ميلادي ومماتي

20 ... النهاية

#ميلادي_ومماتي20
#النهاية
Shahd Alsalman
بعد 7 سنوات ..

- بابا حبيبي
- يا روح بابا تعالي
- شوف شنو رسمت
- شنو معناها هاي الرسمة
- هاي انت وهاي بيتنا وهاي اني وماما
- شكد حلوة هالرسمة
- بابا خلي نروح لماما اشتاقيتلها
- كومي بدلي ونروح
- هيييي هسة كايمة

وصلنا لندى

- حبيبتي ماما اشتاقيتلج كلش جبتلج وردات من الحديقة ورسمت هاي الرسمة شوفيها شون حلوة بابا يكول اني رسامة
- ندى اني هم مشتاقلج واسف ما اجيتج البارحة والله ديصير عندي عيادة وعمليات واتاخر بس هذا مو عذر اعرف
- بابا ليش تبجي
ماما تدرين اني دائما اشوف بابا يبجي ومقهور

مرت 7 سنوات على وفاة ندى
كل يوم اروح يمها وممصدك لهسة هي ميتة واحجي وياها متجاوبني او ما اشوف ابتسامتها او ما احس بدفو حضنها
بقيت لوحدي بدونها

كبرت مايا وطالعة نسخة منها تصرفاتها افكارها هواياتها عيونها ضحكتها عقلها وحنيتها كلشي بيها انحط بمايا
ما بطلت بجي ولوما رب العالمين ولؤي وسناريا ما اطلع من هالحالة ومايا عشت علمودها وعلمود اوفي بوعدي لندى اصلا اتمنى اموت واروح يمها بس منو يبقى لبنتي
فتحت عيادة وصرت طبيب مشهور وكمت ابني مستقبل لبنتي حتى متحتاج لاحد ...

--------------

قبل سبع سنوات ...

رجعنا للعراق وبيدنا بنتنا بعد ما عشنا 3 شهور عسل بدل الشهر وعوضنا كل الايام الراحت
استقبلونا اهلي واهلها احضان وذبايح
خوالها وعمامها ماتو عليها لمايا وصارت من حضن لحضن
قررنا نسوي عرس وزفة بحضور اهلنا وطبعا ندى مجانت قابلة تستحي بس كلنا اصرينا انه لازم عرس لان احنا ما سوينا اي حفلة تخصنا وبلشنا تحضيرات وحديقة بيت اهل ندى جبيرة فقررنا نسوي بيها

سوينا حنة بيناتنا واغاني وركص واخذنا كومة صور
وثاني يوم صار العرس ولؤي وسناريا همين اجوي لان خطبو وصارت اللمة كلش حلوة ومحد كعد الكل تركص و فرحانة

شفت سناريا تنطي التلفون لندى قريت الاسم هيثم
كتلها هيثم مو ابن خالتة كالت اي ومقبلت تجاوب كتلها جاوبي بس بعد ما دك اكثر من مرة شالتة وراحت شوي بعيد تريد تسمع

" طبعا هالمكالمة سمعتها من الموبايل لان يسجل "

- ندى وينج جاوبيني خما وصلج
- منو وصلني شبيك شصاير
- لج ندى احمد مميت وهمنا كلنا بموتة بس ممات
- شدتحجي انت
- ندى دير بالج اني طاير بالسيارة هو درة اليوم عرسكم هسة جايج دير بالكم انتبهو ووكفو العرس

اجتني مصدومة وشايلة تلفونها وترجف

- شبيج ندى احجي شصاير
- كريم هو هنا
- منو احجي ندى

بعدني ممكمل سمعت حس طلقات كل الموجودين انفزعو واخذو وضع الانبطاح الا اني وندى
لكينا كدامنا واكف احمد اي احمد اللي وهم الكل بموتة
حتى يرجع ينتقم صاح انت الي ووجه سلاحة علية وصارت ندى كبالي واجتي بيها 3 رصاصات

بأماكن خطرة اجة هيثم وضربة بطلقة من ورة بنص راسة ووكع بنفس اللحظة ووكعت ندى بحضني

