نسرين ارتبكت وماعرفت تعمل شنو راسا يودي ويجيب عزة وخطيبا بعد العملتو فيهم دا اجي زواجم برجولي وكمان خطيب عزة يطلع اخو عادل ....
عادل قال لنسرين نتصور مع العرسان صورة جماعية قالت شووية وراجعه ياعادل مسكت تلفونا وطلعت من الصالة وعلي طووووول مشت البيت لقت نرمين جاايطة وبتكورك
اسمع يامحمد انا مافاهماك وريني بس
...لالالا يستحيل
...بتك تمرض ماتاخد خبرا
..انا اتحرق بموية نار ماتشتغل بي
..قلت شنو
محمد:نرمين انا جاي الاسبوع الجاي
نرمين:ليك شهر بتقول جاي الاسبوع الجاي
محمد:ننو قلت ليك جاي الاسبوع الجاي ولما اجي احكي ليك حتقدري ظرفي
نرمين:بجد حتجي ....
وعد جاي ومشتاق ليكم ومشتاق لهوبي ياخ جد فارق معاي
نرمين:ارسل ليك صورة ليه
محمد:لالا ماترسلي صورة
خليها بس لما اجي واشوفو ياربي حيتزكرني
نرمين:خلاص حبيبي انا ح امشي انضف البيت
محمد:اوووووووعك
نرمين:نعم
محمد:قصدي ماتمشي تنضفي وانتي رجلك لسه ماطابت شوفي انا مفكر اجي ااجر شقة مفروشة والبيت دا اصلو فايتنو ووين
نرمين:بجد يامحمد ياسلام
محمد:عايزك مبسوطة علي طول
يلا اقفلي علشان وراي شغل طيب
نرمين:حاضر حبيبي م اتحرم منك ....
نرمين:ماتتصوري يانسو فرحتي ب اتصال محمد قدر شنوو
واخيرا اطمئنيت عليه ...نسوو مش بتكلم معاك
**نسرين جات قافلة معاها ومضايقة وماعارفة تعمل شنو
نرمين:ي بت مالك قالبة خلقتك احكي
نسرين: اقول ليك شنو بس ...اقول ليك عادل طلبني للزواج اقول ليك انه مستني ردي اللي هو سلفا عارفو ....
نرمين:بتتكلمي جد😍 قولي اقسسسم دا خبر يفرح طاقة القدر اتفتحت من اووووسع ابوابا ومالك ي بت سمح
نسرين:ولا اقول ليك اخو عادل قبل كدا طارداهو هو وخطيبتو ومسمعاهم كلام واساءة ماتخطر علي بالك
نرمين:الليلة ووب ماتقولي لي العريس
نسرين:اي وعروستو اسمها عزة كانت شغالة معاي في المعرض
نرمين:وعملتي شنو
نسرين:طلعت بدون اقول شئ خلاص عادل حيحتقرني بعد ماقلت السعادة جاتني لحد عندي وبعد م اتعلقت بعادل وبعد كلمة بحبك السمعتها منو ضاع كل شئ يانرمين ......
