ولاني امراة الجزء 27 --- سوزان المندلاوي ... اني صرت الك وطن وانت صرت الي منفى .. ضل صافن عليه ..اباع بعيونه ..الم ..وقهر ليال ..وين نهزمتي ويا .. فهد كافي .. نام وياج شسوالج ...احجي ..تقرب الج الله اكبر عليك ..كافي كافي ..انت اخذتني .. كمت اضحك ..بصوت عالي ..تهسترت ..كتله انقهر عليك ..كمت ابجي بصوت عالي معقوله هيج .. رخصني ..ضعت بين كراماتي وبين ..اثبت ..برائتي .. اضحك وابجي ..بهستيريه .. ولك ..فهد ..اني ليال .. فهد ..عيونه بيها دموع محبوسه .. جيت خليت راسي ..بحضنه ..اريد امان .. اريد ..احس بيك ... بقى جامد ..متحرك ... انت تعرفني ...فهد..اني مرتك ..وانت اخذتني ..بايدك .. لا تخليني ضايعه ..وحدي فهد ..اترك ..كل شي وراك اول مرة ماحس بفهد ولا احس بحظنه عرفت .. شي جبير تغير عرفت اكو حاجز جبير صار بيناتنه .. رجعت ..عنه شفت دموع ..ع خدة .. عافني ..وطلع .. عرفت ميريد يبين ..دموعه ... هنا عرفت ..اني بلنسبة لفهد ..انتهيت ... ميفيد لا بجي ولا كلام ..ولا شي .. مجبورة اسكت واتحمل ... خطر ع بالي خالي ..بس فهد محجة شي ..اذا ..اكول راح اشهر نفسي بنفسي ..صعدت سهام عليه .. ولج ..يامصخمه شصار .. كتلها ..ماكو ..شي .. ليال احجي ..شكو ..فهد ..كال بهل الاسبوع زواجي .. يمكن المرة الوحيدة ماحسيت بشي .. كتلها ..اي .. ولج شنو اي ..راح يجيب العكربه ..ولج وانتي ساكته .. صرخت عليها .. شوفيني ..شوفي ..فتحت هدومي ..شوفي حالي .. هذا فهد ..هذا وحش ..مو بشر ..سهام .. مو انسان يستاهل ..اتعب .عليه .. كمت اضرب ع بطني ..حيل ..حتى ميستاهل احمل منه .. ماريد شي يربطني بي ... كومي خيه استهدي برحمانج ..كومي ... انتهت ويا ..سهام .. لا ياكليبي لا تكولين هيج ..والله شفتت المر انه منهم كلهم .. حتى سحورة ..ذبن علي .. حتى نغل طلعو علي .. بس انه قويه ..وعرفت ..مين اجي للحجي .. سهام الحجي مو فهد .. فهد ...اسم ع مسمى ..انسان ..صعب ومغرور ..تعبت والله تعب ...ياعيني ..ماعرف ليش كلبي يوجعني عليج .. اصبري ..ياليال ...انتي غير تكولين شصار حته انه اوكع ع العله ..ياعيني .. مكدرت احجي شي ولو اني مظلومه بس محد يصدك بيه ...... مرت الايام .وفهد ..ميحجي شي ..ويايه .. ابد ..اني مموجودة ..بحياته .. يصعد ..بس ينام ..والوكت كلة بلديوان او وي اصدقاءة كاعد ... النزف توقف عندي وبقيت ع العلاج .. حالتي استقرت بديت ارجع ..لنفسي .. كمت اطلع من غرفتي وافتر بلبيت واساعدهم لازم التهي بشي ماكدر ابقى ..مخنوكه بي .. يمكن ..هوايه دست ع كرامتي فوك ماهوة داس عليه .. يمكن اني اتماديت وي نفسي ..وانطيته اكثر ميحتاج ..اني كبرته ..بايدي .. بس ..بعدة ..كلبي يوجعني عليه .. شكد ردت اقوى ..ارجع اضعف صح بعدت نفسي عليه وتقبلت رفضه برفض مني .. بس احن اله ..لحضنه ..لابتسامته لشفته ..لشقاه لكلامه .. اريدة ..كلشي بيه يريدة .. رغم ماهو ..كسر كلشي بيه ..حطمني .. فديوم ..رشا اجت يمنه ... بعد مانصبو الها غرفه ..بلطابق الارضي ... اجت ..والفرحه ..عدها ..تقرة مليون ... كل يوم ..جان يثبتلي ..