لاني امراءة

البارت ٨ ج٢

ولاني امرة
ج 8

حين احببتك ؟؟؟
لم اكن اعي ..
ان هناك..
بين 
الحب ...

حاء حربآ...

وباء بلاء...

بقيت صافنه بوجهه ..
ماعرف،شكول اله ..

لا لا ماكدر ..
كال زين انتي عندج فون ؟؟
هزيت راسي لا ..

اتلفت يمنه ويسرى ..
وطلع جهاز فون من ايدة ..
كال ..هاج ..
اني بايدي الصينية ..
بقيت ..بس اباوع
الباب انفتحت وراه ..
هو ذب الفون داخل الصينيه ..
واياشر اخذي اخذي ..
جريته بسرعه وانداريت ..

ضميته بهدومي ..
هي للحظات ..ماعرف ليش قمه التوتر والارتباك ..
وماعرف ليش اخذته .
او بالاحرى شراح اسوي بي ..

فهد مانع عني التليفون بس اتصل باهلي
وارجعه ..
زين شيريد مني ..
.جهي صار احمر دم ..

رتبت شالي ورجعت يمهم

ام عامر يمه شبيج صفرة ؟
هاا لا مابية بس دايخة ..

كالت طبعا ادوخين لا اكل ولا شرب دشوفي حالج حتى وجهج صاير بي خسفة ..
تعاي اكلي
اي اي

كعدت وياهم ..
وبديت اكل ..وام حيدر مستمرة مخلت احد بحاله ..
واني صافنه هسة شجاني واخذته ياربي ..
اروح اذبة بالحديقه احسن شي.
اخاف فهد يشوفه بمي ..
هناك واسمع ..
هاي شبيها وحك الله حبلة ماتشتهي ..
انداريت عليها ..
سهام كالت لا يمه شتحبل ..

انداريت عليها ام حيدرة خايبه ليس لا يمه ..
شنهي تريدين بس الفروخ الج ..
وليش ماتحبل شنو ناقصها هاا..
كالت لا يمه مو قصدي بس ابنها صغير خطيه ..

صغير شنهي جا جهالج قبل الاربعين تفرخيهم .
لو بايدج تحبلين عشر مرات بسنه ..
كامت سهام من الاكل ..
اسويلج جاي ..
يمه ..
اتفر باديها والله ياالله ..

شلونها امج ..؟؟
سهام ..هاا برحمه الله ..

انداىت ع الطبلخ سهام ..
غمتها الحجيه ..
من هدوج لاعزرائيل كوون ..
وحجت وياي بصوت ناصي اني هاي من دخلت لهذا الببت ومارتاح الها ..
هالحيه ..
بس شملي الها ذيل وتصير عربيد موش بس حيه ..

احنا ضحكنا..
وسهام وهيلة وجهم الوان ..
هناك ونسمع ..

صوت ..الله بالخير ..
انداريت من بعيد من الممر ..

سهام ذبت البوشي ع وجهه ..
والباقي عدلو نفسهم ..
طب احمد وبايدة الصينيه ..

كال طبيت اسلم ع خالتي ..
شلونج ..حبوبة ..
وهي فتحت اديها هلا هلا بالكمر هلا يابعد خالتك ..
وحصنته وبوسته ..
كعد بصفها احنا كمنا من مكانه ..
جان اكو ..بداخل المطبخ مخزن صغير ..
بس خالين بي ..مكان للكعدة ..وكاونتر صغير وغيرها ..هنا يكلون السمج الدجاج ..
لان بي باب ع ورة البيت ..
كعدت ..
وايدي ع كلبي ولازمه للفون ..