صاير كتله من النار ماحجيت وياه كلي يالله تعالي امشي صعدي .
صاح ياسر.
ياسر تعال امشي أفتح الباب.
طلع ياسر وإني ضليت واكفه بين ميطلعها
دك هورن وطلع رأسه من الجامه شبيج ليش متصعدين بس من ورا خشمه
..كتله طلعها اول شي
..داع أكول امشي صعدي يعني تصعدين وهو عصبي
..صعدت بصفه وحرك السيارة بس كام يمشي سريع .
...بس اني كلبت وجهي وصلنه برأس الفرع كتله امشي رجعني مااريد اصعد وياك وكف السيارة بسرعه.
..شبيج مارلين اتخبلتي
..يي يالله اتخبلت امشي رجعني ,
..منو جان خابصني ع الطلعة.
...اني بس هسه غيرت رأي
...ليش؟
..كلها لنفسك طالعين لو رايحين معركه صاير نار متتحاجى اني شعليه أتريد تكتلني شوف نفسك شلون داع تسوق.
..تنهد جر نفس
آسف انتي معليج خلي انكمل الطلعة معليج بيه اني هم مخنوك أريد اغير جو.
..علي اذا مالك واهس عوفها بعدين نطلع يعني اذا علمودي.
..مارلين لتلحين كلت نطلع يعني نطلع .
حرك السيارة ومشى وضل عالك اغاني هيثم يوسف كلش يحبهن اني هم أحب أغانيه.
انتي ماتعشيتي
..اي بس ماجوعانه.
..تدرين من اجيتي ضعفتي جنتي اسمن من اوديج لاهلج شيكولون جان ميوكلها.
..لاوالله من يوم يومي ضعيفه بس انته تريد حجه حتى تتعارك.
..😂😂عمي أمري لله يالله رشيقه وحلوة وعنيدة ولسانج طويل.
....😨😨هاي اني كمت اكرص بزندة
هاي اني عنيدة
...هاي اني لساني طويل
..ولج أخ شبيج تخبلتي وخري راح نسوي حادث .
..بلكت الله حتى أخلص منكم كلكم.
..ابتسم ورجع باوعلي هيج أهلي مضايقيج.
..اويلي حسيت بالاحراج طلعت مني بالغلط أوف لسانج لو تسكتين.
..ها لا والله شعليه بيهم حبابين بالذات أمك وابوك حتى اخوانك وخواتك وردة مال الله كلش مداريني .
تدرين اول مرة أسمع وحدة تمدح بأم رجلها.
ههه اسمع لعد.
بس ردت اكلك انته تدري البعد الي بينكم يعني صار فترة طويله مبتعد ورجعت لكيت كلشي متغير يعني شتتوقع نفس الهدوء تلكى اكيد لا.
.. حجيج صح بس لو انتي بدالي شنو ممكن تسوين.
...كلشي ماسوي بس ابتعد عنهم خليهم شيسون يسون.
..أمم هم حجيج صح هسه امشي خلي نتعشى لأن بسببج ماتعشيت ع كوله أبويه جنتي تعوين.
..خرب علي شبيك ليش تحجي هيج والله ضوجتني بس جنت مخنوكه ومصطفى اذاني بجيه ماكدرت اسكته.
هاي لعد شلون راح تربين جهالج
ومنو كلك أتزوج بعدك اذا انته طلكتني
..حرامات ليش ولج
..مااريد كوة خلصت من حسن دورة أتزوج لا شبيه تخبلت بس مصطفى انشالله يصير مسؤليتي واكدر اربيه.
باوعلي كلي اول شي لتجيبين طاري هالسافل كبالي ثانيا نصيحة بلاش مني حرامات تضيعين مستقبلج بسب مصطفى تكدرين تربيه وتكدرين تعيشين حياتج.
..علي اكيد راح اطيح بايدين انسان منحط ويكرة مصطفى وإني بهيج سوالف ادري ماعندي حظ وبخت بس خل ارجع زين اذا بقيت هنا.
أنت تقرأ
حبيبي ابن الحشد
خارق للطبيعةالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
