دكينه الباب طلعت مرة عمرها نهايه الأربعين بيضة كصيرة وعيونها مجرورات كلش حلوة وجانت رافعه ردانات ايديها ولابسه حجاب اول مافتحت الباب الضحكه شاركه وجها تقرب علي من عدها باسها من رأسها
وهيه طكت هلوهله اني ومصطفى اخترعنه
..شلونج عمه
...هلا بعد عمتك شلونك
...تمام الحمدلله
...يايمه ياعلاوي متدري شصار بامك بغيابك ليش هيج ياحبيب وهيه تبجي
علي. ..كافي لتبجين والله تقهريني عليج شلون صرتي
..الحمدلله
...تقرب سجاد بأس رأسها شلونج عمه
هلا حبيبي
علي. .عمه هاي زوجتي وهذة ابني
..ولك عليوي شلون حصلت هيج كمر ماتكلي شلون انطوك أهلها تقربت يمي وبوستني ورحبت بيه وأخذت مصطفى مني وضلت تبوس بيه
..دغيت علي اكولك هاي منيه
...هاي مرة عمي فلاح وردة مال الله عمرها مافرقت بينه وبين ولدها طيبه وفقيرة من أهل الله.
...يالله يايمه تعالوا دخلوا ليش بالباب طبعا سجاد سبقنه ودخل ليجوا
علي اخذي راحتج راح ادليج ع غرفتي مؤقتا بين مننتقل للبيت الجديد صح صغيرة بس ندبر أمرنا بيها بين منجهز هذاك البيت.
...عادي
..اسمعي أبد لتختلطين بشباب البيت حدج سلام وياهم فقط اني أقصد ولد عمي مو دك سوالف وياهم لأن راح ينعكس هذا الشي عليه
..اوكي تمام
..لتكولين اوكي كولي حاضر
..حاضر
..يالله امشي ادليج ع الغرفه وماكو أحد لأن كلهم راحوا يشووفون جدي. .
علي. .عمه عمه
...اجتي تركض ها بعد عمتك كول.
...شوكت يرجعون
...ع جيه كلهم راحوا واساسا جدك اليوم يطلع فراحوا يجيبوة بالنسبه للولد كلهم برا بس بعد شويه يرجعون. .
...تمام لعد احنا راح نرتاح بس يجون كليلنه
...من عيوني. .
...دخلنه غرفه شكلها غرفه عزابيه من صدك وكلش نضيفه سريرين وميز صغير كنتور أبو بابين ..
..هاي غرفتي اني وياسر هو راح ينتقل بغرفة سجاد
..تمام
...باوع بوجهي وجر نفس بعدين رجع ابتسم بعدين كلي ديربالج تنزعين الحجاب ماارضى
..تمام
...عفيه هيجي صيري مطيعه.
...ترا اني مو كلشي اسمع كلامك بيه من هسه اكولك بس شغلات داع اعرفهن هنه الأصول دااكولك حاضر .
...لو ادري ساكت طلع السانج .
...😠
..عالعموم راح اطلع انتي تبقين هنا تنزلين جوا بكيفج
...لا راح أبقى
..بكيفج بس أي شيء تحتاجيه مرة عمي موجوده وبعد شويه تجي امي
...تمام بس ماكتلي وين طالع.
....وج اني شكتلج مو لتكوليلي وين رايح وين جاي. .
...علي شبيك والله أخاف يسألون غير اعرف.
...باوعلي وسكت طلع وصل بقرب الباب التفت عليه كال راح اشوف اصدقائي
..ماهتميت وهزيت راسي بمعنى افتهمت
بسرعه حطيت راسي ع المخدة ونمت وبصفي مصطفى كعدت الغروب بس مصطفى ماهو ضليت مثل المخبله افتر بالفرفه لبست شالي ونزلت واصيح مصطفى فتت للمطبخ بس شفت مرة عم علي كبالي الوحيدة الي لاحضتها ماعرف منو جان واكف بصفها
...عمه مصطفى وينه ماهو بالفراش الله يخليج وينه.
...شبيج حبيبتي مصطفى أخذته بيبيته كاعدين بالديوان اجه جدج ويبتج ( قصدها جد وبيبيه علي ) وعمام علي بس لأن تعبانه وشفناج نايمه ماكعدناج .
..تمام .
..بعدين انتبهت بنيه واكفه بصفها
باوعتلي وابتسمت واتقربت مني شلونج ياحلوة بوستني
..الحمدلله تمام
..اني إيمان بت عم علي
..اهاا تشرفت وإني مارلين زوجت علي. .
...😊😊أي ادري كالوا حلوة بس ماتوقعت لهل درجة
..شكرا حياتي عيونج الحلوة. .
..😊😊.
....خلي اعرفكم عن نفسي اني إيمان عمري 17 سنه سادس علمي داع احارب حتى أكمل دراستي لأن مرة عمي أم ميعاد دائما تخبث عليه هيه وبتها وإني من النوع الي اسمع واسكت لأن بس الاسن راح أبطل من المدرسة لأن ماشاءالله البيت يسمعون الها وعندي تلث أخوة الأول متزوج مرته حبابه وعادي متحمله هوسه البيت وعندة طفل واحد الثاني خاطب وراح يتزوج عن قريب اما الثالث فهو السبب الي يخليني أعيش اعشقه لأبعد الحدود دائما يواسيني ويعلمني يكول بس أخلص كليه واشتغل راح نطلع منا ماابقيج ولا ابقي امي حتى اخواني هذولك يحبوني بس سميرة أم ميعاد تحشي براسهم .
