ميلادي ومماتي

7

#ميلادي_ومماتي7
Shahd Alsalman
ما بينت لاحمد انه اني اعرف شي ولا حتى لمحتلة بقيت كدامة كانو معمي على عيني اشوف كل شي واحس باي حركة واقرة الملامح بس ساكتة
فد يوم كاعدين نتغدى اني وهو وخالة

- اليوم شون خبر حلو مرت خالي خابرتني وكالت رانيا جوها ناس وحننطيهم
- شنوووو منوو هذا
- والله يمة ما ادري بس تكول ناس خوش اوادم وولد خير
- الله يسعدها ان شاء الله خالة
- تسلمين امي ندو
- شبيك حمودي
- ما بية اني شبعت عاشت ايدكم
- ما اكلت شي يمة
- ندى راح انام لا تكعديني
- اوكي بالعافية

شلنا الغدا وغسلت المواعين ولملمت خالتي اخذت دواها ونامت بقيت اني لوحدي صعدت للغرفة دا اجيب سماعات الباب مفتوحة شوي واسمعة يحجي بالتلفون مفهمت كل الحجي بس ديكللها لرانيا انت شلون تقبلين ووين اتفاقنا واني احبج وووو اشكال التوسل والحجي والظاهر هي دتغثة لان كلش متنرفز طلعت صوت كبل سكت وسوة نفسة نايم اخذت سماعاتي وطلعت

وفعلا ماكو اسبوعين وكطعت مهر وانخطبت لواحد اهلة مسؤولين بالدولة معارف ابوها هو بس مبين عليهم الخير كلش سوت حفلة وعزمتنا بيها جانت بس نسوان كلت بداخلي بعد انتهت قصتهم و ميحتاج افتح موضوع
راح البس احلى فستان عندي واطلع حلوة وامثل كأنو ماكو شي مثل كل مرة وطلعت حلوة كلش ياهو التشوفني تسالني بنت منو انت او يسالون خالة عني خلصت الحفلة ورجعنا بس هو التوتر عامي عيونة ومعصب كلش بس ميكدر يحجي شي فتنا للغرفة هو مجان شايف شلابسة نزعت الصاية والشال باوع علية وفتح جكارة وكعد
- كومي ركصي
- شنوو
- كومي ركصي شنو شنو
- ما اعرف
- ليش لازم ما ركصتي هناك
- لا استحي
جرني من شعري حيل
- بلا نقاش وفتحي اغنية وركصي
ضجت من اسلوبة وعاندتة
- ما اريد دا اكلك هدني
ضربني راشدي لاول مرة ما ماد ايدة علية قبل
- ليش ضربتني شسويت اني
- لان صلفة وعناد
- اني صلفة لو هي اللي راحت اتزوجت غيرك غدرت بيك مو صعب احساس الخيانة والغدر حسيت شكد يوجع ؟
- شتقصدين !؟
- تعرف كلش زين شقصد خاف عبالك ساكتة يعني ما اعرف او محاسة بشي من اول مرة حسيت من شهور من شفت الفراش بذاك اليوم ومن جنتو بالمطبخ وووو تحب بعد اعددلك اكثر
- ولمن هيج تعرفين ليش مطلعتي من حياتي اني جنت اريدها
- انت لو رايدها صدك ورجال كد كلمتك ما تتختل من ورة اهلها وتروح تخطب غيرها وتورط بنات العالم وياك
- لج اني مو رجال !؟
- لا مو رجال

دا اطلع وجرني ع الفراش كطع هدومي و مجنت راضية غصب عني يسب بية ويحجي علية اذاني كلش انكلب وحش خلص وكام طلع ما احس على الدنيا شكو بس سمعتة يكول حتى تعرفين شون تكولين مو رجال

كام كل يوم يعذبني وياذيني يتصرف بعدوانية ووحشية اوصل مرات اغيب عن وعيي بين ايدة بس ميهتم كل يوم يعيد نفس الشي ويعتذر مني وبالليل ينكلب انسان ثاني اثار الضرب والشد تبين على جسمي استمر هالوضع لمدة بس بديت اتعب كلش ما اكدر اتحمل اكثر وتلعب نفسي منة حيل لان الشي اليسوي وياية مو طبيعي ويطلب طلبات غريبة افتهمت هو شخص سادي ويحب التعذيب ويستمتع بي ..