ميلادي ومماتي

8

#ميلادي_ومماتي8
Shahd Alsalman
يكولون بني ادم ما يعرف النعمة البيدة الا يخسرها واني هذا حالي ويا ندى ...

جنت احب بنت خال امي رانيا تجنن من الجمال ومغرية كلش واني احب هيج نوعيات يجذبوني وصاحبة لسان ودائما هي المسيطرة علية

امي متقبل بيها لان حسب رايها خفيفة ومو رزنة وما تلزم ظهري بعد عركات وحجي قبلت امي بس رانيا كالت امك دكتلي وسبتني وغلطت علية واني ما اريدك بعد

فاتفقت وياها نحرك كلب امي اتزوج على مزاجها وبعدها اتزوجها لرانيا ومرتي الاولى اشمرها يم امي وهذا جان شرطها الا احرك كلب امي اني جنت طوع ايدها لان هي مستغلة نقطة ضعفي

العلاقة البيناتنا جانت قذرة لان احب اكون سادي وهي جانت تحب هذا الشي بس ما طبقت شي وياها ما اريد اذيتها جانت تجيب بنات ونكعد بشقة مأجرها ونمارس شغلات خارجة ع الطبيعي بحيث اللي يشوفها مقززة اني اكون عكسة واتلذذ بيها

اضافة الى هذا كمت اشرب فترة وجانت تنطيني حبة من اتعاطاها ينتهي عقلي كل شي ما اشوف بس اريد ارتاح وصرت شبه مدمن عليها كمت انطيها فلوس حتة تجيبلي منها ما اتحمل بدونها اظل عصبي وجسمي ياذيني

من انخطبت رانيا ومجنت ادري قبل ليلة نمت وياها وجنا سوة ولا كالتلي شي اتخبلت ومتت قهر لان اعرف نصبت علية وبين قوسين صرت كمش الها مثل ميكولون وكرهتها بعدين ...

اما ندى من اول مشفتها ارتاحيتلها بنية حلوة ومثقفة وهادية كلش ومؤدبة ومتتصنع كلش طبيعية انجذبت الها بس جنت بعدني اريد رانيا
ابتسامتها حلوة وكل اهلي حبوها وامي تحبها حتى اكثر من اختي لان كلش تداريها وقايمة بواجبها ما قبلت نكعد ويا امي برغم ندى كالت بالعكس خالة بركة البيت ونفس وياية ومع هذا مقبلت

قررت احرك كلب امي مثل ما رانيا رادت وقنعتني
مجنت اعرف ندى كاشفتنا او شايفتنا جنت اختلي برانيا هواية وعلاقتنا بقت مستمرة ابد ما انكطعنا من انخطبت رانيا طلعت قهر الدنيا كلة بندى اذيتها وجرحتها حتى ابني كتلتة بيدي ما انسى من نزفت ووديتها جانت على حافة الموت بسبب قساوتي وقلة ضميري وجنت اسمعها تكول ابني وحرام عليك اني حامل بس كملت ما اهتميت
ولا انسى من انتحرت بالدوة بسبب فقدانها للطفل بقيت اسبوع ونص ادعي تكوم وتصحة بس اني ما تبت ولا اتعضت رجعت اضرب من قبل والعن

بيوم اللي واجهتني بالحديقة ما اهتميت لمشاعرها وحجيت بوقاحة وياها برغم نبهوني بوضعها النفسي بس مع هذا ما اهتميت المهم رغباتي

ولان اعرف كل كلامها صح انهزمت منهم هي وامي
رجعت للبيت لكيتهم نايمين نمت يم ندى وحضنتها محتاج لدفو حضنها كلش وغفيت مثل الطفل
بهاي الفترة جنت كلش عصبي ومتوتر بسبب الحبة اللي مدا اخذها مرات انسى نفسي واضرب ندى وهي متحجي شي قررت اواجهها بالحقيقة لان اعرف راح تساعدني وتفهمني وتوكف وياية
مجانت متفاجئة من كتلها ولا مصدومة