ميلادي ومماتي

5

#ميلادي_ومماتي5
Shahd Alsalman
- شلونج ندو ؟
- الحمدلله انت شلونك ؟
- اني مو زين
- ليش كريم خير ؟
- انت مو زينة و ممرتاحة كلبي نار عليج
- هههههه ليش
- لا تضحكين انت مو زينة
- لا زينة ومرتاحة لا يظل بالك
- ندى زوجج شلونة ؟
- زين
- يعني زين وياج ؟
- كريم جاي تسالني بعد هالسنين ليش ؟
- لان اعرف انت متاذية اني احس بيج
- احساسك متاخر ومالة داعي
- اوكي اسف ازعجتج
- عادي مو مشكلة من رخصتك
- وين رايحة اجة زوجج
- لا اريد انام
- بهالوكت ؟؟
- اي تعبانة
- ليش بيج شي مريضة ؟
- لا
- ندى احجي لا تحركين كلبي اكثر
- ليش انت عندك كلب !
- عندي ويحس بيج
- كريم روح ما اريد احجي اريد انام
- ندى بس لحظة
ندى
لا تروحين انت موجوعة ادري بيج
ندى

عفتة يحجي لان حسيت بدة تاثير الدوة وما ردت احجي خفت لا امسلت صارلي هواية محد كايلي انت موجوعة او تعبانة او حاس بية بجيت هواية واعرف لهسة يفكر بية مثل ما اني افكر بي بس بعديش كل شي اختلف و صار صعب وكرهت حياتي شكد تمنيت الموت بس حتى ارتاح

جان كريم ميلادي .. حياتي حلوة بوجودة
واحمد هو مماتي .. دمرني ونهى حياتي

بثاني يوم شفت رسايلة بس مجاوبتة
ماما خابرتني
- هلو ماما حبيبتي
- هلا بعد كلبي شلونج ماما
- اني زينة انت شلونج بابا الولد
- الحمدلله مشتاقيلج شوكت تجينا ؟
- بعد ان شاء الله عن قريب شوية خالة بعدها تعبانة
- ها الله يشافيها يا رب رجلج شلونة
- زين الحمدلله يسلم عليكم كلش يكول شوية فرق الوقت ما اكدر اتصل بيهم
- سلمي علي فد يوم من تجينا نحجي وياه ولو صار سنة محاجين وياه
- اي بس هو يسلم وزين كلش
- الحمدلله ؛ ثاري كريم راجع من اوكرانيا
- كريم ! منين عرفتي ؟؟
- هو خابر على ابوج وسلم وكال صار فترة بس جان مشغول ما لحك يتصل بينا
- اي الله يوفقة وشكال بعد
- ماكو سال عليج هواية
- ها الله كريم يلة ماما اني رايحة شوية بس اكمل شغل واخابرج
- اي ماما الله وياج سلميلنا

هذا كريم مراح يعوفني الا يعرف شبية ادري بي يا ربي شون ورطة هاي اني صوجي جاوبتة كمت نظفت ورتبت البيت خالة جانت بايتة يم اختها واني وحدي سبحت وتعبت كلت انام شوية توني غفيت ودك التلفون شلتة والنومة بعيني كلت اكيد ماما

- الو ها ماما حبيبتي
- نايمة ؟
- كريم !
- اي كريم مرديتي ع الماسنجر كلت ادكلج احسن
- اسفة جان عندي شغل ونسيت اجاوب
- نسيتي ؟
- اي
- ندى اكدر اشوفج ؟
- لا طبعا
- ليش لا اجي زيارة لبيت اهلج ونتشاوف اني مشتاقلج هواية واعرف راح احرجج ويا زوجج بس اني جاي لبيت اهلج واشوفج هناك
- ماكو داعي تروح لاهلي وتدك عليهم بصفتك شنو دتسوي كل هذا وما اريد اشوفك اصلا
- اشش خلص اهدي لا تصيرين عصبية اني اسف بس ردت اشوفج
- ماكو داعي تريد شي بعد ؟
- سلامتج اخذي راحتج