حبيبي ابن الحشد

part20

طلعت جانن نسوان عمامه كاعدات وهو وكف شويه ضل يحجي ويه أمه عمود دوامه وأني جنت واكفه فقط استمع الهم بس مافاهمه شنو السالفه بس الي أعرفه جانت اكو عيون تخزرني وكصتني كص بعدين علي صعد ع الدرج وإني أم علي كلتلي يمه ليش متنطيه صدرج ضليت اباوع الها مااعرف شرد بس علي صاحلي مارلين تعاي الحكيني اريدج
..يمه بس اشوف علي عينج مصطفى
..أي يمه روحي.
...وصلنه للغرفة
....الحمدلله نقذتني جان رحت بيها جان كاعد ع السرير وحاط ايديه ع وجه وبعدين ضل يمرر ايديه ع وجه بقوة وبعدين رفع شعرة جر نفس كال والله مادري شلون راح تنحل.
...علي شوكت نبدي ندور ع أهلي باوعلي كلي مارلين شبيج اليوم رجعنه لهنا والعيون كلها علينه منكدر نتحرك وبس تعدي هالايام راح ابدي ادور اعرف ولد راح يساعدوني بس شكد راح أطول مادري بس أكثر شي ست أشهر اما بالنسبة لمصطفى هيه صح صعبة بس لازم نسوي هيج مصطفى لازم بااسمي يكون مسجليه لأن متدرين شنو ممكن يصير وبعدين من ترجعين لااهلئج راح ارجعه بااسم ابوج طبعاً يحجي وفاتحه حلكي
...صدك علي تحجي
...دشوفيني اضحك وياج لو اشاقه لتحيرين بس كم شهر لمصلحتكم وها طبعا انتي اكيد لازم نعقد عقد محكمه حتى محد يكدر يحجي وياج شافني صافنه. .
...كلي هاا وين صافنه شدتفكرين. .
..علي تصدك مادري راح توصل لهنا ويعني محكمه ومصطفى اثنينهن سوة مادري .
...مادري شنو تفكرين بس اني همي احميكم والصراحة انتوا عرف بيكم جدي يعني صرتوا بوجه المدفع جوز يرحموني إليه بس انتي والطفل لا.
...جان كاعد ع السرير تقربت منه واثنيت رجليه كعدت كباله
...علي اني متهمني نفسي بس مصطفى شنو ذنبه فقد أهله كلهم اذا اني مو وياه واساندة منو وياه الله يوفقك ساعدني أريد أخلص منا خاف ياذوني وياذون مصطفى.
...مارلين شبيج لو ع كص ركبتي مااعوفج لا انتي ولا مصطفى بس سالفتنه معقدة ويرادلها صبر اصبري والله كريم وألف حلال يحلها ربج شكاتب نشوف
...والنعم بالله
...هسه كافي لتفكرين وروحي لأمي أريد ملابس شو ملابسي ماهنه.
...شعليه اني روح أنزل انته. .
...يعني غير انتي مرتي اطلب منج يعني اروح اوكف اكبالهن واصيح امشي ولي انتي نزلي.
...اوووف أي نازله
...نزلت ليجوا ضليت صافنه هذني مو هسه جانن كاعدات شبسرعه فرغ الكلدور باوعت ساعه بالعشرة جان البيت هدوء أعتقد كلها بغرفها درت وجهي
...يمه اسم الله خرعتني
...هو خازرني شدتسوين هنا علي وين
....سجاد اني جنت داع ادور أمك
...باوع التفت منا منا كال اول شي عيب تكولين أمك ثانيا هذيج الغرفه الي بصف الدرج غرفه امي ثالثا بليل أو من البيت فارغ لتفترين بالبيت وحدج.

....حاضر بس والله مو قصدي اكول ع أمك بس مامتعودة.
....خزرني ميهمني أمشي تحركي.
..متت من الخوف امشي واطك رجل برجل بس أريد أوصل جانن غرفه بصف غرفه ماعرفت منو من عدهم غرفه أم علي التفتت لكيته رايح يعني شلون ادك غرفة غرفة أوووف الصبر يارب نزل علي من الدرج كلي شكتلج همه ملابس داع تصنعين صاروخ
أووف علي مااندل.
...تعاي جر أيدي ودك الباب
..تعال يمه أدخل
...مساء الخير
..عمي جان نايم.
...هلا حبيبي مساء النور بس لاتريدون مصطفى ..
...باوع إليه
...يي طبعاً غير يخبلج بالليل والله ميخليج تنامين.
...لا ميخبلني بس انتي كولي مااكدر انام بلياه.
...الصراحة يي تعودت اذا مااحضنه الليل كله مااكدر انام
.. طبعاً يمه هذا ابنج 😊تعالي اخذي
..يمه وين ملابسي شو دورت ومالكيت بس لاانطيتوهن.
..لا اسم الله بس جانن مضمومات طلعتهن غسلتهم ولأن الجو بارد مانشفوة.
....شلون هسه أريد اطلع.
...أخذ من سجاد يجن عليك
...يي راح اروح
...اوكف وين راح تروح
...طالع يمه شويه ويه أصدقائي
...روح يمه آلله وياك.
...تصبحين ع خير
...وانتوا من أهل الخير.
طلعنه كلي جيبيه اني اصعدة لتوكعيه آخذة مني داع أسد باب الغرفه لكيت علي واكف
..ها علي ليش متصعد باوعلي بنضرة ماافتهمتها
...تعالي حبيبتي اعرفج ع ابن عمي ومرته
..انتبهت جانت اكو بنيه واكفه اول درجه وبطنها ليكدام حنطاويه وعيونها سود كبار ملامحها متراهمه ويه وجها يعني حلوة مناقصها شي بس تباوعلي عبالك بكت الخلفوها وماادري.
....حبيبتي هذا بلال ابن عمي وهذة مرته
...ياهلا وسهلا طبعا بلال كصني من فوك ليجوا صخونه عرفت عينه زايغه.
...بلال هذة مرتي وام ابني مصطفى هو مد ايديه حتى اصافحه بس ابتعدت وحطيت أيدي ع صدري بس أنغام اتقربت مني بوستني
....ياهلا بيج بوسطنه
...وبيج أكثر

