- نسرين :شفتي ي نرمين امي مصرة عليها كيف انا متاكدة هي الاقنعتو علي سمية دي😤😑
نرمين :هو مالو كمان ناصر بيتهابل ويتعولق البنات الحلوات والمروقات بنات العز الله م كترن يختار سمية الضعيفة دي عيون ماعندها 😏
نسرين:اريتو كان ضعيفة وبس ضعيفة ومحروقة لا بتستنضف ولا بتتمسح اظن حياتا ماعملت ليها كريم بكرة تفضحنا ياخ كلام م بتعرف تتكلم😣
نرمين:بري يانسرين انا م عزمت صحباتي مع انه عرس اول اخو لينا
نسرين:واي انا عزمت والله وكلمت اقبال كمان وشلتنا الزمان اتخيلي اداها27 مليون للشيلة
نرمين:هههههه والله خسارة فيها ان شاء تشتري ملابس سمحة وتياب مختلفة وراقية المقطعه السنيحة
نسرين:اسمعيني قروش الدهب دايرة اكلم ناصر يديني انا اشتري الشبكة 🎗
نرمين:ناصر اخوك انا بعرفو مابينفع معاه اسلوبك دا تعالي ليه بحنك الاخت الواقفة مع اخوها والتعبانة في حاجاتو والبهمها امرو ووريه انك عايزة تمشي مع سمية وشايلة همو وهمها
*قاطعتا نسرين (السم الهاري)😏
نرمين:انتي مالك اسمعيني
انك حتمشي معاها لانها في الاول والاخر اختك ومرة اخوك والفهم دا يعني ي بت ناصر وامك ديل انا بعرف ليهم عرفة (كيدهن عظيم)
سمح خليه يجي بس
رباب :الليلة نورتي ي نرمين
ربوبتي ياناس كيفك والله مشتاقين اخبارك
نسرين:يارباب وينك عليك الله اختفيتي كدا
بخيير والله كنت في مصر عشان مابتسالي
والله.. سافرتي متين ماعارفة انا
رباب :اييك لي قريب 9 يوم مشيت جبت حاجات عبايات واحذية
نسرين:ومالك ماكلمتيني كان وصيتك لنوع معين من الاحذية اها ماتكوني عرستي مصري وفكتا ضحكة
رباب:هههههههه ماركة وفي مصر ي بت اتلهي ديل حلب وسخين ساي
نرمين:ماشفتي العملا ناصر ي رباب
رباب :اي ورتني خالتي شريفة لما قالت سمية اتفاجات مش دي قريبتكم البتجي تخدم عندكم هنا ب الاسابيع وايام عرس نرمين كانت شافعه امها مخلياها ليكم كلنا كنا مشغلنها عاد لابتكل ولابتمل
نسرين: ياها اتخيلي 😢😤
رباب:بكرة تسل روحكم دي بالا طويل
نسرين:مالك ي رباب م عرستي ناصر انتي خليتي ليها
رباب:ههههههههه يابت ناصر اخوك دا مابنجح معاي لاقدري ولاقدرو ومربي دقنو تقول داعشي وبعدين كفاية انه ضابط دا بصبحني بكف وينومني بكف دا كان عرستو بنقبني اول شئ وانا دايرة راجل مايسالني لا من لبسي لامن طلعتي بري من اخوك
