ولاني امراة 37ج سوزان المندلاوي طب..الحجي ..وطبت رشا ويا ..اني كاعدة .وي فهد والكل ..بلاستقبال .. الحجي ..كال السلام عليكم .. جاوبنه السلام .. اول مطبت رشا .. جتي وكعت ..ع فهد... اني بصفه اباع عليها سمنانه ومتغيرة ..تبوس بايدة .. ضليت اباع عليها ..شبيها ..هاي ..فهد جر ايدة استغفر الله اهلج العالو رشا ..وانتي هنا لخاطر الي ابطنج ..ذبي حملج والله كريم .. والله موانه ماعرف راح ديكوكم مو كدامك خابروني امي مريضة .. عدلت روحها وكعدت كبالة ..كالت انت زلمتي ..وتاج راسي الي تريدة يصير ..وانه اسفة واعتذر بس مالي ذنب بلي صار ...وحرام طلكني وابنك بطني ماله ذنب .وتبجي .وكامت بوست الحجيه ..وام عامر ..والكل .. اباع ع فهد ..يمكن يريد يطك ..وهلكد مايحرك برجله وترني الي .. اجت يمي بوستني هم .. وكعدت تبجي ..حلا اجتي يمها تراضي بيها .. والحجي صاح فهد .اخذة. يحجي ويا ..بلديوان .. اني مصدومه ماعرف ..ضايجه ..بس احس روحي كاعدة ع نار ..من تصرفها وشلون دخلت تبجي وتتعذر .. كمت رحت للمطبخ نفسي كامت تلعب واحس نار بمعدتي .. شربت مي وكمت اخذ شهيق وزفير .. طبت يمي سهام .. كالت ..شبيج .. كتلها نفسي تلعب .. اتعلمي ليال مانريد بعد مشكله ..هاي حاله من حالج ورجعت مكسورة وانتي ام الراهي .. ذبيت الكلاص ع الميز .. كتلها ..سهام اني مو انتي ولا اني ام عامر ولا اني الي عايشة هنا وعادي كل شي .. ماتحمل هيج ..راح يرجع يوم يمي ويوم يمها .. انتي محاسه بام عامر صار شكد يمكم ماشفته يمها ..فديوم عيشي الي اعيشة وراها تعاي هوني عليه ..واحجي شبيج ليال انه وياج مو ضدج ..اكلتيني حاصل فاصل .. رحت يمها لزمت ايديها ..اسفه .. وعفتها وصعدت فوك .. سديت الباب وكعدت .. هلمرة صدك مابيها رجعه ..رشا شنو ..من بشر..فهد ..سوت هلمصايب كلها وعادي واني حجايتين ..ويضرب ويغلط ويعصب .. ضليت احلج والوب .. كمت احس ..من هلقهر راح اموت لو الطفل يموت بطني .. ماكو هيج شي افرح ايام وتطلع الفرحه من عيوني .. وارجع انكفخ ... حسيت الباب انفتحت .. درت وجهي ..شفت فهد ..طب .. اني مددت بفراشي ودرت وجهي ... ها ليال ..شو صعدتي .. كتله معدتي ..تخربطت .. ليال رشا رجعتها ..مو بيدي ..الحجي جابها وتعرفين ماكسر كلمته انه ..لا تحاسبيني ..ع شي مو انه سويته .. عفيه فهد ..طفي الضوة وسد الموضوع ..اريد انام مالي خلك .. ليال ..اني يمج ..مانزل الها ..وفهمت الحجي بهلشي بين ماجيب ..افتهمي وكبري راسج شويه لا سويها زعله .. كمت ..كتله كتلك ..ماغار ولا ازعل ولا شي .. اجه ..يمي ..كعد .. اني نمت ..ودرت جسمي .. نام ..يمي .كال.تعاي ..بحضني .. فهد اريد انام متوجعه .. تعاي نامي هنا .. انداريت عليه ..تدري شنو احساسي هسة ..بيك .. سكت .. اشوفك ..ضعيف ..كلش ..وخليني ساكته وعوفني انطمر ياريت ماكعد بعد .. خوش .انه مو ضعيف وتعرفين هلشي الحجي ماينكسر اله كلام وانه وكفت بوجهه من يوم طلبتح من ابوج .ليال .. اني هم درت راسي ..احس راح اطك اذا ماحجي .. هوة شغل تلفيزيون ..وكعد يباع .. وساعه يلعب ..بفونه .. بقيت امثل روحي نايمه .. مرت الايام واني ..حسرة بكلبي ..من فهد .. رشا ..مالها شغل بيه ..واني ..متحلفه الها بس تحاجيني ..يمكن اكتلها ..