ميلادي ومماتي

18

#ميلادي_ومماتي18
Shahd Alsalman
- ها حب شونج
- هلا سنو انت شونج
- تمام الحمدلله باعي باجر حيجي خطيبي وحبيبي بنفس الوقت ع العشا اريدج يمي لا ترفضين حبابة
- سنو مو والله ارجع تعبانة وتعرفين لازم اجيب ميوش من الحضانة
- خلاص حبابة لا تخجليني
- صار حبيبي عيوني الج اي ساعة
- ع 9 حتة تلحكين تبدلين وترتاحين وتجين
- ماشي اتفقنا نتشاوف باي حبي
- باي حياتي بوسي مايا

هواية تغير شكلي صار سنة وكم شهر ومايا كبرت
غيرت اسمي صار اسمي دانيا وكصيت شعري وسويتة كيرلي  ودائما اصبغة حتى يبين طبيعي واشكر وستايلي كلة غيرتة حتى لون عيني صرت البس عدسات خليت طولت اظافيري يعني سويت كل شي ممكن يخفي ندى
حاولت بعد 15 يوم ارجع واكون يمة اعرف اهلي وهو كالبين الدنيا علية بس اكتشفت انه اني حامل وفرحت وكلت لازم احافظ ع الطفل هذا لو كلفتي موتي اريدة من كل كلبي لان قطعة من كريم ما اكدر ابقى وايتمة ولا اكدر ارجعلة ويتاذى الطفل خليني بعيدة
بذاك اليوم طلعت بدون كلشي ورحت هاجرت واعرف احمد ملاحكني لهذا اشتكيت علي وطلبت لجوء وانقبل لجوئي بسرعة كوني حامل ومضطهدة
والحمدلله اني من نوع اتعلم لغات بسرعة ولكيت شغل و من دخلت بشهر السابع جبت صارت عندي ولادة مبكرة واجتني بنوتة وسميتها مايا مثل ما كريم جان يحب ..

