ولاني امراة
من منكم بلا خطيئة فليرمها بحجر ...
ج 9
ذبت الماي الحار عليه ..
هي للحظات وحسيت روحي طلعت من الالم
بقيت اون بصوت ناصي اخخ لحكوني رجلي احتركت ...طلعت من المطبخ روحي مفرفحه ..
ماعرف من النسوان شافتني والدوع بعيوني وابجي راح اموت احتركت رجلي ..دنجت باوعت جف رجلي مصلوخ وصاير قطعه دم ..
رفعت راسي كل النسوان فوكايه
بس روحي مفرفحة زين اروح ..
جابو زيت وحطو عليها .
جابو معجون جابو طحين .والالم مينجرع ولا ينزصف ..
هناك وطبت علينه سهام ..
هاي شكو شصاير ..
كالو محروكة اني رافعة ثوبي ..
وام عامر تهفي الها تكولي هاي الخبطه راح تبرد الوجع ..
كالت شووو اشوف .اوي ياليال هسة وكتج تحتركين احنا بيا حال ..
كتلها هيلة الي حركتني قصد ذبت عليه المي والله قصد ..
كالت ايا حياله ..ولج البنيه نايمه،صارلها كومه ..
شنايمه ..اووف يمه ..
اني بيا حال عوووفيني سهام ..عوفييني ..
باع شلون تحجي عبالك اني حاركتها ..
والله لو ما العيبه لا اطلع قهري بيج ..
جان استحيتي اتهمين العالم ..
فاطمه جرت ..سهام ..
وكعدتها ..
كل حجايه تكول ذلوني بموته الحجي ..
عوفوني ارجع لاهلي ..كل شي ذابي براسي اني وهاليتيمه ..
كعدوني الي ...
وحدة منهم ماعرفها ..كالت هم فصليه وهم تلاسن ..هذا اخر الزمن ..
رفعت راسي عليها ..
جنت ابجي من الالم ..
هزيت راسي اي اي ..
وطلعو النسوان ..اقربائهم ..
بقت سهام تحجي عليه ..
انفتحت الباب ..
طبت ام حيدر ..يامكرودة شجاج هاي عين وصخة ما صلت ع النبي ..
شوو ..اشوف ..ياعيني من احتركت روحك راشد ...مصلوخ لحمج
يا ..كومي جيبيلي عسل ..منو عدها عسل ..
فاطمه كالت عندي بالغرفه ..
ام حيدر شمالج يمه شجاج ..
باوعت ع سهام ..
كتلها احتركت بعد ..
اندارت ع سهام ..كالت وحك هو علي ..
هاي قصد ..
منهو حركج ..
لا اهسة اصلخها مثل الدجاجة ..
بس كللي منو مهم ..
وعوفي الباقي عليه ..
جابت العسل ...
وكامت تمسح بي ع رجلي ويا كل حركه ..جانت روحي تفرفح ..
كالت هسة يهود ..الوجع ..
امشي صعدي نامي ومالج شغل بعد بلبيت ..
شو متروس خير من الله نسوان جا شنو بس انتي بي ..
لو كدرتهم ع الفقير ..
روحي حبيبه ..ارتاحي واجر وعافيه الج ..
عفتها ..وصعدت بس الالم ميخليني..ابقى اوكف بمكاني ..
صعدت كوة واجتي زياية ام عامر ..
طبت ..كالت نامي انتي اني ابقى يم شبل مالج شغل بشي بعد ..
بس صدك سهام حركتج ..
كتلها حنه نغسل الجدورو ..وكع من اديها قصد لا ماعرف ..