هيه مالها شغل بيه .عايشين عادي ..كل وحدة بحالها .. مرت الايام عادي اني بطلت اصعد وانزل ..لان..بدت بطني تكبر .ومابية حيل .. والي مكسور خاطره ماله واهس شي .. فهد بقى يمي ولا يوم راح يمها .. شكد حاول واني اعرف مراح الها بس ..مداتحمل .. جنت .. ادوس ع نفسي وامثل اني مامهتمه بشي .. فديوم بليل ..سمعت..وحجي .عالي.جوة مديت راسي .. اي والله يمنه الحجي ..نزلت ..شكو .. رشا متوجعه ..شبيها ..منعرف .. طبيت للغرفه مالتها شفت فهد ..بلغرفه ..وهيه تبجي بلفراش .. شكو ..واكعه بلحمام وبطنها توجعها .. اباع ع فهد ..اني ... كتله وديها للمستشفى .. رشا كالت لا لا هسة اصير زينه .. حلا سوت الها اعشاب ..ماعرف شنو ..شربته .. بقينه اني وفهد وحلا يمها .. نشوف شبيها ..وهيه بعدها تتلوى .. فهد كال شسؤي هسة اني .. كتله باجر وديها خطيه خوما ضل هيج .. حلا كالت انه اوديها .. خطيه خوما ضل ..مثل السمجه المزوهرة ..وانت فهد ابقى يمها ..لا تعوفها ..انه لوما الجهال اضل يمها .. فهد يباع عليه .. كال اي ابقى .. اني بقيت يمهم .لحد ما شويه هدئت ..رشا فهد كلي ليال ..نزلي الي ..فوني .. رحت يعني شنو راح ينام يمها ..واني ابقى وحدي .. صعدت ..جبت الفون ودورت الها ..ع دوة مال تقلصات ..مال حوامل ..كلت خطيه متوجعه ..بلكي تشربها ..وترتاح ..ويجي ينام يمي .. يمه عبالك عناد ..لو بيدي انام وياهم ..مثل السباق ..وبي تحدي ..هيج حالي .. نزلت ..شفت الباب مردودة مال غرفه .. وكفت ..سمعت تكوله رشا ..اني هم حلالك ..وحرام عليك هاجرني ..فهد انه احبك ..قبل لا نزوج جنت من تجي لخواني اضل اباع عليك من الشباك .وجنت اتمنى اصير الك قبل لا تزوج المرحومه انه اودك وانه الي دليت سهام عليه ..وخليت ..ام علي ..جيبها ..ليش هيج وياي انت ..انه ارضى بكل شي ..بس لا تهجرني ..ورجعني الك ولحضنك ..وراح اصير ام جهالك .وانت تخاف الله واصلي ..اريد حقوقي منك .. .فهد ساكت ..يمكن انصدم اكثر مني ..مدري يعرف .. اني بقيت مصدومه ورة الباب ..لا بيه اطب ولا بيه ارجع ..جمدت ..بمكاني .. شويه ..وكدرت ادخل فتحت الباب وطبيت شفت رشا لازمه ايد فهد .. فهد من شافني رجع ايدة..وهيه بقت ع كعدتها كتلها هاي دوة شربي زين .. وهذا فونك ..فهد .. تصبحون ع خير .. وطلعت ..غير هذول مكدرت احجي شي ..يمكن اذا احد يكولي هلو ابجي .. صعدت فوك ..كلامها صح حلاله ووطلعت تحبه .. سديت الباب ..عليه ... ماعرف شنو الي اسوي .. او شكول .. المشكله مو برشا المشكله بيه اني مداتقبلها ولا اكدر اتحمل ..بيوم الي فهدبقى يمها ..اني منمت ابد ضليت للصبح ..واول وحدة نزلت جوة ..ردت من يطلع اشوفه .. نزلت لهيت روحي بشغل .. كعدو البنات .. ها من وكت ..كاعدة اليوم اي نمت من وكت وشبعت نوم ...وكعدت واني ماضكت النوم ابد ..وطار النوم من عيني ..بس اكو نار ..بقلبي .. كعدت رشا ..متاخرة والضحكه تارسه وجهها .. الحجي بلساني اريد اسالها ..شصار البارحه بيناتكم .. اجتي صبحت ..علينه ..وكالت راح اطب اسبح اني ..واجي اعاونكم .. سالوها شلونج اليوم .. لا الحمدلله ..زينه ..سودة عليه االليل كله فهد منايم .ويم راسي ..خايف عليه .. اني نضربت طلقه ..مو سمعت تسبح .. يباعون عليه اني اشتغل..