فهد محبني الي .. حب ..رغبته ويايه ..حب ..جسمي .. حب ..حبي اله ..دلعي ..كلامي .. قانون الحب ..بي تسامح بي الغفران ..ولو اني مغلطت بشي ..عرفت جنت مجرد نزوة ..مجرد جسد لرغباته ..بس ..هوايه اذاني من اول يوم دخلت .. لليوم ..احسة يستمتع باذيتي .. قررت ..انتهى ..وحاول لا اشتاق ..وينتهي كلشي ..بينه .. بيومها رشا جابت هدومها ... اني جنت بلمطبخ .. صاحوني هيه وحلا .. ترددت اروح لو لا .. رحت ..رشا كالت ..عيني ...ليال .. بس اسالج ..فهد شيحب ..وين اخلي هدومه .. اني بقيت صافنه شتقصدين يعني مافهمتج .. كالت بيا خانه اخلي الهدوم .. كتلها حبي ..ابرود .. اختاري هاي لان غراضة هوايه .. فرحت فتحت الكنتور ..وكتلها هنا خلي ..دشاديشة ..وهنااا خلي .. جتي ركض عليه ..دفعت ايدي .. كالت لا تلزمين شي ..مااستبخت بيج واني عروس .. وانتي فصليه .. اني انداريت عليها ... ردت حلا كالت حقج ..عيني ..خوما حضج مثل حظها طايح ... اشرت براسي اي اي .. وطلعت بطلعتي ..صار بوجهي فهد .. باوعت ..عليه ..عيوني تكوله سمعت ..الكلام ..مشيت ..عنه .. صعدت ..فوك ... كمت ..اردد بس استغفر الله ...استغفر الله .. اريد ابرد ...بس ... اني عايشة ..بس ميته ...مابيه ..روح .. ولا راح ترجع الي روحي .. اهون ع نفسي واكول صيري قويه ..اريدج اقوة الجاي اتعس .... صعد ..فهد ... كتلة ..اخذ غراضك .. اندار ..عليه .. لا بقيهن ... اخذهن ...واطلع منا ... هااا.. اي اطلع ..برة ..ماريد اي شي منك هنا .. اكرهك ... اسمعي ولج ..لا طولين لسانج ... ياريت ..تكتلني ..اذا انت صدك ..رجال رجعني لاهلي يغسلون عاري اني مو عار ..الك .. وانت روح لست رشا ..ماشاء الله شكد متوالمين...تخبلون .. ليال ..لخاطر الي بطنج ساكت .. ايبااخى..شونك عاد انت رؤف ورحيم .. تدري فهد ..متندمه بكد شعر راسي ..تعرف ليش .. لان سلمتك ..روحي ... تدري ليش ..لان انت مو رجال .. اجه يمي ..بعصبيه .. وكفت بوجهه اي مو رجال .. الرجال ..ميضرب ..الرجال ميكسر ..مرته .. الرجال ميخلي الرايح والجاي يضحك عليها ... الرجال يخلي قدر وكرامه لام اطفاله .. انت شتفكر ميهمني ..والله .. كافي ليال ..اسكتي ..لا تخليني اذيج .. بكل صلافه تلاسنين ..وتحجين .كانما انتي ام الحق .. اي ام الحق ..اني وانت الباطل ..واغفى احسب عليك .. واكعد احسب عليك ... انجبي ...مو مرة الي ..تحجي هيج وياي ..انخرسي لا تخليني ادوس ابطنج ..واشهرج .. عادي ..شنو الفرق .. ي عادي الي تشرد من بيت اهله وي زلمه غريب .. كلشي تسوي ومايهمه شي .. اشكرك ..بس طول عمري راسي مرفوع لا انت ولا غيرك ينزله ... خوش ..يابنت العالم ..يابنت الحسب والنسب ..انه الج اذا ماخليج ..تبجين دم ..مايبقى علي شارب ..بس ذبي حملج واشوفج الامهات شخلفن .. وطلع ... وكفت ..كبال المرايه شكلي شاحب وتعبان .. القهر اخذ من حيلي حيل وعمر.. غسلت وجهي ... ولبست احلى ماعندي .. ورتبت روحي ..بمكياج وعطر .. جنت ادوس ..ع نفسي ماعرف شنو الي اريدة .. صدك اكرهه ..صدك ..احتقرة .. لو هذا ..ردة فعل حتى ارجعه الي .. مداعرف شسوي .. كملت ..