صباح العسل ..
ولاني امراة
ج 7
لا تضرب حرمه وصار بوجهه ..
عصبي يلخوي اضربني الي ..
اضررربني ..
الحرمه ماتنضرب ..
فهد دفعه مالك شغل هاي مرتي ..
لا تخليني اضربك ..
هزموني من يمه ..
طلعوني ..واكولهم جيبولي شبل .
فدوة شبل طلعوني دخولوني بغرفه فوك ..
فاطمه بقت تحجي ..
ادري هذا مينصلح لا والله وتسودن فدنوب من مات الحجي لا يكول امي مريضة ..
ولا شي ..
يلا حبيبه منعلمتي عليه .
.
اسمعه ..من بعيد الا اكسرها .الا اخليها عبرة للنسوان ..
محد اله شغل مرتي هاي ..تفتهمون لو لا ..
فدوة اريد شبل ..
طبت سهام وهيلة ..
هاي شكو ..
هم ضربج ؟؟يلا تعلمتي ..عشتوو لا تبجين ..
وهيله واكفه ..
باوعت عليها ..
وكلي حقد ..لو بيدي اموتها بايدي .
منو هاي يضربني علمودها ..
بقت واكفه بلباب ام عامر وفاطمه يهدون بيه ..
وضياء واحمد وجلال يم فهد ..
احمد وجلال ..اخون ولد عمته لفهد من مات الحجي بقو يمنه ..بس بالديوان ..وحتى منشووفهم حمام الخارجي بصف الديوان ..
واكلهم وشربهم هناك .
اما شغل فهد والولد نفسة يشتغلون بالمعرض ودلاليه اراضي ..
معروفه بيوت العشاير ..تستقبل الكل ..
هيلة بنت اخت سهام بس امها ماتت ..وعاشت ..يم مرت ابوها ..
وهسة عايشه يم سهام بغرفتها ..
سهام بقت محد قبل ترجع ..لاهله ..
علمود جهالها ..
بقت واكفه سهام وتسولف وجنت ابجي من كل قلبي كرهت دموعي والله كرهتها ..
هالكد ما بجيت هنا ..
الحب بالحظه يحولنا ..نسمه هوى باردة ..
وتغير كل شي بحيانتا
وبالحظه ..يحولنا نار وتتبعها رماد
وينتهي كل شي ..
بقيت كاعدة وهم يسولفون ناس تحجي وناس تسكت ..
واني عيني شوكت يجيبون ابني الي ..
كل شويه اسأل شبل وين ..
راح اكوم اجيبه ..
اكعدي هسة يجيبه طلع ويا الولد
جا غير ابنج زلمه
هناك وارجع ..
اسال لحد ما كل وحدة رجعت ..
وبقت ام عامر يمي ..
صعدتلي مي ..وغدة بس مكدرت اكل شي ..غير شويه لبن
ظهري احس انصلخ ..وجهه كليتي توجعني حيل ..
بقيت قلبي نار ع ابني ..
رجعت سهام صعدت ..
.كعدت ..يمي ..
كالت شفتي منو جان ساند ظهرج ..
مجاوبتها ..
وام عامر كالت الها سهيمه مو وكته هالكلام ..
اندارت عليها محد سالج الج حتى اتجاوبين ..
والله يالله ..
اهلج وين عنج ..ها ..
هناك وصعدت ..هيلة شايله ابني
كمت من مكاني بسرعه ..
جريته منها من جريته
كالت هاي شبيج وثول دستي ع ىجلي ودفعتني ..
كامت ام عامر كالت الها وحق الله ..
الي تجاوز ع ليال ..لا اوصلها لعم الولد
دكافي همدن ..شنو انتو ..