واسوي روحي مو يمي الحجي .. سوينه ريوك وكملنه .. كعد فهد ..صعد فوك .. كملت شغل ايدي رحت وراه .شفته طلع من الحمام .. وطب للغرفه ..صرت بوجهه .. هاا..فهد .. صباح الخير .. نعيما .. فهد يتهرب بعيونه مني .. فهد ..شصار ..البارحه جان يكلب بلكنتور ..مجاوب ..رحت يمه .. احجي شصار بيناتكم ..سد الكنتور ..مصار شي .. ايبااه واثنينكم اسبحون .. ليال كافي ..تعرفين ..اسبح الصبح يوميه ..لا سويها علي فلم .. لا سمعت كلشي اني ..شلون تحبك وتريد حضنك .. فتح عينه عليه ..وخنزر .. اي سمعت ..كل شي .. ولج والله ماسويت شي الها ..كتلها باقي يمج علمود الطفل غيرها ماعندي شي وياج .. فهد ..تدري المفروض ارجع ويا ابويه ..من الاول وماوصل لهنا .. ليال عقلي وماله داعي هلحجيوهل المغثه من الصبح داكلج ماكو شي .. لا اكو كمت اعيط اكو .. استغفر الله ..وتالي وياج .. اعرفك فهد واحس بيك ..انت دتكذب عليه .. اجه يمي قريب ..واذا اكو ماتفتحين حلكج ..هي هم مرتي ..مو انتي تمشين حجايتج عليه ..كبرت راسج ترة . ولسانج طول هواي ...اسكتي ..بعد ماتحاسبيني انتي ..خوش لا اني التعب والقهر عاجبني وياك غبيه حبيتك وعفت كلشي ورايه .. لزم ايدي شعفتي ..احجي .. هااا رجعت ..فهد ..ولك انت شنو من بشر شكد ضعيف واقل ريح يهزك عليه .. احجي شعفتي .. عفت ..روحي ..وجيت لحضنك حتى اوصل لأخرتي ..وياك ليال ..كافي وراي شغل بلمكتب ..ودوخه راس .. هذا حجيج ..مابي ..معنى ..ومجاي تفهميني .. ولك اني كبرتك عليه ..واني خليتك هيج دوس عليه ..اني كله مني .. كافي كافي ..اسكتي ..وسدي الموضوع ..ولاتحجين حجي زايد وراها تتندمين .. اتندم ..؟ ع شنو .. اني رايحه لاهلي ..فهد .. اندار عليه .. شعندج .. رايحه ومارجع بعد ماتحمل هيج اني .. مترحين .. اروح مو بكيفك اني موفصليتك وتتحكم بيه وتذلني .. اني رايحه فهد ..راح اخابر ..اهلي .. وانت خليك ..وياها ..وزوج بعد هاي حياتك هيج .. ياهيه الي تجي تركض وراها .. اجة يمي ..لزمني من جتافي ويهز اسكتي بس .. لا طلعيني من طوري وياج ..اسكتي ..وين متردين تولين ولي ..خلي ابالج ان طلعتي من الباب ..ماترجعين بعد .. وخرت ايدة مني .. مارجع اشتري روحي .. خلص وكتي وياك ..وانت هم خلص وكتك .. وتالي .. كعد ع الطبله .. تالي ليال ..اروحلج فدوة لا تكبريها .. شوفي لحد هسة ساكت وانتي جاي جفصين .. اني كمت جريت جنطتي وكمت الم بهدومي .. ليال مطلعين ولا دوسين بطني .. ماجاوبة .. ليال مو جاي احاجيج ..مصار شي ..شبيج ..ولج روحي اساليها .. انت متحبني لو تحبني ..ماجيبها لهنا .. شوف حالي شون جنت وشون صرت الك ..عفت كل شي عشته وصرت مثل متريد انت .. ماتسكتين اعرفج انه .. ابقي انه اوديج ..باجر .. مابقى وهسه اخابرهم .. ليال ..ابقي باجر اوديج ..بس ..لا تعاندين .. مابقى وتطلع انت اني اطلع .. مو نفسي ذيج المكطمه وماعدها اهل .. وهاي كعدة وانعل ابو الشغل ..وركع سويجه والسبحه بلكاع .. اريد اشوف يامرة تكسريلي كلمه وتطلع .. استغفر الله استغفر الله ..واذا اطكها تحجي ليال لا تلعبين بعداد عمرج ويدفر برجله الكنتور كسر الباب ..وروحي من وجهي مابقى عقل براسي .. كام يصيح من انعل ابو الزواج لا بو الي يحب لابو الي يعاشر مرة .. وركع الباب ونزل .. وللحكايه بقيه ..
