ميلادي ومماتي

17

#ميلادي_ومماتي17
Shahd Alsalman
- حبيبي
- ندو
- كوم شكد صاير تنام
- تعالي بحضني مشتاقلج
- هههههه اجيت ما اكول لا
- ليش سويتي هيج
- ﻻن احبك
- يعني راضية هيج
- لازم ارضى
- ندى
- اني رايحة
- ندى لحظة لا تروحين
ندى
نددددى تعالي
ندددددى

يا الله خلصني من هالكابوس شوكت راح الكاها
صارلي سنة ادورج بس اريد افتهم وين اختفيتي
من ذيج الليلة مجنت مرتاح نظراتها تصرفاتها جنت اعرف اكو شي بس سكتت ليش رحتي منو خلاج تروحين ..

رحت لصديقي لؤي ابتلى بية كل ما اختنك اروح واشكيلة وهو واكفلي دائما ونعم الصديق والاخ
اتعرفت علي باوكرانيا من جنا ندرس ويعرف بية احب ندى وشكد عانيت بدونها وكملنا سوة وظلينا اصدقاء واكثر من الاخوة

- سلام عليكم
- هلا ابو الكرم شلونك
- ما ادري
- فوت شكلك حلمان بيها
- تعبت لؤي فص ملح وذاب
- كريم خوية اسمعني اني اول مرة احجي وياك هيج
- شنو كول
- ليش متنساها يجوز هي راحت بأرادتها عنك انت تكول هي مو مستقرة نفسيتها يجوز حست متكدر تكمل وراحت
- لا ندى لو رادت تروح راح تكلي وتكون صريحة وتكول ما اكدر اكمل وياك متعوفني هيج واثق منها حياتي كلها بيدهة
- يا خوية يعني لو تحبك ولو شوية جان طمنتك عنها او طمنت اهلها شنو ذنبهم امها ميتة قهر واخوتها حالهم حال وابوها خطية لو تفكر بيكم مجان صار كل هذا
- لؤي مدا اكدر هي كل شي بحياتي ليش مو مقسوملي اعيش وياها كلهن يومين حلوات عشناها عبالك عشت سنين وياها هلكد ما احس براحة
- هي انانية جان بالقليل ذكرت هاليومين وذكرت وكفتك وياها
- هاي مو وكفة هذا من حبي الها وما فد يوم حسبتة عليها انت شدتحجي
- كريم فكر بعقلك عمرك خلص وراها وهي ولا هامها
- لؤي انت تتحمل تبعد عنك سناريا بس جاوبني
- لا ما اتحمل بس اذا سوت بية مثل ما سوت ندى انساها ولا افكر بيها لان مفكرت لحظة بعذابي
- بس اني ما اكدر عقلي وكلبي يحبوها وواثق منها كل الاريدة من الكاها بس اعرف ليش وساعتها اذا ما قبلت ترجعلي اني انسحب من حياتها
- الله يبرد كلبك يا خوية طول بالك وكوم نروح لمحاضراتنا اليوم عدنا تطبيق خفر لا تنسى
- ان شاء الله

كريم صديقي من ايام اوكرانيا علاقتنا بدت مناك واستمرت الحمدلله احسن صديق واخ هو كريم بالنسبة الي

جان بالبداية احسة يعاني لوحدة عبالي بسبب اهلة او بعدة عنهم او الغربة بس طلع يحب وحدة اسمها ندى وحتى تعيش حياتها وما تبقى بالانتظار تركها وخلاها تروح تشوف طريقها بعيد عنة علمودها هي

كل يوم يحجيلي عنها مرات احسة يبجي واعوفة
براحتة شوية بالاول جان يهمل دروسة بس كمت اتقصد اخلي يشرحلي حتى ينتبه لدروسة والتهينا برغم كل عذابة بس كدرنا ننجح وتخرجنا ..

