❤
السلام عليكم 🙂 انا سمية جيتكم عشان اتم ليكم قصتي الموجودة في اغلب البيوت اخوات الراجل لما مايدورو المرة بنجضوها وبعكرو حياتا وبتوصل لدرجة يسعو يخربو بيتا المرة الفالحة هي البتبقي عشرة علي بيتا وعلي اولادا وراجلا ب احتراما وب ادبا بتعكس تربيتا ماتبقي مسكينة وفي نفس الوقت ماتعاملمم بنفس اسلوبم
❤
انا في غرفتي وبطبق في ملابسي عشان ماشة راجعة بيتنا بيت امي وعمي فتحي شايلة زكريات ناصر وحبو جواي واولادو الماجبتهم والماح اجيبم في يوم دموعي ماوقفو نهاىي معقولة 4 شهور علي فراقك ياناصر 4 شهور وماسمعت اسمي بصوتك احيي ياوجعي ياربي صبرني بس ،صورنا بتاعت العرس قدامي وفيها ناصر دي صورة وهو ببشر وبضحك ودي صورة ليه مع امي شريفة وهو ببوسا في راسا حضنت الصور وبكيت المرة دي لمن صوتي طلع
اسمع ليك الباب ..قشيت دموعي ورميت الصور في الشنطة عشان م اخليهم وراي
قلت
دي امي تكون جات ورجعت اطبق علشان ماتحس علي ...عملت نفسي مشغولة
رفعت راسي لقيت ناجي قدامي 😱
ن ن اجي
اعتزر مني بسرعه وقال اسف مفتكر خالتي موجودة انا تحت عايز احكي معاك
طبعا ناجي فيه صوت جد جد مخيف يعني بحسو بامرني امر وجد بخاف منو دا اصلو ماناجي صحبي وود عمتي الطيب الانيق الراقي الابتسامتو مابتفارقو وضحكتو تجيب الرايح من جاء بقي انسان تاني الدقن ولبس الجلاليب والطاقية والسبحة المابتفوت يدو وصلاتو الفي الجامع بقي يحرص يكون متواجد في البيت معذب ليك نسرين عذاب طالعه وين ماشة وين اتاخرتي بوديك
اما نرمين كان كل يوم بديها محاضرة عن الزواج والاطفال والتربية الصحيحة
انا اصلا من يوم جاء م اتصدمت بيه ولا وشي اتلاقي مع وشو كان وصل لي كلام مع امي شريفة وقال انه لازم اتم العدة حتي اطلع من بيتي الحاجة التانية قال ليها انه ناصر صاح اتوفي قريب بس هو اولي من الغريب وعشان المشاكل الحصلت دي كلها هو بترجاني اني اقبل بطلبو دا عشان حجة شريفة اول شئ لانها حلفت ان مرقنا انا و امي تمرق معانا ....
ومارديت ليهو لانه حسيت كلامو مامنطقي واني اتوجعت كتير وماعلي حساب كرامتي وليه اتهان حبيبي وسندي ربنا اخدو المقعدني في بيتو شنو لو بقي لي جنة انا مابيلزمني
كنت بدعي لناصر في كل صلاة لي كنت بدي امي تتصدق ليه
ناصر عندو معاش ليه تلاته شهور بدوني ليهو الحمد لله حتي وهو مافي مانساني وماحوجني
❤
نرجع لناجي
لبست توبي الابيض ونزلت تحت مالقيت غيرو بيفرك في ايدينو وسارح بعيييد المهم م اتكلمت وجيت قعدت ودنقرت راسي وربي خايفة ومرعوبة كيف
