يباوعلي باانكسار وعيونه تسأل هالسؤال ليش علي ليش عفتنه احنا كلنا نحبك حضنته شلونك يأبه
أبو علي. ..شلوني بغيابك يعني؟ حضنته وماوكف بجي. .
أما سجاد فقصته مختلفة عيونه تريد تاكلني بس خايف لايفقدني مثل مافقد حبيبته أخذته بحضني بس كلمه كالها انكسر ضهري بغيابك ...
لا خويه ماعاش اليكسر ضهرك وماوكفت دموعنه ...
طلعوا الكل وسلموا عليه والكل فرحان بس مو بفرحتهم لأن هسة راح احجي وراح تنفجر القنبلة كتلهم أريد احجي وياكم باوعت الكل موجود بس جدي ماكو احسن خلي اذب هالحجايتين واطلع وشيصير خلي يصير. ..
علي. .طبعا متدرون شكد اشتاقيت الكم والبسمه بعيون الكل وانتو مافاركتوا بالي ولالحضة بس اني جنت عايش عند ناس عوضوني الفراغ والاشتياق الكم وانتوا هسه كلكم كاعدين وتسالون وين جنت موجود وين جنت عايش وإني من البداية مقرر ومااتراجع عن قراري وخلي احجي الكم قصتي. ..
قبل سنه طلعت منا وجنت ضايج ع أمل توافقون ع زواجي من بنيه ردتها شفت بلال ابن عمي عيونه نطنه وصار كلش عصبي بس ماافتهمت اباوع بوجه مهيمن أريد يجاوبني ع سؤالي الموجود بعيوني بس مابدرت منه أي ردت فعل المهم من بعد طلعتي انخطفت أكثر من مرة إلا أن انحصرنه بمنطقة كلش صعب نكدر نطلع منها بس جان اكو بيوت وناس موجودين بجرف الصخر من ضمن هذوله الناس عائلة استقبلوني بقيت عدهم فترة ولأن جنا منكدر نطلع القصف مستمر ماخلوني اطلع اكو ناس كاعدة ببيوت مجاورة مثل المنطقه كعدة مؤقته واغلبيتهم عؤائل فإني الوحيد كاعد غريب بينهم بس بصفتي شنو كاعد فقرر الرجال ينطيني وحدة من بناته وإني أخذتها.
أبو علي. .يعني هسه انته متزوج؟
وشوية صار صياح وبت عمك المنتضرتك شنو مو حرام عليك. .
علي. ..(بصياح)ترا انتوا لطشتوها بيه من البدايه مارايدها بس اصراركم وعنادكم إلا اخذها دمر حياتي رحت ومامحتاج شي أكثر من مرة ردت اموت والله جان يحميني واطلع بخير وسلامه إلى متى ناوين دمرون حياتي مكفاكم ضيعت مستقبلي وضيفتي بسببكم وازيدكم من الشعر بيت عندي طفل طبعا عمي وكف بوجهي كلي ترا مامستغني عن بنتي وإني منو كلك راح انطيكياها بعد لو ع جثتي وبلال وإحسان وعمران وكفوا بوجهي يريدون يكتلوني همه ولد عمي عايشين نفس البيت بس علاقتنه زفت الصوج بيه بيهم مادري بس الي أعرفه هسة عمامي قرروا الكل ينفصل ببيت وحد والكل بنى واحنا كاعدين بمنطقة البيوت تقريبا العمامي الكل حاول يهدأنا إلا أن طب جدي هذيج الشخصية الي كلها هيبة ووقار وهوو عكاله وشماغه وعباته وجهه الأبيض ولحيته الي تحسسك بعد اكو لمه اكو حنيه شافني كباله اجا يباوعلي بنضرات ماكدرت اميزها وافسرها شنو بس اجا قربي وضل ع وكفته سجاد اخويه دفعني عليه بمعنى سلم عليه تقربت منه يباوعلي يريد يركز على فد شي بوجهي. .
تقربت منه داع أبوس ايدة جرني الحضنه وضل يحضني ويبوس بيه
...ليش هيجي يابه والله موتتنا بفراكك يابعد جدك يبوس بيه بس اني ماكدرت اتقرب منه لأن شايل بكلبي عليه بس هذا مو معناه مامشتاقله من بعد ماخلصت سلام وكعدنه كلياتنه. ..
أنت تقرأ
حبيبي ابن الحشد
Мистикаالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