ونزلت .. حلا ورشا بلاستقبال.. انصدمو اتوقعو ..انكسر .. بس رسمت ضحكه..ع شفايفي ..كذب .. وبقيت وي سهام اسولف واشاقه واضحك .. ولا كانما اكو شي ... وتجاهلت وجود ..فهد ورشا ..وحلا ..بحياتي .. ثاني ..يوم عرس فهد جان .. كلشي كدام عيني ... فهد والهوسه ..كلها .. فهد يمي بلغرفه يرتب بروحه .ويتحضر لعرسه .. اني كباله كاعدة ..بس اباع عليه ..ماكدرت انزل عيني منه ..اريد احد يكعدني من كابوسي اريد اصحى ..من الي بي اني ... كلبي ..يحجي ..فهد اني احبك ..حيل ..وادري انت ..ولا ع بالك ....صح اتاذيت بس احبك ولك حس ..ولك لا تبيعني من ورة كلام واحد ناقص .. لبس ..دشداشه بيضه ..وعكال..وتعطر ..ولبس ساعته .. ومحابسه ..الحلقه انزعت من ايدة من اول يوم .. كمل ..اندار عليه .. كومي بدلي ..يلا ..دنروح نجيبها .. روح ماجي اني .. لا تجين غصبا ماعليج .. ماجي داكولك .. يلا كومي بدلي ..فضيني .. روح ..لو طلعني جنازة مااجي .. ولج شو صايرة متخافين .. لا مو ماخاف بس عادي ... شنو عادي .. فهد روح متجبرني ..ماجي ..خوش .. راح انزل نص ساعه اذا مانزلتي احرك ..ابوج .. ونزل ..... بقيت مترددة اروح لو لا ..اذا ماروح خاف صدك ياذيني .. وتوة جسمي طاب .. كمت ..بدلت ..لبست ..فستان ..هوة يحبه .. لونه ...اسود وبي احمر ..وسترة قصيرة ويا .. ورتبت ..مكياجي ..ولفيت الشال ..لفه خليجيه .. ولبس العبايه ونزلت .. ابتسم ... البيت هوسه ..ماعرف مين اجوي العالم .. سهام كالت ..ولج جيتي .. اي جيت ... سهام ..جانت لابسه ..هم فستان ..بس هيه ضخمه وطويله ..وعيونها كبار ..عسيله ...وشفايفها متروسة وسمرة بس حلوة ..جانت كلش حلوة طالعه .. حلا ..مانتبهت ع لبسها ..جانت واكفه وتهلهل ... طلعت فهد ..برة ..وبيدة سلاح ... ويطشون عليه جكليت .. صعدو بسيارات ..اني رحت صعدت وي ضياء .. جتي سهام نزلتني ..كالت فهد يكول ..خلي تصعد وياي .. كتلها ماصعد ...وياه .. ولج لا تعاندين .. سهام ماصعد ويا .. كتله فدوة ضياء اطلع .. ضياء فر السيارة ..ومشى ..بيها .. وكف ..كال فهد جاي علينه .. فتح الباب عليه .. جرني من ايدي .. ضياء عاط بي ..عيفيها ياخوي .. جرني وصعدني ويا ..وساكت .. كعدت ..بصدر .. اخذت نفس ..درت وجهي عليه .. بكلبي كلت بعد بيه صبر .دوس اكثر .. لبس مناظر شمسيه وطلع .. يدكون هورنات ..مناك وطلعو الزفافه براس الشارع ومزيقه ...اني انداريت اباع ... شباب تركص براس الشارع .. احسة ..ضربني ع ايدي .. انداريت ..كال عينج ..لو عليه لو ليكدام ..لو بلكاع لا اكلعها الج ... مجاوبته ..حاول يستفزني .. الطريق كله ..سيارات توصل يمنه ويسون هلو ..والجهال تكمز .وتركص .. وصلنه لبابهم ....ربي صبرك ..ياللهي احس روحي راح تطلع ..مني ..قبل لا ينزل ..جيت اكولة رجعني ..بس لزمت نفسي ..وسكتت..ماريد ابين اله اني مكسورة ومقهورة .. نزلت وياهم.... وبدة الرمي ..بس طبينه من اهله واصدقائه ..عبالك جبهه صارت ..طبينه ..رشا مكبعه ممبين منها شي .. اجه وكعد يمها .. ويتسم ..ويحاجيها ويضحك ... طبو بس اهله ..رفع البركع عليها باسها من رايها ..