ميلادي ومماتي

19

#ميلادي_ومماتي19
Shahd Alsalman
من صوتها عرفت هي ندى
صح فاتت متغيرة شعر ولبس غير وعيون ملونة وطريقة مكياج تختلف كل شي بيها يكول هي مو ندى حتى عدها بنية بس اسمها مايا
اول دليلين صوتها واسم البنية بقى الدليل الثالث واتأكد
كعدت يمها من جنا نتعشى وحجيت وياها سالتها عن عمر بنتها حتى احسب المدة وعن زوجها
وهسة لازم استفزها حتى يصح ظني ويتاكد شكي
وحجيت عن زوجتي واضحك هي اتنرفزت وضاجت والغيرة اكلت كلبها وعيونها احمرو توترت كلش
ومن يومها لحد شهر تقرببا بقينا واني كل ما اشوفها استفزها
سالت عن بيتها والعنوان ورحت جانت طالعة مثلا الورد الابيض اول ميفتح بدون مكياج بس العيون زرك لونهم وشعرها مجعد ولابسة روب ابيض من خليتها تفوتني انتبهت لجرح ايدها اليسرة اللي جانت دائما تغطيها من نتشاوف
ورحتلها للمطبخ هي وتحضر ريوك حصرتها وواجتها بكل شي جانت ترجف بيدية وطبعا جنت اعرف هي جايبة مايا ع الشهر السابع يعني من خلال العمر وحسبت مدة الحمل ومدة غيابها
ما تحملت واغمى عليها شلتها وظليت حاضنها ممصدك رجعتلي مرة لوخ وشفتها بقيت اشم بيها واتاملها صحت هي بس ممركزة وياية ابد رجعت نامت

بس ردتها تضوك شوية من العذاب الشفتة بدونها رحت شلت مايا اخذتلها كم غرض وطلعت بالاول للفندق حتى نسوي الحساب ونطلع وطبعا نبهت على لؤي انه يكول لسناريا باجر الطيارة رحنا لغير فندق بالاول على كد الليل بس نمنا بي ولؤي يكلي حرام تحرمها هي ترضع من امها كتلة اعرف ومراح اسويلها شي هي بنتي الي هم

تجنن دبدوبة وبيضة وخدودها تخبل ريحتها ترد الروح تشبه ملامح امها وبس تلعب وتضحك كلش تنحب فطيرة ظليت الاعبها واشربها ممة وانومها بدلت حفاظتها اني خبرة بهيج شغلات لان جنت احب ابن اخوية واداري اول ما اجة للدنيا فجنت كل شي اسويلة وكبر على ايدية

لؤي يكلي انت خوش اب وندى محظوظة بيك ويضحك من اغيرلها لمايا يكلي اني اطفر من البيت واخلي سناريا تكمل ابني يالا اطب ضحكني وكام يلاعب مايا وحبها كلش

بالي يم ندى اكيد متخبلة هسة سناريا تدك على لؤي وفهمتة يكللها احنا مشغولين حتى ميجاوبها اعرف ندى طلبت منها تشوفنا وين
دك رقم عرفتة ندى كمت افصلة ولؤي يكلي حرام كلبها نار هسة وشفت رسالتها كطعت كلبي واعرفها متأذية ..

للمغرب كلت للؤي كوم نروح لبيت سناريا نبقى يمهم مراح تدورنا هناك واذا سالتك ع موعد الطيارة نكللها تاجلت وبالنسبة لمايا نكول انه امها كالت عندي شغل وسادين الحضانة واخذناها حتى نساعدها بينما تكمل شغلها

لثاني اليوم الفجر اجت ظلت تبجي وتسال عن مايا  ودا اسمعها بس ما ردت اكوم من الفراش اساسا اني منايم ..

ردتها تشوفني نايم يم بنتي حتى تحن وتحس ولؤي يمنا بس محاس بسابع نومة دخلت للغرفة تبجي وتصيح تعبانة وتحجي وتشهك ومبين شي موجعها كوة واكفة على رجلها