ميلادي ومماتي

12

#ميلادي_ومماتي12
Shahd Alsalman
- الو هلو ندو
- هلو كريم شلونك
- اني بخير اذا انت بخير
- الحمدلله زينة كول
- ردت اسالج على اسم الدكتورة الجانت تاخذنا مرة كتلج شوية نحسة بالدرجات
- اي تذكرتها سناء عبد الواحد
- اييي الف رحمة على والديج
- هاي بعدك تنسى اسامي الناس هههههه
- مو بيدي ما احفظهم ؛ انت وحدج
- بالدوام نص ساعة وارجع شون اليوم خالة ضوجتني
- ليش شسوتلج
- ما سوتلي بس تنسى دواها وهي اذا حبة متاخذ تتخربط
- ها ليش وين هي
- يم اختها مريضة واني بالدوام ما اكدر اجيبة الها ولا عدها احد هسة تدزة ومترهم تعوف اختها
- زين شنو اختها ما عدها ولد بنية جان انطتة المفتاح
-اي علساس هيثم يجيني ع ال 6 ونص ابن اختها يخلص دوام ويمرلي
- لج هذا هيثم خما حلو
- هههههههه كلش حلو الله يحفظة
- شنو كلش حلو متفتحيلة خيولي
- هههههههههه شنو تغار
- اي لعد مو حقي
- لا مو حقك
- اممم زين هو شيشتغل
- ضابط
- اوكي من توصلين انطيني خبر وانتبهي لنفسج
- ان شاء الله
- ندى
- نعم
- جديات انتبهي على نفسج كلبي ممرتاح ويا ريت لو تخلين الخط مفتوح طول الوقت
- ليش كريم اني بخير لا يظل بالك
- ان شاء الله بس خايف الصراحة ما اعرف
ويمكن رانيا تسويلج شي
- خل تسوي بعد احسن
- لا تحجين هيج
- يلة من رخصتك سلم على اهلك
- يوصل وانت هم الله وياج

وصلت للبيت بدلت صليت ومنتظرة هيثم كلت ما انام
فقيرة دكت الباب كلت انطيها هالمقسوم ماكو بثواني اتجتفت وانسد حلكي وطببوني للبيت
رانيا و3 رياجيل وياها كعدت كدامي و بعدين ضربتني بواير الكامرة الكطعو عذبوني هواية وفوك هذا يريدون يغتصبوني بعد ما بية حيل حتى ع المقاومة وهي تضحك وفرحانة كلش وبس اون من الوجع كالت لواحد بيهم يلة كوم شوفني شون عاجبك تلعب بيها

ذب ثكل جسمة كلة علية واعتدى علية نزل سحاب التراك واباوعلهم بتوسل انه يعوفوني ولا عبالك مغيبين عن دماغهم مثل مجان احمد بالضبط من يشرب الحباية اقاوم واتحرك بس ما اكدر اني مربوطة

بعدة باول الاعتداء وتوة شاف جسمي مسمعت الا صوت طلقات وانضربو الاثنين الواكفين واحد برجلة والثاني بجتفة وواللي ديعتدي علية يريد يطلع مسدسة ما لحك انضرب براسة ووكع علية ورانيا دتنهزم لزمها وجتفها

اجة هيثم والحمدلله لحك علية والا جان اغتصبوني ما عدهم مخافة الله خلاها تفقد وعيها لرانيا بضربة وحدة
اجة علية سد السحاب وشال الحبال عن ايدي وفكني محسيت وراها الا بالمستشفى جنت خايفة ومرعوبة لا سوولي شي واني خاف مجنت بوعيي يعني صار عندي تشوش وما اعرف اذا صدك او لا المريت بي هيثم جان يمي وهداني

- حمدلله على سلامتج
- هيثم خما سوولي شي هيثم احجي الله يخليك
- والله مسوولج شي اني جيت بالوقت المناسب لا تخافين انكمشو كلهم واللي جان يريد يعتدي عليج ضربتة ومات بمكانة ورانيا الساقطة الي حساب وياها
- اريد اهلي
- اهلج برة بس مراح اكول لاحمد شي هسة ارتاحي
- اصلا لا تكلة ما اريدة
-مثل متحبين المهم اهدي وحضري نفسج نسوي محضر وشكوى ضدهم
- شكرا هيثم
- على شنو واجبي وانت غالية علية عندج العافية

دخلت ماما علية وكضتها بجي وسودة علية و شمسوين بيج وبعدها بابا ياهو اليفوت يبجي ويطلع

الدكتور كتبلنا على خروج بس الدوة والمهدئات كلش ماثرة بية رحت لبيت اهلي نمت بغرفتي كعدت افكر باللي صار بجيت لوحدي هواية

صحت لاخويا يجيب التلفون مالتي هم جايبي ويا هدومي لان ما عندي ولا قطعة ملابس ببيت اهلي وعرفت همين رايحين مفرزة ويا هيثم مصورين مكان الحادث والكامرات شغلوها لان حافظة مشهد الدخول للبيت والباقي مكطوع

21 مكالمة
9 رسايل
7 مكالمات فيس

كلها من كريم وكلها كاتب طمنيني انت زينة وسائل عني
اتصلت بي جانت ساعة 2 بالليل

- كريم
- ندى وين انت ليش هيج تسوين
- اني زينة
- شبي صوتج فهميني شصاير وياج
- ليش مخليتني ابقى وياك
انت مو تخاف علية شلون كدرت تروح
- ندى
- تعرف
لو رجع بية الوكت مجان عرفتك
لو ادري هلكد اتوجع ما اتقرب منك
- اني اسف غلطت هواية واذيتج قبل لا اتأذى
- ليش انت هم تحس
- منسيتج ولا يوم
- ااه تعبت
- ندى شبيج فهميني صوتج تعبان
- اذوني
- منو ؟؟
- هي متحبني اعرف
تريد تاذي احمد
- لج ندى لا تخبليني

كمت احجي حجي مو مفهوم وغفيت بسبب الدوة اسمعة يحجي وياية بس ما بية اجاوبة استسلمت للنوم برغم احس بكل شي حواليا ودا اسمع كل شي وحتى الحجي الحجيتة و مجنت واعية علي ..