اش ولك تريد تلحكهم ماعندي مانع وانتي ياللة كومي بسرعة مارلين. .لزمني الداعشي من ايدي وجرني يريد يطلعني
علي. .مو شفتة يجر بيها بس تخبلت هاي الأشكال المقززة كاعد يجر بيها حسيت صاعقة وضربت راسي ذبيت مصطفى من أيدية دفعته كتلة ولك وخر ابتعد عنها اني اكومها الحقير هذاك دفعني
لك انته تدفعني ضربته ضرب بس الله يدري بيه هو أخذ سلاحه راد يرفعه عليه
بس واحد من عدهم وكفة كلة شبيك ماراح ينطونه القادة مالتنا كلة واخليه يضربني مستحيل كلة لا بس راح نعرف نربية شلون
علي. .بدأوا يضربون بيه كسروا عضامي أحس نفسي كلش فارغ من جوا كلشي ماحس بجسمي عافني وطلع وإني مااكدر أكوم طبعاً مارلين مثل الصنم كبالي كلشي ماكو ولاكلمه حجت حتى ماتحركت.
علي..كعدت اشوية ارتاح بعدين حسينه بصوت طلق ناري يمكن البروده الضلمه الجوع الهدوء الخوف كل هذني بعد مااحس بيهن من شفت المكان الي بية احنا وكع فوك روسنه لا عبالكم تلاثة احنه لا اثنين اطفال رضع بيدي مارلين كوا أجر بيها لدرجة تكولها ذبي روحج بالشط أذبها شنو اكول تنفذ بس متحجي المكان وكع علينا طبعا ايدي كلش تاذت لأن كاموا الحشد يقصفونه واحنا جوا إنفاق وضربونه تصدكون من الضرب ماحسيت ع روحي غير اغمى علية لأن انضربت هواي سابقا ماوعيت ع نفسي إلا اشوف هوسة بس جانت أعتقد دنيا ضهر لأن احنا جوا كلشي منعرف ليل نهار فقط ضلام شفت نفسي صحيت ردت أكوم بس ايدي اذتني ماكدرت اتحرك بس الكل حوالية هوسة بس عيوني دور هاي البنية الي أساسا مااعرف شنو اسمها لاراضيه تحجي ولاتسكت من البجي الحقيقة داع أحجي ويا نفسي كلت اذا ملكيتها هنا راح ارجع واعوفها شمعرفني بيها ليش ابتلي بوحدة مااعرفها بس اسمع واحد يصيح عليها يكولها احجي وين اهلج بس تبجي عاد اني كمت ع حيلي صح متاذي بس امري لله كتلة ليش تصيح عليها اني زوجها ثاني شي أهلها قتلوهم الدواعش هية متأذية طبعا صفنت مااكدر اتعارك ويا لأن حاجتي عندة اريدة يساعدني اريد ارجع لبغداد مليت وتعبت سنه كاملة مااعرف شي عن اهلي بديت أتكلم وياه طبعاً عرفني وساعدني الولد طبعا غراض أهل مارلين جابوهن كثير شغلات متدمرة طبعا حطوهن كبالنه هية ولادورت ولااخذت شي بس ضلت تباوع وتبجي اني من جوة مقهور عليها بس شبيدي فتحت الجنط عسى ولعل إلكى شي يفيدني وارجعها لأهلها واارد المعروف الي سواه ابوها الية الصراحة هية حلوة كلش وخايف اذا بقيها هنا يشمروها بالكرفانات من غير شي هية متدمرة اذا راحت لهناك اوف علي انته مكتوبلك القهر ردت اموت اخلص تالي غيري مات شهل الحظ ..
كعدت افكر شراح اكول لاهلي هاي منو مراح يبقوها دخت ومتت من التفكير بعدين لكيت حل واحد هاي مرتي وهذا ابني
حتى اسكتهم ماكو غير هذا الحل ع الأقل بس هذة الفترة وبعدين الله كريم الف حلال يحلها أكلهم شردت من الدواعش كعدت بيت هذة العائلة بصفتي شنو كاعد عدهم أخذت وحدة من بناتهم وصارلي سنه عدهم بس بالفترة الأخيرة الدواعش هجموا علينا خطفونا وقتلوا أهلها واحنا شردنه
أنت تقرأ
حبيبي ابن الحشد
Paranormalالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