من رجعنا للعراق شوية التهينا بالمعاملات ومعادلة الشهادة والخ من هالامور بس عرفت بي رجعلها تلاكينا وحجالي كل شي وبعد الحادث الصارلها سعى بموضوع الطلاك وتزوجها وطلعو لتركيا كل يوم يحجيلي شكد هو مرتاح وفرحان كلت الحمدلله رب العالمين عوضة خير عن اللي شافة

تفاجئت بعد فترة يتصل بية ويستنجد ويكلي الحكلي ندى ماكو واختفت من ذاك اليوم لليوم مرت سنة كاملة وهي ماكو اني اعرف هي زينة و بخير بس السبب الخلاها تبعد شنو ما اعرفة وصلنا لطليقها وهو شبه مريض نفسي يعني ما نعتقد مسوي شي هو ولا حتى هي يمة او خاطفها بقينا تحت المراقبة بس ما شفنا شي علي

اهلها تخبلو عليها وخايفين يعني انكلبت حياتنا من ورة هالموضوع الايام العاشها كريم شوية مرتاح شاف اضعافها عذاب

صديقتي سناريا هم دكتورة مثلنا ودارسة ويانة بس عايشة باسبانيا علمود تكمل دراستها وصارلها شغل بمنظمة انسانية يعني متطوعة واتفقنا بعد ما نخلص نتزوج وطبعا اهلي واهلها موافقين بس باقي دراستنا ابوها اسباني وامها عراقية

ابوها متوفي وعدها اخ وامهم مربيتهم كأنو عراقيين ولا عبالك تابعين ابوهم الاسباني
صارت علاقتنا حلوة وقوية وكمت احبها كلش مرات اقيس نفسي بكريم صدك اعذرة واكول صعبة لان سناريا ما اكدر استغني عنها لكن واحد لازم يفكر بعقلة عرضت علي ينساها حاولت اشوه صورتها بعينة بكل الطرق بس ادري بي واثق منها وحبة اعمى ميفكر الا باللي يحسة الله يعينة ..

حبيت افاجئ حبيبتي واروحلها لهناك وبصراحة اشتاقيتلها حيل وكتلة لكريم يجي وياية مدام عدنا عطلة ويغير جو ما قبل بالاول بس بعد ما قنعناه اني واخو الجبير وافق وقبل سوينا الجنط وحجزنا ورحنا لهناك رتبت اغراضي بالفندق وكريم بنفس غرفتي كعدنا سوة واتصلت بسناريا متحملت ارتاح لا رحتلها مباشر بس سالتها هي وين وكالتلي ليش انت بدون انترنت كذبت عليها وكتلها عدنا عطل بالشبكة حتى تتفاجئ

اخذت كريم وياية حتى مناك نروح لمطعم وناكل
وصلت لكيتها كاعدة بمخيم ودتفحص اطفال ومجموعة لاجئين اكو هواية عرب واجانب
خليتها تكمل على راحتها حتى ما اخبصها ورة ما خلصت هي جانت مدنجة دتكتب

- دكتورة بيها مجال تقيسين ضغطي
- تفضل بس ثانية واكون وياك
- مو بعد ما اصبر للثانية
رفعت راسها وتفاجئت كلش كبل حضنتني وبجت باوعت لكريم مدمعة عيونة يمكن تذكر ندى او اتمنى يكون مكاني
- شوكت اجيت حبيبي والله احلى مفاجأة
- اشتاقيتلج مكدرت اصبر بس حطينا اغراضنا بالفندق وجينا
- منو وياك
- كريم
- هلا كريم حمدلله ع السلامة
- الله يسلمج سنو شلونج
- الحمدلله اسال عنك
- الله يخليج شلونة شغلج ودراستج
- ماشي الحال
- باعو خلي نروح ناكل شي ونكمل سوالف
- ماشي حبيبي تنتظرون 10 دقايق ؟
- اوكي ما عدنا شي

ورة ما طلعنا رحنا اكلنا وسوالف وحجينا ع الشغل والمنظمة كالت سناريا باجر معزومين ع العشا يمنا ترة وماكو اعتراض ما رفضنا طبعا

رحنا لبيتهم واهلها رحبو بينا ومسوين خير من الله اكل كلش ناس طيبين هم وجانت عازمة صديقتها همين دائما تحجيلي عنها بس مشايفها كالت هسة تجي ونتعشى كتلها هاي جاية بس ع العشا اكيد ام بطن وضحكنا كالت لا مو عدها بنوتة خطية مو كتلك تخلص شغل وتروح تجيبها فتتأخر
اندكت الباب راحت تفتح

- لؤي
- ها ضلع
- هاي صوتها ندى
- استغفر الله ولك شيجيبها هنا
- هي متاكد
- كريم منا الناس اكعد خاف تعبانة اعصابك
- اسكت لؤي

اجتي سناريا بيدها مايا بنت صديقتها وكريم اول مسمع صوتها منتظر تجي واني الصراحة خفت على عقل كريم كلت اكيد انجن من عشكة الها ...