والكل هلاهل ودكك وركص اني واكفه يم الباب .. اباع عليه كوة لازمه نفسي .. شكد اريد اكابر ساعه ..نص ساعه .. مداكدر احس ..اختنكت .... دورت ع سهام ..مشفتها ..ماعرف وينها .. فتت بينهم ..ادفع .. دورت ..شفت فاطمه جريتها .. برة ..كتلها اختنكت ..لحكيلي فدوة .. عزة بعينج ليش جيتي .. خلي ضياء يرجعني ....اوكفي ..هنا .. كمت اخذ شهيق وزفير ..اخذت ركن .. وحدة وكفت يمي ..شمالج خاله .. درت راسي عليها ... كتلها خاله حامل ..ونفسي كامت تلعب .. راحت جابت مي ..وجتي ... الحاله زادت اريد نفس ماكو ..انكطع عني وهوسه اخاف اوكع ماريد اوكع ويعرف انقهرت .. غسلت وجهي ..وشربت مي ... جتي فاطمه كالت يلا ..امشينا ... مشيت وياهم ... طلعنه صعدت بسيارة..احس روحي تريد تطلع .. بس حرك السيارة ..كمت اشهك .. فاطمه وضياء يحجون ع فهد .. ضياء يكول حرام عليه ليش جاي هيج يسوي بيج .. هاذ ابو عامر ازوج ..ماسوة سوايته ابد ..ضل امداري ام عامر ..ليش هذا ..كلبه ..حجر .. وفاطمه تواسي بيه ..اني ..اشهك بجي ..موقف صعب .. حتى لو اكرهه صعب يامه الاسلام .. وين العدل والرحمه .. ماكو هيج مذلة .. هذا موت بطيئ .. وصلنه ..نزلت كتلهن ارجعو للعرس ..اني هنا ابقى .. يم الحجيه ..ارجعو .. فاطمه مقبلت خافت اتخربط اني اصريت ترجع .. رجعو ..طبيت للبيت .. البيت ..فارغ بس الحجيه .. شافتني ..رحت حصنتها وابجي ..حجيه ابنج ظلمني .. حجيه ابنج كسرني ..ارحميني ..سويلي حل .. بقت تحجي ويايه .. يمه .اتحملي ..يمه المرة انطاها طاقه ..يايمه ..صدكي هذا اختبار الج ..وبنهايه ..حقج ..يظهر يايمه ..شمالح ..لا انتي اول ولا اخر مرة تنزل عليج ضرة يمه بس بلبدايه .. توجع ..اصبري ... كمت من يمها غسلت ..وجهي ..ارتاحيت شويه .. بدلت هدومي .. سمعت اجوي عفت الحجيه وصعدت فوك .. فرشت السجادة ... وكمت اصلي ..وادعي الله الي ..زرع حبة بكلبي .. يطلعه من كلبي ..لو يردة الي وحدي ..بس .. اسمع هلاهل وصفك ..وطلقات .. اني احاول ..مااسمع شي ..وبس ادعي واقرة قران ... كلش اختنكت ..احتاجيت امي .. خابرتها ..كوة لازمه روحي .. الو ..هلو ماما .. هلو قلبي شونج .. وخرت الفون ..بعيد ..بجيت ..ورجعت حجيت .. تمام انتو شونكم ..اخواني ..وابن هيفين شونه .. كلنه زينين ..مستاقين الج .. ابشرج حبي ... ابوج الشهر الجاي افراج .. رغم الحزن الي بي اني ..فرحت .. اي الحمدلله يالله ..فرحت ..اندك الباب ..ختمته وي امي ..وكتلها باجر اتصل بيج .. فتحت الباب سهام .. ها ليله نزلي ..يوم لا تخلين شماتج يفرحون انزلي .. راحو بقو بس اهلنه .. سهام ..عوفيني لخاطر الله ماكدر ..خليني وحدي ..وي ربي ..يقويني .. هاج ..هاي لكمه اكلي لخاطر ابنج .. اي مشكورة حبي ..طبطبت ع اجتافي ..صيري قويه .. هزيت براسي ..اي ... نزلت ... ورة مدة..من الليل ..سمعت ..هلال ..ورمي .. عرفت فهد ..دخل ع رشا ...اخذها ... بلا وعي ..كمت نزعت الايزار مال صلاة .. وكفت كبال المرايا .. فتحت المجر ..اباع ع نفسي دموعي موالي ... جريت المكص .. وبديت اكص بشعري وابجي ... وللحكايه بقيه شهرزاد ...
