الجد. .يابويه انتي دخلتي لعائلتنه وصرتي وحدة من عدنا ومعاملتج مثل منعامل بناتنه ومحسوبه علينه واحترامج من احترامنا لذلك ماارضى واحد يمسج بحجايه
..انشالله جدو واكون كد هاي المسؤلية وماخيب ضنكم وماتشوفون مني بس الزين
...بارك الله بيج بنيتي التفت ع علي كله بويه اختيارك هالمرة صح باوعلي علي واكتفى بالابتسامه فقط ضلوا الكبار يحجون ويسولفون وابد ماسالوا عن عائلتي ولاجابو ا طاريهم لكن من ضمن الكاعدين سميرة وبنتها ولاوكفوا حجي ضلن يتهامسن بياتهن
سميرة. .ولج ياعوبه اكيد يختارها الها دشوفي الجمال الثكل باوعي من تحجي الحجايه شلون ثكيله وموزونه يعني مثلا راح يختارج الج امداج ضلي كاعدة ع كلبي وفوك كل هذا دكتورة.
ميعاد. .يايمه شسوي كليلي مو طكت روحي اني اخطبه لو يخطبني.
...سكتي سكتي مابيج خير الرجال يموت ع الحلوة والكشخه وانتي وانتي ثربج متر ليكدام بثنعش بليل تأكل جدر تمن شسويلج كلشي جبتلج بس إنتي عوبه وماتعرفين تتصرفين لج والله وافقت ازوج أخوج هذيج الرعنه علمودج وج والله اذا ماخذاج اخنكج بيديه هذا علي رجع شوفينه شطارتج. .
ميعاد. ..لايمه مرة راح هالمرة مستحيل اعوفه يااني ياهذيج
مارلين. .جنت كاعدة بين علي وأمه جانت تسولف وتضحكني حسيت بيها شكد حبابه وراقيه
أم علي. ..تدرين اسمج صعب
...😊لا مو لهل درجه بس لأن مامتعودين عليه .
...ي صحيح مامتعودين عليه بس انشالله نتعود عليه يمه خلي اكولج ع شي الله شاهد بعدني ماشفتج وكلبي رف عليج حسيتج وحدة من بناتي.
بناتي تزوجن وهاي انتي اجيتي ماطول عايشه ولله يأخذ أمانته
..لا اسم الله عليج عمرج طويل
...بعد كلبي خلي أكمل هاي اني أمج وصرتي وحدة من بنياتي وخلي اكولج ع شي شتحتاجين اني موجودة وهذينج الكبالج لاتندكين بيهن لأن هذني وكحات وخبيثات وانتي شكلج فقيرة شيصير تعاي كليلي وإني موجودة كتلج صرتي بنيتي ماحب تجيج حجايه
..انشالله عمه
..لتكوليلي عمه كليلي يمه.
. هم انشالله
ضلينه نسولف وبعدين الكل راح لشغله وجانت وكت غروب لازم النسوان يسون عشا كامن منهن العزلن البيت بس اني جنت وين متروح أم علي وياها لأن استحي افتر بالبيت كعدنه بالمطبخ جان علي واكف برا ديخابر لمحته من الشباك فجأه ندك باب البرا همه بيتهم كلش جبير هو راح فتحها بس شفته من بعيد فجأه دخلت مرة وحضنته وأعتقد جانت تبجي اني صفنت معقولة أنغام بس ورا ثواني دخل وراها رجال وتلث اطفال علي سلم ع الرجال وأخذ الأطفال يبوس بيهم دخلهم ليجوا وضل حاضن هذة المرة
إيمان. .يمه اجتي هدى
...باوعتلها وابتسمتلي تغارين
...لا بس مااعرفكم كل مايدخل واحد اتفاجا
...دخلت هدى من باب المطبخ حضنت أمها وضلت تباوع عليه وابتسمتلي ورجعت تباوع لأمها هذه مرة علي
...يي شفتي شاخذله جنهه العافيه وجان خابصنه بالاشعار مالته شلي بالحلوة أهم شي تحبني باوعي شاخذله.
هدى. هههه شلونج ياحلوة باوستني وإني لااراديا بادلتها كلتلي هدى اخت علي اني. .
