مى : نغم انتى متاكدة ان مفيش حاجة , سمية شكلها مرهقة
نغم : لا مفيش والله بس هى عاملة ريجيم بعيد عنك هههههههههه
مى : نعم ؟؟؟سمية ؟؟؟ريجيم ايه يا بنتى هى مش محتاجة اساسا...اكيد بتهرجى
نغم : اه والله بجد ده لازم طبق السلطة والاكل يا سوتيه يا مشوى ومفيش دهون خااااااااااااااااااالص ونشويات قليلة وكمان لازم العصير الفريش دى بقت دكتورة على نفسها هههههه
مى : تصدقى...بس بس اهى جت اهه
سمية : السلاااااام عليكم
مى /نغم : وعليكم السلام
نغم : هاتى الفلوس لو سمحتى الويتينج ده مش ببلاش
مى : وانا السواق يا بيه ممكن الاجرة ههههه
سمية : هههه فى اخر المشولر يابنى منك له ,المهم عايزه محل بدل رجالى للافراح بس يكون ترى شيك لمالك اخويا
نغم"بخضة" : ايه ده ؟؟هو مالك هيتجوز؟؟
سمية : لا يا بنتى دى بدلة عشان يحضر بيها فرح ملك
نغم"تتنهد": ايوة ايوة ...خضيتينى يا شيخة
مى : وتتخضى ليه يا لحن الوفاء ههههههه
نغم : بتتريقى على اسمى ماشى يا ماية من غير سكر
سمية : بسسسسسسسسسسس كفاية دماغى صدعت , ها هنعمل ايه
مى : بصى يا ستى انا عارفة محل آسر ويوسف دايما بيجيبوا منه ب غالى شويتين يعنى
سمية : مفيش مشكلة ان شاء الله عاملة حسابى
نغم : ايه ده يا مى آسر ويوسف ....اتنين يا بنتى ؟؟ مكنتش اتوقع منك كده اخص عليكى
مى : نيتك بنى دايما ..يا بنتى آسر ده اخويا بس مسافر بيكمل دراسته برة ويوسف ده خطيبى يا تحفة
نغم : اسم اخوكى حلو ياترى شكله زى اسمه ولا زيك هههههههههههه
مى : هو .....
سمية "مقاطعة وبنغمة صارمة " : نغم ..مينفعش ..ده واحد غريب عنك ....مينفعش تسالى عن شكله او تتكلمى عليه
نغم " بارتباك وخضة " :انا ...معلش والله مكنتش اقصد يا ابلة سمية
سمية "بنبرة حانية " :يا حبيتى ولا يهمك بس ناخد بالنا المرة الجاية ان شاء الله ماشى ؟؟
نغم " بابتسامة" : ماشى ...
مى : هههههههههه انتى عارفة ياا نغم سمية بهدلتنى زيك كده وامر بسبب يوسف ههههههههههههه
سمية "بنظرة نارية " : طيب مش يلا بأى ولا ايه
"تتجه الفتيات الى محل البدل الرجالى لتنتقى سمية لاخيها بدلة جميلة تليق به "
وانتهى اليوم بعد قضاء وقت ممتع جدا استمتعت به كل واحدة منهن ثم اخبرت سمية مى بان تاتى لها بالمحاضرا فوافقت مى بكل ترحاب ..بعد ذلك توجهوا الى منزل خليل .زاوصلتهم مى واستاذنت ان تذهب لبيتها لتاخر الوقت .,تصعد الفتاتان الى منزل خليل ..."
نغم : يا اهل البيت احنا جينا ....ااااه يا ايدى
سمية : يا بنتى بطلى صوتك ده ,زبعدين انا قولتلك هاتى اشيل عنك
أحمد :ايه الدوشة اللى انتو عملينها دى هههههههه
سمية : بابا هوحضرتك ...هنا ...يعنى جيت ...هو حضرتك هنا
أحمد : هههههه انتى سخنة يا حبيبتى ولا ايه
سمية : لا ....بس ....يعنى ...هو حضرتك جيت امتى ؟؟؟
أحمد : جيت من نص ساعة كده ..مفيش حضن لبابا يعنى ماشى يا عم كبرنا
سمية "بنظرة حانية مليئة بالشوق" : معقولة يعنى حمد لله على السلامة
"وترتمى سمية فى احضان ابيها معلنة احتياجها الشديد لهذة الضمة ..."
خليل : هتفضلوا كده كتير ...
أميرة : على فكرة مها ممكن يحصلها حاجة لو شافت المنظر ده ههههههههه
أحمد : لا حول ولا قوة الا بالله بنتى ووحشانى فيها حاجة ههههه
نغم : طيب بالنسبة للغلبانة اللى واقف مفيش سؤؤال يجبر الخاطر يعنى
أحمد : انتوا جايين من عند باب السيدة ولا ايه,وبعدين ايه اللى انتوا شايلينه ده انتوا اشتريتوا القاهرة كلها وجيتوا .مالهم يا خليل البنات
خليل : مليش دعوة البنات عاقلين ....عندى ديموقراطية فى البيت ههههههه
أميرة : طيب يلا يا بنات اطلعوا غيروا وانزلوا عشان العشا ...
