ولاني امراة 39ج سوزان المندلاوي العصر بعد ماكملنة شغلنه ..وكل شي ..اجه ..فهد.. اخذنه ..اني بقيت صافنه الحجي شسمع ..وكال ودي نسوانك للطبيب ..بس لا رشا طرحت ..وكالت اله .. كملت كل شي وطلعت ..برة ..وسهام هم ..وجتي رشا ..وجهها اصفر ميتفسر ..كلت هاي طارحه ..خطيه .. انقهرت عليها واذكرت احجايه فطومه الظلم مر ليال ..لا ظلمين كلت صدك ..ظلمتها وممن القهر طرحت .. وكفت بلطرمه انتظر فهد ..دك هورن طلعت..اله ..اني والبنات ..سهام اجت يمي كالت ..خوش انه ههم ..افحص ..كلنه حبلات ضحكت اني ..وكفت مقابيل السيارة ..سهام صعدت ليورة فهد ..فتح الشباك .ماتصعدين .. باوعت عليه وصعدت ..ليكدام واخر شي ..صعدت رشا جتي ورانه .. صعدت كالت مدري شبيه اليوم ..نفسي تلعب واحس جسمي حار .. سهام كالت من الحباله هاي .. مشينه ..بسيارة اني دايرة وجهي ع الشباك واباع ..ع العالم والسيارات والشارع .. فهد مشغل اغاني .. احسة ..دغني برجلي انداريت علية .. اشر بايدة ..كبل .. شنو .. عينج ليكدام ..لو عليه .. سكتت .. مابيه ..اجادله ..ولا احجي شي .. ضليت اباع ليكدام ..عبالك ..ضابط والجندي مالته .. وصلنه ..للعمارة ..طبك فهد .. كال انه اضل جوة وانتو صعدو .. نزلت اني ونزلو البنات.. صعدنه ..جانت عيادتها بعمارة ع شارع ..ويمها سوك وبيوت ..وجواها صيدليه .. صعدت ..درجها ..كصيف ..وبايات الدرج ..عاليه ..يخنك .. وصلنه كمت ..اتنهد ..تعبت .. طبينه ..السكرتيرة كاعدة سجلنه اسامينه .. ودفعنه الكشفيه ..وكعدنه ..قبلنا اكو ..4نسوان .. اني بقيت ..افكر ..ليش الحجي هيج كال.. ومو من عوايدة ..يروح لغرفه وحدة بينه .. اذا راد احد .. لو يدز جهاله لو سهام .. بدت الناس ..اطب .. واني انتظر .. دك فوني ..امي تتصل .. اكو بالكونه ..طلعت احاجي امي منها .. جاوبتها ..سلمت وسالت .. ها ماما شوكت تجين .. بعد حبي ..فهد عندة شغل .. يعني مو اليوم لا ماتوقع .. شصار ..مصار شي ..وهسة اني يم الدكتورة مراجعه .. خوما بيج شي .. لا مراجعه شهريه .. طمنيني عليج ..من تطلعين .. ليلو البارحه فتحت الج القران طلعت كلش ..زينه خيرتج .. بيها نصر ..واحولج تتغير ..من حال الى حال الله يسمع منج ماما .. لا تفكرين ماكو شي .. وختمتها وياها ..وضليت اباع ع السوك ..دنجت راسي اباع فهد..جوة منتجحي ع سيارته ويباع عليه .. اني راسا طبيت .جوة .اعرف خبالاته .. رجعت كعدت ... بقيت اسولف وي سهام شبي الحجي وشعجب راد نروح ..رشا كاعدة ع جهه ولا حجت شي ..ضلت ساكته .. سهام اشرت الي مادري .. صاحو اسمي ..اني كمت ..طبيت .. والسكرتيرة كالت طبو سوة انتو .. طبينه ..سلمت وكعدت العيادة جبيرة وبيها نص تخم يكعدون بي ....اني اول وحدة بدت تفحص الضغط ..كالت تمام ..بس متوترة كالت ..كومي ع سديه نسوي سونر .. كمت ..سوت كالت بيج ولد ..كتلها ادري .. ووضعه وصحته زينه .. الحمدلله .. بس انتي ليش هلكد اعصاب ..ماما .. اعصابج مشدودة .. ضحكت اني .. كالت ..كومي ..راح ادخلين بشهر السادس.. وكتبت الي ..دوة ..وعلاج ..ومهدئ .. وكتبت مجموعه تحاليل اسويها .. كالت بصفي المختبر .. طلعت اني ...شفت فهد ..برة ..بلباب ..يدخن .. رحت يمه .. كال ها .. شنو ها كتبت تحاليل .. اي وين تسوينها .. هنا اكو مختبر .. والباقين .. جوة بعدهم ..رحت للمختبر .جانت اكو بينه سحبت مني دم و.سويت مجموعه تحاليل ..كالت .انتظرو احنه نصيح اسمكم .. رجعت كعدت بلعيادة .. طلعو سهام ورشا ... جوي كعدو يمنه ..سالت سهام ..شبيها رشا كالت ماكو شي ..فهد سال هم كالت ماكو شي بس رشا شكلها مو طبيعي ابد ..حتى يمكن باجيه ..تاكدت طارحه .. ضلينه ننتظر سهام طلعت برة ..