ميلادي ومماتي

16

#ميلادي_ومماتي16
Shahd Alsalman
حسيت عصرة بكلبي ما اعرف منين جتني وخفت على ندى بس اني هسة حجيت وياها اكيد لان مشتاقلها شوية واوصل ما بقى شي ...

واكفة انتظرة يطلع ما شفتة الا سد الباب وطلع مسدس وجهة علية وكشف عن وجهة

- احمد !!!
- اي احمد شنو رايج بهاي المفاجأة
- احمد ذب المسدس من ايدك ولا تتقرب مني
- امممم اليوم مسوين سهرة خاصة الظاهر
حتى انت طالعة تخبلين
-  اهدى وخلينا نحجي
- انزعي الكوت اريد اشوف شلابستلة

حتى الهي اكثر لان ما بقى شي على موعد كريم ويجي كمت احجي وياه واخذ وانطي برغم ميتة من الخوف

- احمد ما اكدر
- انزعي بسرعة ترة انزعج بالقوة
- لا خلص حنزعة
- وااااو واحمر وقصير وحلو كلش واكيد ذوقج
- خلص كافي
- احجييي ذوقج لو ذوقة ؟؟؟؟
- ذوووقي والله ذوقي
- خايفة علي ؟
- مالة علاقة هو الله يخليك احمد
- لج تحبي وخايفة علييي ؟؟؟
- خلص لا تصيح لا تصيح
- شو تبجين؛؟
بيوم اللي اتطلكنا بجيتي ؟؟ لو فرحتي ؟؟
- احمد كل واحد راح لحالة كل شي انتهى وانت متت بالنسبة الي مثل ما ماتو اطفالي اللي ما لحكو يكبرون

كام يتقرب مني اكثر واكثر حصرني على باب الغرفة ويشم ركبتي ومخلي المسدس بخصري

- مشتاقلج حيل ريحتج طيبة مثل ما هي
- كافي ابوس ايدك
- اششش خليني اشبع من حضنج وريحتج
- احمد دا اختنك خلص وخر ما اريد
- اني اريد واريد حيل همين

شوفني واحد ورة كريم موجه سلاح علي جانت صورة لقبل 3 ايام عرفت من اللبس ومعناها جان مراقبنا

- شوفي اذا نطقتي بحرف واحد او كتيلة شي راح يكون اخر يوم بحياتة لهذا

- عوفة عوفة لا تأذي شتريد مني ومنة ؟
- اريد كل يوم اجي يمج وبدون متكليلة واذا صار عندة علم حتى واني مسجون راح اقتلة واحرك كلبج
- مراح احجي شي بس لا تسويلة شي
- هسة راح اروح لان قرب يوصل وباجر راح اجيج اتحضريلي

طلع من الشباك وما اعرف شسوي خفت لا يأذي كريم رحت مسحت دموعي وعدلت نفسي ع السريع ورتبت المكان مراح اخلي يحس على شي وراح اعوفة لكريم حتى لا يظل احمد ملاحكة لان هو اللي يريدة اني وبس

فتحت الباب شفت المكان متزين وشموع وموسيقى وهي طالعة مثل الممثلات فستان احمر وكل شي بيها حلو حتى المكياج يجنن عليها
بس هي مو طبيعية

- كل عام وانت بخير كريم
- وانت بخير يا روح كريم شوكت سويتي كل هذا
- اليوم مشفت دزيتك بعيد
- ااه يا روحي تصدكين عبالي نسيتي عيد ميلادي
- ما اكدر انسى
- يلة البس بدلتك وتعال نحتفل
- بدلة ؟
- اي هاي اول هدية الك
- يعني اكو بعد هدايا ؟
- طبعا لعد شلون
- ما اريد بس انت

تقربت منها وحضنتها وخليت راسي على راسها بس عيونها دامعة و تباوعلي بنظرة مدا افهمها
رحت بدلت و البدلة على قياسي بالمضبوط والفصال كلش حلو واساسا ذوق ندى حيل راقي
طلعت لكيتها كاعدة وحاطة راسها بين ايدها تاكدت اكو مصيبة وعصرة كلبي بمحلها

- ندى شبيج حبيبي ؟؟
- ما بية جنت مغطية عيوني حتى اشوفك
- ندى شصاير ؟ كولي
- مصاير كريم شبيك
- اوكي اهدي .. كليلي شنو رأيج ؟
- كلش حلو بالعافية
- عاش ذوقج يا روحي
- ثواني بس اصب العشا

صبيت العشا واكلت و بالي يم كريم وخايفة علي كلش واعرف هو حاس بية
- شو مدتاكلين ترة يخبل هاي ندوشتي مسويتة ههههههه
- هههههههه طيب ؟
- حيل طيب

كملنا عشا وركصنا سلو بحضنة عالم ثاني كلشي مختلف معقول راح ارجع لعذابي بلياك ليش هيج الدنيا تقسى علية وتحرمني منك حضنتة حيل وشميتة

- احبك كريم
- واني احبج بس ليش البجي ؟
- لان احتاجيتك هواية وممصدكة هسة بين ايدي انت
- طول الوكت يمج اني لا تخافين من شي
- احضني قوي
- اروح فدوة لريحتج و حنيتج

خلصت الاغنية وجبت الكيك وطفة الشمع واكلنا انطيتة الساعة والكلادة لبستها الة وهو كلش فرحان وراها هم ركصنا على اغنية بس هالمرة ما انتظرتها تخلص سحبتة للغرفة اخذني بحضنة

- متأكدة ندى ؟
- مليون بالمية اني الك وحدك
- هالشي بكامل ارادتج ؟
- بكامل ارادتي وعقلي وكلبي اريد اكون الك واريد منك طفل مثلك ومثل روحك
- ندى احبج موت
- واني احبك

و كضينا ليلة ولا الف ليلة عاملني بحنية ورومانسية واني سلمتة نفسي بدون خوف ولا فكرت بشي غير انه نكضي هالليلة سوة ..