رحت لعزيمة سناريا لبست واتمكيجت وبدلت لميوشة واخذت وياية ورد عيب افوت ايدي فارغة سلمت على سناريا واخذت مني مايا تموت عليها واهلها هم يحبوني ويحبون بنتي
من طبيت تمنيت انهزم او تنشك الكاع وتبلعني او يكون حلم من احلام كل يوم بكريم
بس شفتة كبالي وهاي حقيقة كمت ابلع بريكي مثل المسوية جريمة
واكف كدامي وبيني وبينة مسافة 4 خطوات مو هواية 4 بس ومحتاجة احضنة مشتاقة الة
اريد احس بأمان وما الكاه الا عندة تمالكت نفسي كوة اكيد هو سامع صوتي لان واكف جمدان بمكانة
يمكن منتظرني ومو يمكن اكيد
- ندى !
- مساء الخير جميعا
- مساء النور يا هلا
- اعرفج لؤي اللي حجيتلج عنة
- اهلا وسهلا تشرفنا
- الي الشرف
- كريم صديق لؤي وهم دكتور من دفعتنا
- تشرفنا
مينطق ولا حرف بس سمعتة من كال ندى بصوت خافت ومن كتلة تشرفنا هز راسة وساكت وعيونة تباوعلي موخرها عني ابد
- صديقتي دانيا وبنتها مايا
- مايا ؟؟
- اي مايا ميوش
- شكد حلوة بنتج الله يخليها
- الله يسلمك دكتور لؤي
سلمت على خالة و مراد اخو سناريا وكعدنا شوية نحجي وصاحتنا خالة ع العشا وكمنا نصب بمواعينا
كل شي طيب مثل كل مرة بس مالي مفس بشي وكريم نفس الحالة وشكلة تعبان ومهموم حيل
كعد يمي ع الطاولة وشافني الوف بالاكل بس مدا اكل
- ليش متاكلين
- لا دا اكل
- محطيتي ولا لكمة بحلكج
- مو كلش جوعانة
- شكد عمر بنتج
- 5 شهور
- بعدها صغيرة
- اي
- وين ابوها
- احنا منفصلين
- ها اسف
- ندى
- اسمي دانيا
- اعرف بس تشبهين زوجتي ندى
- اها وينها مجاية وياك
- لا ماتت من فترة
- ها الله يرحمها اسفة
- لا عادي زين ماتت جانت معقدة يمعودة ههههههه
- شنو يعني معقدة
- يعني صعب واحد يفهمها
- اها وشون ماتت
- حادث بس هسة اريد ابدي حياتي من جديد
- يعني شنو من جديد
- يعني احب اتزوج اكبل مثل ميكولون ههههههه
- اصلا زين ماتت حتى متسمعك تحجي عنها هيج
- وانت ليش عصبتي
- لان هي ميتة وتحجي عليها
- كريم شبيك
- ما بية لؤي دنحجي عادي بس احتد النقاش بيناتنا
- تمام صلو ع النبي وكملو اكل
- اني شبعت الحمدلله
- دانيا بعدج ما اكلتي
- مجوعانة سنو سفرة دايمة يا رب عاشت ايدج خالة رحت كعدت ليغاد واشرت لسناريا انه افوت لغرفتها حتى ارضع مايا
اختنكت معقول هيج جان شايفني هو ليش هيج كريم وحتدور غيري صدك انقهرت كلش وغفت مايا على صدري نومتها وغطيتها ورجعتلهم
صابين جاي كعدنا نشرب  ونسولف مواضيع عامة وحددو موعد خطبة لؤي وسناريا
اتاخر الوقت وصار لازم اروح وراية كعدة الصبح واصلا تعبانة ومنا كريم غثني سلمت وشكرتهم وطلعت
بقو مدة تقريبا شهر وكل يوم يصير كريم بوجهي ويستفزني بالحجي اخر شي بيوم العطلة اندك الباب وجان هو
- كريم !
- صباح الخير
- انت منين اندليت بيتي
- هيج يردون على الضيف
-  اسفة صباح النور تفضل
- شكرا وينها مايا جيت اشوفها
- نايمة  جوة
- ها خليها لعد تعاي كعدي ليش واكفة
- متعلمة تطلعين هيج بالروب لليجي
- عادي روب طويل ومستور واني بالبيت وين المشكلة
- لا بس يعني اكول مترهم وانت وحدانية
- خلصني شتريد
- اريد جاي وممتريك
- ويعني ؟
- يعني نتريك سوة
- امري لله اوكي
رحت احضر الجاي والريوك ما حسيت الا حضني من ظهري ويشم بية متت حسيت اريد اندار واحضنة بس صعبة شون يا الله راح انكشف ما اكدر
- كريم وخر شدسوي
- دا احضنج
- كريم عيب عليك وخر اترجاك
- لج ندى عبالج تغيرين شكلج ما اعرفج
- اني مو ندى اني دانيا
لزم ايدي اليسرة وفرني صار بوجهي
- وهذا الجرح هم لدانيا
- كريم هدني انت متوهم
- ليش رحتي فهميني
جاووووووبي ليش عيشتيني بعذاب
- لا تصيح كافي
- جاوووبي لا تخليني اتصرف غير تصرف
- اني مو ندى وخر عني خنكتني
- حرام عليج حرمتيني منج ومن بنتي تريدين اصدك هاي مو انت ولا اسمج ندى بس كليلي شنو الصار وانهزمتي
حسيت بخنكة ودوخة ومتوقعت كاشفني او عرفني غلطتي طلعت بالروب وشاف ايدي كل مرة جنت اغطيها بالمعصم الصوف او الف شي عليها
- كريم وخر عفية مخنوكة
- احجي واوخر عنج
- كريم
- يكفي تنطقين اسمي احجيلي ليش مو متت بدونج
ذبيت ثكلي بحضنة وشفت سواد ما اعرف شصار