..امشي خل نسلم ع جدو ونتحمدلله عيب لأن قبل أكثر من ساعة جاي. .
...أي حياتي بس خلي اول شي ابدل
...تمام راح انتضرج هنا بين متخلصين. .
..دقايق مااطول عليج بس دليني ع المغاسل. .
...من عيوني.
..اخذتني ورحت غسلت وجهي ومشطت شعري وصعدت بدلت ذكرت مصطفى مامبدلتله والله عيب حطيت شويه كحله بعدين نزلت لكيت حضينه وكماط ع ملابس طفل صغير كلت اكيد طفل صغير عدهم بعدين انتبهت هذني لمصطفى
..منو بدله معقولة أم علي ؟
..نزلت ليجوا لكيت إيمان واكفه تنتضرني
أسفه حبي اتاخرت عليج
..لا عيوني أبد بس قبل مندخل راح تشوفين جدي اني سمعت بيج جنتي مسافرة يعني احنا شويه نختلف عنكم صح بالمدينة بس هم العادات بعدها موجودة لازم تشوفين جدي تبوسين ايدة قاطعتها حياتي صح عايشه جنت برا بس مو معناها انسة الشي الي تربيت عليه لتخافين حبي تربايتي تربايه شيوخ. .
...ابتسمت والنعم منج يالله خلي ندخل
طبت ليجوا راحت ع جدها بس علي لكيته موجود هو تقدم الي كلي تعالي عيونه كلهن قلق تعاي خلي اعرفج ع جدي.
تقربت منه جان شكله كلش هيبة عرفت مين ورثوا هالعيون
علي. .دخلت وعيوني اجتي بعيونها مثل طفله مستغربه وتريد تبجي أريد امي وتصيح بس منو يسمعها جنت أحس بيها بس لازم تتاقلم ع الوضع الجديد ماكو غير حل جنت خايف لاتفشلني بالسلام ويه جدي لو تفلت شي بس هيه سبقتني راحت لجدي
...شلونك جدو حمدالله ع السلامه أخذت ايدة وباستها هو باوعلها هلا بيج بنيتي انتي مرة الغالي وباسها من رأسها
..ابتسمتله يي جدو مرة علي. .
بعدين شفت مرة جبيرة كاعدة لافه شيلتها ولابسه الهاشمي (مثل الثوب بس تور ومطرز بورود حسب لقماش )المخرم كلش حلوة وشكلها قاسية وعيونها مابيهن رحمه تقدمت بست ايديها وراسها شلونج بيبي
..من ورا خشمها زينه زينه اصلا حتى ماباوعت بوجهي ابتعدت واخذني علي عرفني ع عمامه ونسوانهم وجناينهم ولدهم صلوات مينعدون بس أحاول أحفظ واحد أنسى الثاني اكو من الي حبوني ورحبوا واكو من الي اصلا ماباوع بوجهي بس جنت ادور ع سميرة وبتها الي خابصيني بيهن وكذلك انغام تقربت من وحدة سمرة بس ملامحها عاديه كصيرة باوعت عليه كالت انتي الي اخذج علي كتلها يي وتاشر عليه بيدها وجانت واكفه بنيه بصفها قصيرة وسمرة كلش وفوك كل هذا سمينه بس ملامحها ضايعه بالسمن خزرتني وحتة ماسلمت عليهه واني بكلبي طيييط ميهمني عسا ناركم اكلت حطبكم المهم ارجع لاهلي بس انغام ماشفتها
ميعاد ...خلي اعرفكم ع نفسي اني بت عم علي من صغار بيبي هيله جانت تكول ميعاد لعلي وضلت هاي الفكرة براسي وحبيته بشكل متتصوروة حتى مرات احس احبه اكثر من متحبه امه وخصوصا بعد ماسمعت علي يخطب انغام تخبلت كلشي سويت كلشي حتى ينفصلون مشاكل سحورة نذورة مابقيت شي ماسويته بس علي اختفا سنه كامله وضاعت احلامي بسبب انغام جانت تجي يوميه تواسي مرة عمي بس شفت بلال عينه عليها جان عندي امل يرجع علي استغليت الفرصه وكمت اقربهم من بعض اروح لانغام بلال يحبج وهيه ايست من علي ورجعته واروح لبلال انغام تحبك بعدين قرروا يخطب وها بس امي عارضت بس قنعتها وتزوجت بلال بس ماامرتاحه وياه بلال نسونجي ويحب يغير المهم يأخذ اليريدة وبعدين شيصير خلي يصير مختصر الحجي اخوتي كلهم هيج.
.... كعدت بصف علي أخذت مصطفى من عمتي جانت لازكه بيه مترضى تنطينياه باوعت عليها كتله همزين بدلتيله بس بهمس ضحكت كالت والله اشوف روحي راح أشكل فريق حلو وياج ..
..كعدنه الكل يباوع عليه وهمس بينهم والكل كاعد يكصني من فوك ليجوا ماعرفت شلون أتصرف بس قاطعنه صوت الجد..
أنتضروا بارت جديد
أنت تقرأ
حبيبي ابن الحشد
Paranormalالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
