طبعا اول شي شكرا داع تعلقون وباقين متابعيني شكد مااتاخر بس والله مو بيدي حبايب طالبه وداع ادرس واسرق الوقت لخاطر اكتبلكم وإني اعرف القصة تستاهل شرح وتفصيل أكثر وحتى يومياالمفروض ينزل بارت طويل بس مو بيدي وارجع اشكركم ع التعليقات الحلوة وتفاعلكم ورجاءا تحملوا 😙😙
احبببككممم❤❤❤
يلا نبدي
...
فجأة سمعت صوت وهذا الصوت كلب البيت كلاب هذا الصوت مار عليه بس هذا مو صوت واحد هذة عدة أصوات حاولت اركز بس الخوف كتلني ورجليه ماشالتني ولا عانتني حتى اصعد ليفوك لأن فكري يم مصطفى الي عفته نايم كل فكري مصطفى صار بيه شي .
..طبوا الولد يتراكضون صار الدرج شبختين كله صعدت تتراكض ع هذة الصوت طبعا محد سمع هالصوت غير أيمن وأركان أخو إيمان الوسطاني وعلي.
احنه النسوان جمدنه بمكانه ولا وحدة تجرات تصعد ليفوك وتشوف شنو الحظ مسوي بغاليها
...غمضت عيوني وكفت بمكاني منتضرة واحد ينزل ويكول شنو صار فوك ورا ثواني إيمان نزلت تبجي وجانت لابسه دشداشه زيتوني أذكر صارت نص لونها ماروني دم والنص الثاني زيتوني بلعت ريكي جنت بس اني واكفه وبيبيتها وام علي لأن جانت الدنيا صبح المنهم طلع والمنهم باقي برا يشتغل وماسمعوا الصوت.
...ركضت لايمان الي جان اخوها أركان لازمها وصلت لآخر بايه وغابت روحها حاولت اشوف من شنو داع تنزف وين المكان الي مجروحه وهلكد دم داع يخرج ماجنت خايفه من منضرها بكد ماخايفه أسأل شديصير فوك ومنو بعد متاذي باوعت لأركان كوة طلعت الحجايه مني منو بعد فوك متاذي وكلبي احسه راح يطلع من خوفه وكد ماداع يدك
...عقج وجه كال مادري بس يمكن بعد أنغام جانت واكعه بالكاع.
...ردت الروح بيه شفت ايديها من يم الزند مشكوكه باوعتله كتله يرادلها خياط بس جيب مي ورش ع كيف خل تصحى وحط أي قطعه قماش ع أيديها يسد النزف بين مااشوف أنغام فوك
..ورا ثواني سمعت صوت علي
...مارلين مارلييييننن .
..صعدت ليفوك ركض
..شفته مبين الخوف ع وجه
اني ادري بيه قوي لأن وصل الموت يمه وهو عندة عادي.
تعاي بسرعة لحكي ولج يمكن راح تموت جرني من أيدي ودخلني للغرفة ويسحب بيه أحاول افتهم الموضوع شداع يصير أنغام إيمان شبيهن.
..طبيت المنظر فضيع أنغام نايمه بالكاع ودشداشتها كلها دم والزوليه جانت سماءي فاتح متروسه دم ومن غير وجها صاير خريطه من الضرب وبلال كاعد ع السرير وأيمن لازمه.
...ولكم عيفوني خلي اكتل هالساقطه وانته علي اوكفلي اذا مو موتتكم صارت ع أيدي لك أيمن داع اكولك عوفني لازمه أيمن وميرضى يهدة.
...أما علي يباوعلي منتضر جواب مني
شبيج مارلين شوفيها انتي مو دكتورة لو تضحكين عليه لج شوفيها دخيلج راح تموت.
..تقربت منها صح كرهتها ع الشي السوته بعلي وخلتني اشوفها ماعندها كرامه بس منضرها يبجي الكافر صدك دمعت عيني ولأن هيه مرة وانضربت عرفت بلحضتها بلال مسوي هيج تمنيت الزمه واثرمه واسويه زلاطه بسنوني.
باوعتلها ياربي داع تنزف علي بسرعة خلي نأخذها للمستشفى مااكدر اسوي شي كلشي ماعندي بس هيه والطفل متأكدة مو زينين داع تنزف اذا منلحك راح يموت الطفل لو هيه.
...علي شالها ونزلها ليجوا طبعا لكينه الجوا مخبوص باايمان والاهيه هاي اللحظات لو تنعد يمكن متطول دقيقتين كل الصار.
أنت تقرأ
حبيبي ابن الحشد
Paranormalالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