سمية /نغم: بعد اذنكم
الجميع:اتفضلوا يا بنات
"فى مكان آخر حيث يجلس آسر مع خطيبته او زوجتهالمستقبلية المؤكدة ...."
ميرنا : يعنى خلاص هتسافر
آسر : ايوة فرح اختى ولازم احضره
ميرنا : آسر ...هو ايه المفاجأة اللى انت محضرهالى
آسر : ها ...ايوة ...مفاجأة ....اااااا ايوة صح ..احنا هنعمل فرحنا بعد ما ارجع على طول ان شاء الله
ميرنا "بسعادة غامرة" : بجد يا آسر ...ياااه بجد انا فرحانة جدا انى هكون YOUR WIFE
آسر "بابتسامة " : لا صدقى يا حبيتى ان شاء الله هتكونى مراتى
"فى منزل خليل بعد تناول الجميع العشاء استأذن أحمد ان يتكلم مع سمية فى غرفتها فصعد معها وجلس بجوارها وفاتحها بموضوع خطبتها ..فارتمت بين احضانة باكية ..."
أحمد : عيطى يا سمية عيطى يابنتى ..ليه مقولتيليش ..سيباه هو يقوللى ...متزعليش هو ميستهالكيش
سمية : انا خفت لتزعل منى يا بابا .....انا مش زعلانة عليه ..انا خلاص مبقتش عايزة حاجة ........
أحمد : انتى ايه فضفضى واتكلمى زى ما انتى عايزة قولى اللى فيكى كله
سمية "باكية ": انا تعبت بجد من اللىى بيحصل ...تعبت ...كل حاجة واقفة ضدى ..كل حاجة ...حياتى ممشيتش زى مكان نفسى زمان ....بجد تعبانة يا بابا ...عايزة اروح معنتش عايزة اقعد اكتر من كده هنا ...كفاية عليا ....عايزة اريح اعصابى ....عايزة ارتاح ..
أحمد : اهدى يا حبيبتى ...انا كان قلبى حاسس ...اهدى يا سمسمة اطمنى انا جاى وناوى اخدك معايا ...هتروحى ترتاحى هناك انا عارف ...انتى عارفة البت ملك اتجننت على الاخر كل مجوازها بيقرب كل مابتتجنن ومالك كمان ههههه ولا رهف ناقصينك هناك ....
سمية "ترتعش " : خليك جنبى يا بابا...... خليك جنبى ...عايزة انام
أحمد : نامى ياا حبيبتى ..نامى انا جنبك اهه نامى يا بنتى ...
"تستغرق سمية فى النوم ثم يتركها احمد من بين احضانه برفق شديد وينزل لخليل...."
خليل : خلصتوا كلام ده ولال حكاوى الف ليلة وليلة يا راجل,...
أحمد : خليل ...البنت نفسيتها تعبانة ...انا هاخدها معايا بكرة ان شاء الله
خليل : هى اساسا كانت ناوية تروح بكرة ...المهم اطلع نام دلوقتى والصباح رباح
أحمد : لا انا هروح على الشقة اللى هنا
خليل : انت بتتكلم ازاى ..عيب كده...انت بتشتمنى ..بجد يعنى لما بنزل البلد بتسيبنا نروح بيتنا ..
أحمد : بس...
خليل : مفيش بس ...يلا قوم الاوضة جهزت اساسا...وبعدين انت عارف أميرة ...
أحمد : ربنا يخليهالك يا خليل ..ويباركلك فى نغم
خليل : واشوفها زى سمية كده ههههه
أحمد : بلاش..ليكون حظها زى حظ سمية ...يارب تشوفها احسن
خليل : يا بنى حظها ماله ..ياريت البنات كلها كده ...ومحمد بكرة يجيلها سيد سيده ..متقلقش .
أحمد : ان شاء الله ..طيب اسيبك انا
خليل : انت عندك بكرة جلسة صح
أحمد : ايوة ان شاء الله ...اهى هانت وكلها شهر واعمل العملية ...دعواتك
خليل: ان شاء الله تقوم بالسلامة وتتعافى قريب ..المهم ..اطلع نام دلوقتى
أحمد : طيب تصبح على خير
خليل : وانت من اهله
"ويصعد خليل لغرفته التى توجد بجوار غرفة سمية ...يمر اليوم ثم يأتى يوم جديد تسافر فيه سمية وتصطحب نغم معها بعد معرفتها بنتيجتها فهى قد فازت بالمركز الاول على مدرستها فقرر خليل ان تذهب مع سمية ..وصلت سمية الى بلدتها لتبدأ فترة جديدة ...."
وده بارت جديد قبل الدراسة وان شاء الله لو عرفت انزل هنزل
أنت تقرأ
قلب ليس من حقه الحب
Storie d'amoreرومانسيه الابطال :قصه قلب ليس من حقه الحب الابطال سمية :بنت محترمة جدا متدينة ,غامضة شوية هادية,متوسطة الجمال فى سنة خامسة طب حلمها تتخصص جراحة قلب لكن ياترى حلمها هيتحقق ولا لا آسر:شاب مخلص كلية هندسة بترول وبيعمل ماجستير فى امريكا عاش حياته بين م...