...تدرين اخذتي شي مو الج
...شنوو
...داع اكلج حبي تتهنون ويحفضكم لبعض
...هاا شكرا كليبي والله يكومج بالسلامة
علي. ..يالله حبي احنه نترخص نريد انام سبقني علي وأني صعدت وراه.
.....طبينه للغرفة وأني سديت الباب قفلتها التفتلي شكلتلج؟
.. 😕
..أنغام شكلتلج.
...كلشي ماكالت
...احجي اني سمعتها مدري شكالت
...تقدمت حتى اشيل مصطفى احطه بصفي لأن الغرفه سريرين منفصلين بس هو لزمني من أيدي موداع ااالغييي وياج ليش متحجين بعصبية
..شبيك كتلك ماكالت شي.هد أيدي وتقرب مني وهمس بأذني
..تحجين لو اتصرف
...شتريد اسوي سوي .
...ابتسم بخبث ورفع تك حاجب انتي كلتي شااريد اسوي اسوي.
...تقرب مني وإني ارجع خطوةللباب وهو يتقدم خطوة بلعت ريكي ادري مخبل كلشي يسوي حصرني بالباب وخلى ايديناتي بضهري لازمهن بايد وحدة صار جسمه قريب من جسمي متلاصق بيه نزل رأسه لأن هو أطول مني وصار يهمس باذني انتي اختاريتي هذة الشي جر القراصه وفتح شعري وصار يمرر شفايفه ع خدي
..غمضت عيوني أريد احرر ايديه منه مااكدرله ضعف جسمي مرتين
..خلص ابتعد راح احجي
..
تقرب أكثر
يالله احجي وضل يباوع بعيوني
...ابتعد والله اختنكت
....تنهدت وكتله كلتلي اخذتي شي مو الج
...ههه صدك تحجين لاهي ع الأساس بريئة وكلشي ماسوت.
...علي وخر عني مشاكلكم حلوها وحدكم لدخلوني بيها البيه مكفيني وبعد لتتقرب مني احنا مامتفقين هيجي.
...شسوي غير انتي حلوة ومريتي.
..خزرته وخر عني وبعد لتعيد هذا الحجي وأني مو مرتك.
...ههه ضحكين عليمن ع نفسج لو عليه شو شرعا وكبال الله انتي مرتي
...بعصبية شبيك علي شو تخبلت دفعته وتقدمت ليكدام.
لزمني من زندي وعصرة حيل
...آه علي وخر داع تاذيني
...لتعيدين هذي الحركه ومافاضيلج هسه ومو بحالج امشي ولي انطمري راح اطلع ولتضلين تفترين منا ومنا وحتى قفلي الباب.
(بكلبي ولد سميرة مالهم أمان ).

...افتهمت بس بنترة
...لتحجين هيج لاعبالج ليهسه لازم اعاصبي ومحمد افرك حلكج.
...هو شحجيت اني؟
...شكلي اليوم راح ارتكب جريمه خلي اطلع احسلي.

...طلع علي وإني ضايجه وشلون راح اتحمله بس اصبرلي اني اعلمك خلي انام والله كريم
...شلون انام واقفل الباب وراح يرجع أوف خدامه عندك لازم انتضر الأستاذ يرجع يالله انام .
نزعت الدشداشه اتخبل من من شي ثخين وإني نايمه ولبست دشداشه قصيرة لونها وردي نبأ اشترتها وياي جوا الركبه شويه وربع ردلن وفليت شعري وكنكت ع الموبايل اشوف شكو ماكو هذاك السيم كارت مدمر علي حط واحد جديد سويت فيس ونزلت البرامج الي احتاجهن وصارت ساعه 12 والأستاذ ليهسه مشرف
...دكت 12 ونص يالله طب بس الباب مقفوله ضل يدك بالباب بس اغلس ولاافتحها بالعناد وياة.
...ولج افتحي الباب لتخليني اصيح اكعدهم كلهم.
...امشي ولي ماافتح
...حبي من واحد للتلاثه واكسرها وانتي السبب بلي راح يصير.
.. افتهمت بس اوعدني متسويلي شي.
...تخافين والسانج هطوله .
...هوووف هسه توعدني لو لا.
...افتحي وعد
....فتحت الباب ومديت راسي بس هو دفع الباب وطب

.يتبع