تشهك ووتباوع بعيونها والموجودين يصيحون ويبجون واهلنا ممصدكين والتفو علينا

- ندى اتحملي هسة نروح مستشفى لا تفقدين ابقي وياية
- كريم بنتي دير بالك عليها امانة بركبتك
- اششش خلص لا تحجين بس ابقي وياية انت حتعيشين
- كريم شفت شون الدنيا متحب تجمعنا هههه
- لا تجمعنا لا تكولين هيج
- لا تبجي حبيبي نتلاكى هناك
دير بالك على مايا وعلى نفسك لا تنقهر وراية
- لجج كافي كافي ابوس ايدج
- كريم ممكن طلب هههه
- يااا الله .. كل شي الج ممكن
- هههههه بوسني لاخر مرة واحضني حيل
- ندى لااا الله يخليج ابقي يمي
- يلة مبقى وكت
بستها وحضنتها حيل
- اريد مايا

جابو مايا وخليتها بحضنها باستها وذبتها علية

- هاي امانتك هسة كبرها وربيها خليها مثلك وخليها تحب مثل ما انت حبيتني
انت املي وسعادتي وكل شي حلو بحياتي
احبك يا ميلادي ...

كالتها وانفاسها انكطعت وغمضت ونزلت دموعها حضنتها وكمت اصرخ

من رحنا للمستشفى جانت عايشة بس نبضها ضعيف واكو رصاصة بمكان صعب متحملت لنص العملية وتوقف القلب حاولنا ننعشها بس

ماتت ...

ماتت حبيبتي ماتت اللي روحي بيها
اني السبب لو من الاول قبلت ولو خليتها تنتظرني ولو ما كسرت كلبها وجرحتها مجانت راحت لانسان حقير و مريض مثلة عاشت انواع العذاب بسبب ترددي وتفكيري العقلاني اللي جنت اكول ما اريد اكون اناني بس خليتها تفقد كل شي حتى روحها وما عاشت حتى تشوف بنتنا تكبر جانت تحبها وماتت وهي تحبها

اتمنى يرجع بية الوكت واعيش علمودها وبس
تبقى الامنيات صعبة والمات ما يرجع بس يظل حي بذكرياتة ويانة

كل يوم اشوف صورنا واسمع صوتها واعيد اخر مكالمة الها كل يوم ما وكفت هالشي من 7 سنوات
ليش قدرنا ما جمعنا ليش ما عشنا حياتنا الا بعذاب والايام الحلوة قليلة مرات اسال هيج ومرات اكول الحمدلله على كل حال مجانت تقبل الا بالحمد

بعد  13 سنة

كبرت مايا واتخرجت وصارت رسامة مشهورة كلش وطلعت الاولى على دفعتها جانت صديقتي ونحجي بكل شي وحجتلي عن شخص وياها وتعرفت بي وجان خوش انسان وخطبها واتزوجو واني بقيت وحدي ويا ذكرياتي ويا ندى

- حبيبتي وفيت بوعدي الج كبرتها وربيتها وتزوجت الانسان التحبة هو خوش انسان واني سالت عنة وما خليت الغلطة تنعاد وامنتها يمة وهي سعيدة تدرين اللي صبرني كل هالسنين ما اجيت يمج هي
كلش تشبهج نسخة مصغرة منج
- كوم حبيبي وياية اشتاقيتلك
- ندى يا عمري ااااخ شكد مشتاق لهذا الحضن
- اااه حبيبي والله واني هم مقصرت يا روحي بكل شي وشفت عرس بنتنا وتخرجها جانت تجنن
- شفتيها شون متقبل تشمر الورد وجابتة الي تريد تزوجني وراها
- هههههه هاي متدري اني اغار عليك
- واني اذا اريد اتزوج حتكونين انت الاولى والاخيرة
- يلة دنروح اريد اشوفك مكان حلو

باوعت ليورة على كبر ندى شفت جسمي متمدد يمها ونايم بقهر

بس اني هسة فرحان وروحي حرة ويم حبيبتي وايدي بيدها وهي مثل الحورية جانت رحنا اني وهي بعيد عن هالدنيا

صح بنتنا صارت وحيدة بس هي عدها حبيبها وزوجها موجود وباجر يصير عدها جهال وتنسانة صار دوري اني هم اروح لحبيبتي ما اتحمل اكثر اعذريني بنتي الغالية

الله يسعدج يا مايا ..