فتحت الباب لكيت جنه
علي. ..جنه حبيبه خالج شو ماكو ليش ما اجيتي شفتيني شنو بعد متحبيني
جنه. ..أي خالو اني بعد مااحبك لأن انته عفتنه ورحت. .
مهيمن. .بابا كافي خلص عيب سلمي ع خالو. .
جنه. ..لا وبعد حتى مااحجي وياك.
علي. .يعني انتي زعلانه مني
جنه. .يي.
علي. ..أمم اعرف شلون اراضيج شلتها وحطيتها ع ضهري وطلعت بيها أفتر..
جنه. ..خالوووو حباب عوفني
علي. .بعدج زعلانه مني
جنه. .لا خالو
مارلين ...جنا اني ونبا دنطلع شفنه بنية صغيرة تقريبا أربع سنوات عمرها شعرها كيرلي اصفر وهيه ضعيفة وبيضة وعيونها لونها حشيشة تجنن علي شايلها ويفتر بيها وهية تصرخ لا خالو اتركني
نبأ ..لك علي كافي عوفها
وهو مستمر
مارلين. ..يابختي بس وياي شالع كلبي (بكلبي )..
نبأ. .حبي تعودي هاي سوالف علي ياللة تعالي خلي افرشلكم بغرفة البنات اكيد تعبانين ..
مارلين. .أي ولله طبينه للغرفة كلش حلوة ولونها وردي تذكرت غرفتي وابتسمت. .
نبأ. .ليش تبتسمين. .
مارلين. .لا والله بس اتذكرت غرفتي هم جانت هيج.
نبأ. .حبي كل البنات مصيرهم يتزوجون ويعيفون أهاليهم. .
مارلين. .أي صح. .
كملت فرش. .
نبأ. .اني راح اجيبلج مي علمود صوفي
انتي اخذي راحتج البيت بيتج وعليج الله شتريدين بس صيحيني والباقي معليج. .
مارلين. .شكرا متقصرين
كعدت فلفلته لمصطفى فجأة دخل علي تعبان ركض شمر روحه ع الفراش حاط راسة بنص المخدة. .
اندكت الباب. .
تعالي حبيبتي نبأ ادخلي
نبأ. .هاج عيني هذا المي
مارلين. .شكرآ
نبأ. .اكلج انتي ليش تشكريني هواي مااحب هذة الكلمه. ..
..أنشأللة 😊
...اني راح اطلع اعوفكم أخذوا راحتكم وارجع وااوصيج عليج إلله شتريدين كعديني وابد لتستحين. .
علي. ..اني موجود أفتر بكيفي يعني مثلا استحي منج امشي طلعي برا ياللة. .
...😠متصير الك جارة لو يجي عزرائيل. .
مارلين. .عبالي بس وياي تحجي هيج طلعت ويه الكل. 😏.
علي ..الصمي خلي انام. .
...😠😠😠مغرور مدري ع شنو شايف روحك 😏
..فوكاها راح ارجع انام يمك لا والله أبد مانام لو اموت
جريت الفراش بغير مكان وأخذت مصطفى نيمته بصفي وهو فاتح عين وحدة. .
مارلين وإني عيني ع السكف. .
علي ..هااا
..أريد أسألك سؤال. .
..ومن شوكت تسالين شو انتي كله تسويه بدون متحجين. ..
...والله ترا داع احجي جديات عوفنه من العركات واللغوة الي بيناتنه. .
...احجي شتريدين تعرفين. .
علي لو أهلك ماقبلوا نضل عدهم راح تطردني؟
علي علي علي احجي شبيك نام ثول ب
مر الليل وكعدت الصبح ع صوت علي يلعب ويه جنه. .
باوعت الساعه ساعه تسعه كمت ع حيلي
...صباح الخير.
....صباح النور. .
...تريدين تروحين للحمامات؟
..يي
اوكي جنه حبيبتي أخذي خاله وديها لهناك.
البنية ضلت صافنه بوجهي. .
حبيبتي روحي ليش خايفة خاله حبابة ومتاذيج وهذة مرتي وابني تعاملج مثل مااني اعاملج. .
راح ازعل عليج. .
جنه. ..لا خالو.
تقربت يمي ردت إكسر الحاجز شلتها وبوستها من خديداتها كتلها ليش خايفة عاد هية ابتسمت مادري بس حسيتها هادئة فقط ويه الي تعرفهم تحجي اخذتني كملت ورجعت واسمع نبأ بالمطبخ تحجي ويه علي
...مارلين. .جنه حبيبتي روحي انتي أجيب مصطفى واجي اوكي.
هزت برأسها وراحت. .
نبأ. .علي فكرت شلون راح تواجه جدي أبويه عمامي ترا سالفتك حيل مليوصة. .
علي. .ادري ادري. .