...وإني مارلين زوجه علي هيج خباثه مني كلتها كبال سمورة وبتها سميرة عوجت حلك ...الله يثخن لبنجن عيني
هدى. ..شلونج عمه
..عمه اليعميج هسه تذكرتي عمتج ولي منا
....طبعا ضليت صافنه شلون حرجتها كبالي بس هدى أخلاقها عالية ماردتها وهدى تقربت من أم ميعاد
...ياعمه شبيج بعد صارت جنه بالبيت وهاي مو أي جنه مرة اخويه غير استقبلها وهذا علاوي عزيز ع كلبي ماحجت شي
.أم إيمان. .هلا هداوي حبيبه شلونج زارتنه البركه.
طلعت أم ميعاد هيه وبتها من المطبخ.
...هلا عمه انتي شلونج
..تمام حبيبتي
لتزعلين يبعد بيتي معليج بيها ختولي تحجي وبعدين تسكت يالله تعاي سلمي ع ابوج وعمامج. .
طلعن اثنينهن وبقينه اني وأم علي باوعتلها كلتلي تنتضرين جواب ليش مارديت عليها. .
...الصراحة يمه أي ليش مو حالج حالها داع اسمع واشوف هيه المسيطرة شو عايفاتها ع راحتها هيه الأمر والناهي.
...باوعتلي وابتسمتلي تعجبيني قويه وبالنسبة إليه مو سالفة قوة بس هذني متحالفات ويه البيبه شيصير بالسان البيبي تخيلي مرة تعاركنه ع شغله تافهة وجنت حامل بياسر جبته وعمرة ست شهر يالله اجوا وشافوا وحسين جان مسافر خطيه بس خافوا لايجي ومايشوفني وجان كل مايسال ع ياسر يكولوله زينه هيه وبزرها وهذا الحجي أساسا جذب محد يجي يشوفني غير فلاح عم علي ومرته هيه هم فقيرة ومن أهل الله الي تكوله البيبيه و سمورة تسوي بدون متحجي اما البيبه فهي اساسا ماحبتني بس متحمله لخاطر حسين لأن ليهسه أحبه صار أكثر من خمسةوعشرين سنة الحلو والمر كضيناه سوى وهو كلش يحترمني فمستحيل أفرط بيه أبد بس راح اكولج شي اذا انتي سباعيه كسبي علي بجانبج لا عبالج هذني راح يعوفنج حاربي حتة يكون علي سندج وأني وياج لتخافين واكيد الله ماراح يعوفج
..انشالله
...يالله امشي حتى نصب السفرة هسه جوعانين اكيد.
صبينه لزلم وحد وللنسوان وحد همه بالمضيف وإحنه بالكلدور ماشالله اذا همه جيش كامل.
طبعاً علي كلساع طاب للمطبخ نزلي شالج صدرج طالع ضمي شعرج لتفترين منا ومنا كعدي بصف امي.
...شبيك علي والله افتهمت تقربت من عدنه إيمان وجانت ميعاد واكفه
...شبيهم عصافير الحب يتهامسون
علي. .اني وحبيبتي انتي شعليج حاطه روحج بكلشي ضليت صافنه😨 هاي اني حبيبته شو كل ربع ساعه نتعارك التفت اله فتحت عيوني هاي اني حبيبتك كرصني من زندي اشش ولج
..أي علي شبيك
إيمان. .كافي علي شبيك ليش تخبث
..امشي ولي مشتاقلها
..😨😨اليوم علي شارب شي حبيبتي سويلي جاي أريد اطلع ..
أنشألله حياتي ثواني
طلعت ميعاد وإيمان راحت دطلع القوري تقرب من يمي وهمس اخذتي الدور صدك وتعودتي اشوفج. .
ابتعدت عنه شبيك وخر البنيه عيب.
..يالله حبي اني طالع راح ابدل
..تمام
.إيمان. .حبيبتي روحي اني اسوي جاي وشوفي رجلج شيريد.
..تمام ☺
صعدت ورا علي جانن كاعدات نسوان .
أنت تقرأ
حبيبي ابن الحشد
Paranormalالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