فتحت عيني بالغرفة وعلى فراشي وكريم يمي
لازم ايدي ويحجي وياية بس ما اميز الحجي
رجعت نمت كعدت و محد يمي كلت اكيد الشفتة جان حلم رحت اشوف مايا ملكيتها بفراشها
رحت للهول هم ماكو دورت البيت كلة حتى بالحمام وهي ماكو انجنيت اصيح بأسمها وارجف وحيل خايفة لا كريم اخذها ورجع بيها للعراق شلون يا رب خابرت سناريا وكالت مشفت احد بيهم وطلبت رقمة او رقم لؤي بقت تسالني وعصبت عليها نطتني رقم لؤي
دكيتلة ومجاوبني يفصلة علية دزيت مسج
" لؤي الله يخليك جاوب بس كلي مايا يمك انت وكريم جاوبني او انطيني رقم كريم "
ماكو رد اتصلت مرة لوخ غالقة ليش هيج ديسوي
ما اكدر اشتكي ولا اكدر اظل هيج
دكيت لسناريا مرة ثانية علمود عنوان الفندق الكاعدين بي اخذتة ورحت كالو خلص حجزهم وطلعو العصر واحنا هسة المغرب رجعت اتاكدت من سناريا كالت باجر سفرهم المفروض ويا كل اتصال تسال شنو صاير زين اذا باجر ليش راحو و سدو حساب الحجز بالفندق رحت بالتكسي للمطار كلت اكيد راح الكاهم هناك شفت مواعيد الطيارات بس وحدة للعراق وعكب باجر يعني مو باجر وين راحو ذولة
صدري كام ياذيني لان مايا ترضع انفاسي بدت تثكل
كمت اعصرة حتى اطلع الحليب بس تعبت
رجعت لبيتي كلت بلكي حن علية ورجعها محد اجة مر الليل علية واني متاذية كلش وافكر وابجي
طلعت من الفجر لبيت سناريا كوة اجر نفسي وامشي جسمي يوجعني كلش ودموعي ما وكفت اريد بنتي
دكيت الباب فتحتلي ام سناريا شافت وضعي مو طبيعي خافت علية وفوتتني ظليت ابجي نزلت سناريا على صوتي ومراد اخوها ومحد ديفتهم شبية
- حبيبتي اهدي شوية وفهميني شصاير
- سناريا بنتي بنتي
- شبيها بنتج
- كريم اخذ بنتي وسافر
- ليش حتى ياخذها انت مو كتيلة بقيها يمك
- يعني هي يمة وينة هو
- اهدي ماما هو ولؤي جوة وبنتج يمهم تاجلت طيارتهم وكعدو يمنا
- وينهم احجي وليش مكتولي وينهم
- اهدي اهدي بالغرفة البعيدة
- لج دانيا لا تخبلينا كليلي شنو صاير
- كريييم
ماااايااا
فتت عليهم جانو نايمين ومايا همين عطت بنتي مايا وابجي كعدو من نومهم وهي هم تبجي فزت وحاضنتها بعد انهد حيلي كمت اصيح على كريم
- ليش بس فهمني ليش هيج سويت جنت ناوي تحرمني منها وتاخذها
- انت جاوبيني ليش شفتي شنو صار بيج كلها يومين شفتي شلون انحرك كلبج
- حرام عليك اني ارضعها وهي ماتت جوع وصدري اذاني شون انطاك كلبك
- لج سنة وشهور واني ادورج هاي لهفتج وعذابج اني عشتة مو يومين سنة ليش سويتي هيج
- معليك مني اني ما اريدك روح اطلع من حياتي
- وخرو لحد يلزمني
دا اطلع وحاضنة بنتي جرني من ايدي وفرني علي
- جيبي بنتي هاي مو بس بنتج
- كريم حرام عليك لا تحرمني منها الله يخليك
جرها لحضنة وكام يهدي بيها ويبوسها واني ابجي واشهك والوجع ذبحني والكل صافنين علينا
- ابوس ايدك انطيني مايا ما اكدر بدونها لا تعذبني اكثر
- هذي بنتي الي مو بس بنتج الج وراح اخذها وارجع للعراق
- لااا لااا متروح ومتاخذها
- مو بكيفج اذا تريديها رجعي ويانة
- كريم جيب البنية
- وخري عنها لا تتقربين منها

احس ما اتحمل اكثر دوخة و النفس كوة اجرة وارجف حيل احجي بتثاقل وكعت بس مفقدت الوعي اشوف كل شي واسمع بس ما بية حيل بعد
عاف البنية واجة علية و يصيح باسمي
- ندى
نددى باوعيني
- مايا ماما تعالي
- حرارتج مرتفعة لا تخافين مايا يمج اهدي
- بنتي
- هياتهة يمج
- شنو يوجعج احجي وياية باوعيني انتبهي علية

شالني وحطني ع السرير رفع راسي وخلاه على صدرة بس محسيت بعدها رخى كل جسمي واني اسمع صوت بجي البنية