..هو شنو التدري بيه تعال فهمني. .
علي. .بعدين احجيلج والله هسة خليني اتريك واطلع خلي اروح للبيت. .
صرت عصبية وازفر حيل. .
مهيمن. .حبيبتي ليش هالعصبية خلية وحدة يحل مشاكله. ..
علي. ..سمعي كلام رجلج حبي. .
نبأ. .والله يالله هزت بيدها وطلعت
نبأ. ..مارلين مارلين. ..
...ها عيني نعم
...الله ينعم عليج همه راح يطلعون تريكو بس يطلعون نتريك سوا ادري بيج تستحين من مهيمن. .
..أي حبيبتي عادي. .
طب علي للفرفة كال راح اروح للبيت اشوف أهلي. .
نبأ. .علي انتوا ماعدكم غراض ومارلين راح يشوفوها لازم تطلع نشتري غراض. .
علي. .صفن منو راح ياخذكم. .
نبأ. .وحدنا نروح
..لا ممنوع
..ليش.
شنو طالعات وحدجن وانتن صغار شلكيتيني. .
..مهيمن بس يخلص من شغله وياي يجي ياخذكم وطلعوا اشتروا التردوة بس مو تتاخرن. .
حاضر. .
اوكي. .
نبأ طلعت كالت خلي اكول لمهيمن.
علي. .مارلين هاج اصرفي من هذني ومن ارجع اخذيهم مني.
مارلين. .لا ماكو داعي
علي. .ماطول انتي يمي مصرفج ومصرف مصطفى عليه وماكو داعي بعد أعيد. .
تمام. .
...خلصوا وطلعوا علي ومهيمن طبعاً علي وصل للكراج صحته علي علي شافنه مهيمن كال راح احرك السيارة وانته تعال ورأيه مع السلامه ام مصطفى. .
...هاا شتريدين
...علي ماجاوبتني ع سؤالي.
...أي سؤال
..إذا رفضوني راح تطردني.
...باوع وجهي وابتسملي كلي هيج شفتيني ناقص غيرة واعوف مرة وحدها ومستنجدة بيه. .
..لا حشاك مو هيج قصدي بس جان يقاطعني كلي شما يكون قصدج ماعوفج إلى أن اوصلج البر الأمان. .
بعدها تقرب وباسني من راسي كلي بس ادعيلي. .
...الله يحفظك بحق الحسين. .
ياللة مع السلامه
..مع السلامه. .
سديت الباب ودخلت شفت نبأ واكفه ع الطباخ دارتلي وجها وابتسمت كالت بشنو تفكرين. .
..رديتلها الابتسامة الي بوضعي شنو يفكر. .
كالت لاتخافين ماطول عدكم طفل محد يتقرب منكم. ..
...انشالله خلي أجيب الجهال حتى نتريك
...تمام يالله روحي. .
بيت جد علي
...وصلنا الطريق ونزلت بالباب اني ومهيمن دكيناها وإني مدنك بالكاع اشوف واحد حط ايدة ع كتفي. .
مهيمن. ..توكل ع الله
..والنعم بالله. .
...طلع ياسر اخويه الصغير واكف بالباب بس سلم ع مهيمن وضل صافن بوجهي.
مهيمن. .أبو عمار حبيبي ليش متسلم ع اخوك. .
ياسر. ..يعني والله انته علي كلت خاف مو اخويه واحضنك وتطلع جذب كلت خاف خيال. .
علي. .لا حبيبي اني اخوك اخذنه بالاحضان يبجي وإني ابجي علية
بعدين كام يصيح ولك يأبه ولج يوم بنص الشارع ولكم رجع الغالي ورا شويه التموا الكل. .أول وحدة طلعت امي بس شافتني اغمى عليها ردنه نكعدها عطر ومي والحمدلله كعدناها وجان تجرني بحضنها وشابكتني ومترضى تهد ولك يمه ليش هيجي سويت بيا لك ليش هاي جزاتي تطلع تعب السنين هيجي والله يكولولي انسيه مات وإني اكلهم علاوي أبو طول الحلو مستحيل يموت افيش ياريحتك تشمشم بيه وتبوس وماراضيه تهدني وبعدين رفعت راسي شفت رجال كبير بالعمر هذا الجان صارم ويانه فد يوم ميرضى نسوي غلط يباوعلي ودمعته بعينه حضنته بدون مااكول كلمه اول مرة اشوف أبويه يبجي
أنت تقرأ
حبيبي ابن الحشد
Paranormalالحياه تجعلنا نصارع أنفسنا أحيانا لكن قدرنا هو المكتوب وهو الذي نراه وليس كل مانريد تحقيقه يتحقق لكن دوما ثقتنا بأن لله معنا دائما سوف تجعلنا تجتاز المصاعب
