق البيحصل دا انا وسمية بت خالي عرسنا بعد يومين صحي القسمة غلابة)
*اتلفت وعاين ليها مسافة
سمية:لو مابطلت ح ارجع
ناصر:ههههه ترجعي وين انا خاطفك
سمية:ناصر نزلني هنا ...
ناصر:انزلك ووين
وبقي يسوق بسرعه
سمية:ناصر بالغت عليك الله وقف
ناصر: اشوفك
سمية:بطل جن ماحتشوفني وماح افتح النقاب وبقت خايفة مد يدو مسك يدها غمضت عيونا
وقف العربية وقال ليها كلها يومين وتكوني حلالي وقتها مافي قوة حتمنعني منك يا سمسمة 😊
*ابتسمت ونزلت راسا من الخجل وصلو كم معرض
سمية اختارت ليه جلابية علي الله لونها بيج وعليها خط واحد احمر قريب للسرتي بس ارقي وكمان الشبشب نفس الحركة والطاقية مشو المول القسم الرجالي كان بعاين ليها ويبتسم وهي ترفع عينا من النقاب وتبتسم كانت بتحمد ربنا انه ناصر من نصيبا ملامحو مكسراها وعيونو الواسعه ودقنو الجايط وتفاصيلو ووسامتو وطولو كل حاجة فيه عاجباها ودايما بتحس انه شبه ابوها شكلا وتصرف
اما ناصر شايف فيها البنت الرقيقة المحترمة المحافظة علي شكلها وقناعاتا البت البيامنا علي بيتو واولادو البنت الحاسي انه سعادتو معاها بحكم شغلو في الشرطة والبلاوي البتجيه من البيوت ومشاكلا صعب يثق في غير وحدة بيعرفا كويس وكانت دي سمية
يتبع.....
