ميلادي ومماتي

1

#ميلادي_ومماتي1
Shahd Alsalman

مشتاقلها مر هواية وكت بس بعدني احسها قريبة و اشتاقلها وافكر بيها ليش متقبل تطلع من بالي مو هاي البنات اشكال الوان شجاني يا ربي
زين ادزلها !
لا لا ما ادزلها ما اريد احرجها
ومنو يكول تتذكرني ؟
يا الله ساعدني حدزلها وخلص اني كلبي صاير نار عليها ما اعرف ليش
- مساء الخير
صار ساعة وشوية وماكو لا رد ولا شافت الرسالة حتى اني صوجي دزيت ...

صدق الله العظيم
يا رب عونك والصبر منك ارضى عني وساعدني وارحمني محتاجة لرحمتك ما اكلك تعبت وانت ادرى بحالي وهذا اختبار وراضية بحكمك بس خفف عني عذابي دليني طريقي وكون يمي اذا تهت مالي غيرك يا رب اتقبل دعائي وصلاتي واغفرلي ولوالدي اليك المصير
يا الله الحمدلله ماكو احسن من القران يريح الكلب ويشفي الجرح ..

اليوم شكد خطرت على بالي ولو اني ما ناسيتك اتمنى اسمع خبر عنك واعرف غلط بس مو بيدي شسوي حتى ملامح وجهك مناسيتها ..

خلي افتح فيس شوية اغير جو
3 رسايل 16 اشعار

كريم !

- مساء الخير
يا الله دازلي معقولة

- مساء النور

يمعود لؤي هسة وكتك بس تدز رسايل
هاي شنو عااااا ردت والله

- هلا مساء الانوار شلونج
- هلا بيك الحمدلله انت شلونك ؟
- اني زين اذا انت زينة طمنيني عنج
- الحمدلله على الله
- زوجج شلونة
- اهلك شلونهم
- اهلي والله ماشي حالهم
- وين ما وين خلصت دراسة
- اي الحمدلله وتخرجت شوفي حدزلج صور التخرج
- يااا عيني صلوات ع النبي والله فرحتني الله يحميك يا رب احلى طبيب والله
- تسلميلي يالغالية ؛ صدك فرحتي ؟
- اي والله كلش ان شاء الله اشوفك احسن دكتور
- ان شاء الله ؛ خالة شلونهة ؟
- الحمدلله بخير
- بعدها تسال عني لو نستني؟
- لا كل فترة تسال عنك
- الله يحفظها وصليلها سلامي
- ان شاء الله يوصل
- اني هنا بالعراق
- صدك يعني رجعت من اوكرانيا صارلك شكد
- مصار كم شهر بعد لازم اكمل البورد وعندي كم معاملة هنا كل شي صعب وانتظار
- حمدلله ع السلامة ؛ اي صحيح الله يساعدك
- مكتيلي شونة زوجج
- زين
- وين انت
- ببيتي
- وحدج ؟
- لا عمتي يمي يعني ام زوجي
- ليش مو جنتي بيت وحد
- بعنا وسكنت ويا عمتي قريب لاهلي همين
- ها اوكي وشوكت يجي زوجج ما اريد اسببلج مشكلة
- هلا بيك بأي وقت

نداوي حبيبتي
اي خالة عيني جيتج ثواني

- كريم اترخص اني عمتي دتصيحني
- ماشي الله وياج انتبهي لنفسج
- ان شاء الله وانت هم

هسة وكتها تصيحها بلة والله بعدني مشبعت منها
هه واني من شوكت شبعت منها بس ليش ردها بخصوص زوجها كلة مختصر محجت عنة اي شي
بلكت ترجع تحجي وياية مرة ثانية

----------------

ندى 21
كريم 24
احمد 27
ابطال القصة وهذا مختصر عنهم والباقي تعرفو من خلال احداث القصة

ندى وكريم جانو اصدقاء كلش من ايام الدراسة افكارهم تطلعاتهم مبادئهم عدهم هواية اشياء مشتركة وبالنسبة لمشاعرهم حتعرفوها بعدين

ندى متزوجة من احمد بس زواجهم عبارة عن خلافات ومشاكل وماكو شي يجمعهم مجرد زواج تقليدي الاجزاء الجاية حتكشف طبيعة علاقتهم؛  عدها اخين اصغر منها عمار وفراس وهي الجبيرة مخلصة علوم بايو ....

كريم عندة 3 خوات و4 اخوان وهو اصغرهم كلهم متزوجين وكبار ابو متوفي درس طب بالبداية بالعراق وحول لاوكرانيا بعدها بسبب ظروف ....

احمد عندة اخت وحدة متزوجة وعايشة برة وهو الجبير وابو توفى من هو وصغير مخلص هندسة اتصالات ....