ميلادي ومماتي

11

#ميلادي_ومماتي11
Shahd Alsalman
اجاني احمد صاير نار وبركان بعد ما طلب نتلاكى بشقتنا وكالي تنزلي الطفل ومقبلت وحجيت على ندى اشكال الوان تالي كتلني وضربني وبصراحة خفت لا اعاند ويكبر الطفل ببطني وين اولي بي اذا ما قبل يتزوجني

رحت دا انزلة كالو ميصير عمرة جبير قررت اكلة ذبيتة واسافر فترة حملي مالي غير حل بس اللي خليتة ببالي انه انتقم من احمد بندى وباي طريقة مثل ما هو ذبني هيج وباعني رخيص

رحت لصديقتي لبنانية ومطلقة وعشت يمها فترة تعرفت عليها بسفرة من السفرات وصرنا نتواصل شرحتلها وضعي وكتلها اغتصبوني وتعاطفت وياية وهي تحب الاطفال فتبنتة واخذتة تربي واني هم مو هامني كلش خلي وين ميربى خل يربى مرت سنة و رجعت وعرفت باحمد هم تقريبا صارلة سنة وكم شهر مسافر يعني ما يرجع مهاجر بس ندى هنا وبايعين بيتهم وساكنة هي وام احمد سوة

افتهمت انه اغلب الوكت ام احمد تبات يم اختها لان حالتها الصحية تعبانة وندى تداوم 3 ايام وتعطل 3 ايام هيج نظام شركتها ومعناها لوحدها بالبيت وهالشي عرفتة من رسل اختي

بهاي الفترة حاولت اضوج ندى بأي طريقة اهلي سوو عزيمة علمود رجعتي وهي وام احمد اجتي بس يا دوب سلمت علية ومتباوعلي جانت ضعفانة وملامحها باهتة تعبانة اكثر من قبل ومع هذا بعدها حلوة ومرتبة

راحو يغسلون مواعين هي ورسل اختي ورسل تسولف وتضحك وياها وهي مندمجة وياها بالحجي
طبيت عليهم وسكتت

- رسل شوفي الجاي ع المنقلة بابا يكول انتبهو علي حتى لا يفور زايد
- اوكي بس اخلص هالماعونين
- روحي اني بمكانج
- ماشي عيني
- شلونج ندى
- الحمدلله
- شو بعدج هنا
- وين اروح لعد
-يعني لا اتطلكتي لا تركتي البيت
- وليش حتى اتطلك
- يعني باعتبار انت واحمد متتحاجون
- ومنو كال هالحجي
- لا تتوترين ترة هو كل شي يكلي
صحيح انت مقبلتي على زواجة مني بس كدرت احلها وذبيت الطفل وخلصت منة
- رانيا شتريدين
- اريدج تحسين اني احب احمد واحمد يحبني ليش دتصيرين بيناتنا وهو ميحبج
- اني مو بيناتكم لا هسة ولا قبل لو بيناتكم ما رحتي وحبلتي منة لو بيناتكم ما كملتي وياه بعلاقة محرمة
ليش تخليني احجي اكثر
- انت السبب بكل شي خسرتة وخسرت ابني

متحملت من جابت سيرة الطفل اتذكرت ابني وشلون مات بسببهم وللمرة الثانية
ضربتها راشدي من قوتة وكعت بالكاع

- هالراشدي انت مو كدة ترة
- اللي تكدريلة سوي وكافي تجاوزتي كل حدودج وياية وما اسمحلج اكثر لحد هاللحظة اني محترمتج لا تخليني امسح بكرامتج الكاع
- بسيطة ندى حتشوفين بعينج
- اليطلع وياج سوي
من رخصتج وخري شوية

- ها يمة تعاي اكعدي دنشرب جاي
- خالة بيها مجال نروح
- ليش مو تونا كاعدين
- خالة الله يخليج خل نروح تعبانة احس نفسي
- اسم الله شجاج يوم يلة كومي نروح

ترخصو وطلعو من يمنا بس
حلفت الا اطيح حظها على هالضربة والا اخلي احمد يموت قهر

رجعت لجماعتي وسوينا حفلة و ردت انفذ خطة ببالي حتى اوجع احمد بيها ولميت 3 ولد واتفقت وياهم على مبلغ حتى نفوت على ندى بالبيت
وبعد ما تأكدت انه ام احمد حتبات اسبوع يم اختها انتظرت ندى ترجع من دوامها و ع الساعة 6 من تظلم الدنيا حتى محد يشوفنا ونفوتلها

بقينا نراقب وفعلا اجت قريب ال4 وانتظرنا لل 6 دكينا الباب عليها بالاول ما فتحت وظلت تكول منو ومنو وباعتبار اكو كامرات لبست بوشية وتنكرت بزي فقيرة
فتحت الباب وطلبت منها فلوس كالت انتظريني دقيقة
ماكو ثواني وصار الهجوم وجتفناها وسدينا حلكها لان رادت تصرخ وطبينا للبيت
تباوعلي بعصبية وتريد تفلت ايديها بس متكدر كعدت كدامها رجل على رجل
- نزلوها ع الكاع
- صار
- اشش لا تظلين تحجين هذا صوتج ما بي فايدة
- شحابة نسويلها
- بالاول روح كسر الكامرات واكطع وايراتها وجيبلي واير وياك
- هذا الواير وكطعت الكامرات وماكو شي بعد
- عفية جيبة
كمت اضربها بالواير وهي تحاول تحمي نفسهاوترفس بالكاع من الوجع وذولة الولد خربانين ضحك
- تدرين رنوش طلعت تخبل مال واحد يلعب شوية بيها
- اصبر على رزقك هسة شوية ونلعب
من تسمعنا نحجي هيج تموت خوف بس متبين ولا تبجي ولا تكسر نفسها ابد