لاني امراءة

البارت ٦ ج٢

مساء الخير

ولاني امراة
ج 6

نزل جوة بقيت نفس مكاني بين اريد اكوم وبين لا ماريد انجرح اكثر
الف فكرة اجتي ابالي ..
كمت من الفراش ع كيف ..

مشيت خطوتين ..
فتحت شويه من الباب ..وطلعت جانت ظلمه ..وشويه الضوة يعكس ..
زين انزل لو اهين نفسي اكثر ..
نزلت ..
الدرج ..
رغم كل شي سواه ..
بس بقت اشوفه يخوني كبال عيوني .
جنت اتخيل كل شي ..
هي دقائق..بس
وصلت لغرفه الحجيه ..قربت اذاني اريد اسمع شي ..
مسمعت ولا صوت كلت اكيد بالمطبخ ..
هم ..

رحت للمطبخ ..الضوة مطفي وهدوء،.
عقلي جان يتخيل ..خيانه اشوفه حاضنها او لازمها ..
كمت ادور وملكيت شئ ..

طبيت الهول نفس الشي ..
بقيت واكفه ياربي وين راح هذا..
تالئ استغفرت الله ..
وكلت ان بعض الظن اثم ..

رحت شربت مي .من المطبخ ..
ورجعت داصعد ..
شفت هيلة اجتي من جهه الديوان الداخلي ..
وجانت شايله علاكه ..

اني طلعت من المطبخ حتى ابين ..
وتشوفني ..
شفتني دنجت وركض راحت للغرفه وسدت الباب ..
ومناك اجة فهد يتمشى ..برهاوة ..
جان لا بس شورت ..وفانيلا ..
ويمشي ..
من شافني مشة سريع يمي ..
كال شنزلج ..
كتله الي نزلك ..نزلت عليه ..

ليلة امشي ..ولزم ايدي من فوك ..

هد ايدي ..اخونك يدرون بسوالفك هاي ..
ولك جان استحيت ..بعدها صغيرة ..

جرني شجاي تحجين ..
امشي ..
ماصعد ..شكد اريد اكون اقوى منة ماكدر اله ..
بدا صوتي يعلى تمنيت الكل يكعد يشوفه ..بهذا حاله ..
خله ايدة ع حلكي وصعدني ..من جان يصعدني رجلي تنضرب بالدرج ..
صعدت دفعني بالغرفه ..
اششششش ماكو شي ..

شنو ماكو شفتك بعيوني شلون تلزك بيك ..
لا تكولي ماكو شي ..
ليال داكولج ماكو شي وانجبي واسكتي ..
خاب شنو بلبل واخون بدقيقتين ..
ويضحك
ولا تبقين تحجين حجي فارغ وصوتج للبيت كله نايم ..

اي نايمين وانت تسرح وتمرح ويا هيلة ..
شكد قذر ..

كام عليه ..خلي لسانج بحلكج لا اكصه ماكو غير تفكيرج القذر خليني محترمج ..
لا اهينج والله ..

الله ؟ تعرفه انت لو لا .

اهوووو رجعنا لسوالفج ..

ديلا يلا سكتي اريد انام ..وشنو تغارين عليه انتي ؟؟
لا ما اغار ولا تهمني انت وبديت اعدل بالفراش ..
وارتب بي حتةى ارجع انام ع صوتنا العالي شبل فز ورجع نام ..

خليت راسي ..
شكد اكرهه دموعي ع كل شي تنزل ..
بقيت ابجي وهو مشغل تلفيزيون ويباوع ..

ابجي ع نفسي ..مو اكثر ..ابجي ع حظي ..
ع عمري الي راح يضيع هنا ..

قربت شبل مني ..

شميته ..وبسته من ايدة ..
غصيت ..بجي ..
كتله ..حبيبي انت سندي ..
تسمعني ..شبل ..ابوك ميريدنه ..
يجوز يريدك بس الك وراح ياخذك مني ماما ..
حبيبي ..واذا اخذك مجبورة ..ياخذوك مني ..
اووف حضنته صعبه ياربي ..
ابوك ميريدني ولا يحبني ..اثنينه انعيش ..
وتبقى انت.شايل ذنب ..مالك دخل بي  ..سودة عليه ماما ..
راح تبقى بنت الفصلية ..
ولا ابوك ولا جدك يشفع الك ..
للحظات جنت افكر اموت اني وابني ..
احرك روحي او ..اسم نفسي ..
هناك وافز واحضن ابني حيل ..
واكول ..لا اني قويه ..ماكو وحدة بعمري تحملت هذا كله وبقت ..