خابرت وفهد من طلعو البنات راح نزل جوة .. شويه ..وصاحو اسمي ..اخذت التحاليل وطبيت للدكتورة قر تهن كالت كلشي تمام وهاي مجموعه تحاليل ..روتينيه كل شهر ..كملت وطلعت منها نزلنه اخذنه العلاج ..ورحنه للبيت بس رشا ماخذت ولا علاج بس اني وسهام .. الطريق كله سهام ساكته .. وفهد عادي..وصلنه للبيت . طبينه ....بدون حجي ..رشا عافتنه وراحت لغرفتها وسهام اول مطبت سالت ع الحجي ..وراحت يمه اني داصعد فوك لان ورانه عشا وشغل كلت ابدل هدومي ..وارتاح شويه .. سهام كالت ابقو انتو ..الحجي بلديوان يريدكم .. فهد كال خير ان شاء الله ..كالت دروح شوفه شيريد .. ذبيت ..عباتي ..وغراضي ورحت .. طبيت الحجي كاعد وقاسم وحلا ..واني وفهد .. كعدت ..شويه واجتي سهام ..ورشا ..كعدو .. فهد بصفي ..انداريت عليه ..كتله كلبي كام يوجعني شكو .. علمي علمج ..ماعرف ..شجاي يصير .بس وجهه الحجي مايبشر بخير ..اكيد ع رشا ..لان انه فهمته البارحه .. هزيت براسي اي وتاكدت علمود يبقيها ..ومجتمع بينه .. الحجي كاعد ..ويسبح بلسبحه ..كال .. من شوكت فهد ضم عليه سالفه ..جبيرة .. فهد كال انه باستغراب ..ماضام شي .. كله ضام .. اني بقيت حايرة .شيقصد ..ياربي كله سالفه تخص ليله .. كلبي كام يدك سريع ..يمه شكو اباع ع فهد رفع حاجبه ..كله خويه ماكو شي .. كله ..احجي انه اخوك الجبير لو شنو هنا .. احلى شي بلحجي هادئ..من يحجي .. اندار عليه .. كله شني ياسالفه .. كله تعرفها ..سالفه عرض .. اني ..متت بدمي .. فهد كام ..كله ..خويه ماكو شي والي طلع الحجايه .الك جذاب .والي حجة ع ليله طمست راسه بلوحل .. اني فاكه حلكي شديحجي ..فهد .. الحجي كله اكعد لا تهوس علينه اكعد .. كله ياهو الي وصل الك ..الي يحجي ع شرف ليله اطك راسه والي سماني فهد مابقي عدل .. عاط الحجي بي اكعد ..لا ضل تهوبز .. كعد ..وضل يتأفأف ..اسمع مني حجي اني اباع عليه اريد افتهم سالفه سيف لو شنو ! الحجي انت ضل اكسر واجتل ..وانت مامفتهم شي .. بس هوسه بهوسه ..اغم افتهم واعرف ..مشكور حجي لا والله ماتعرف ..اغم واشر ع رشا وحلا .. هذن راس البله ..كيد نسا ..يمعدل ..ويا حزام ظهري ..واتفاخر بيك ..هذن حركن الدنيا .. لحضات تحبس الانفاس مدافتهم شي .. فهد كله شنو هذول ..شجابهن ..ع سعيد .. هاااا مو انت النجر والذيب ..واجتل واذبح جا حلا كرابه سعيد ..نسيت وتكرب للمرحومه يصيرون خوالها .. قاسم كله خويه فهمنه حرمتي شجابها بلنص .. الحجي كال فهد وقاسم اسمعو يارفعه راسي وان حجه بيكم واحد ..ماتلومون الاحالكم اكعد واسكت اسمعو ..حلا ..ورشا اتفقن يمسن شرف ..ليال .. قاسم كام .. كله اكعد اكعد .. انه البارحه سمعتهن ..من حاجيت رشا ..وراحت .. كمت طلعت انه وسهام . سهام طبت قبلي ..بطلعتي شفت حلا جرت رشا ومدري شحجن وطببتها للغرفه انه لعب كلبي رحت وسمعت حجيهن .. مو حلا .. والله الحجي مو اني هاي رشا .. رشا كالت انه شعلية هيه علمتني .. اسكتن ..اكعد قاسم واحدكم اذا كام وانه كاعد ..مايلوم الا حاله ..خل نفهم ماتعرفون بس الطك مدبرات فلم ودازات زلمه ع فهد ..وفهد السبع طاح بليال طك وبسعيد ..هم فهد ساكت ..ومدنج .. الحجي كمل ..وبعد شي ..رشا مو بحامل ..وكله كذب وحلا تكلها ..مايفيد شي ..غير السحر وي فهد ..حتى نكلعها هلفصليه من البيت .. مو حلا ..مو بنت الشيخ ..هذا حبل الحيله صغير.. ماحلا كالت مو انه هاي دكايك رشا عمي صار كومه يمكم ماطلعت مني عيبه .. حسينه الا قاسم ركض ونام فوك حلا ..ويضرب بيها وجرها من شعرها ..وهيه تصرخ وطلعها برة بلطرمه .. كمنه عليه ..كوة الولد ..هدو منها .. وضلت تحجي ..هاي ..كله من وراها خرابه بيوت ..جتي تصير مرة براسنه دفنت المرحومه ..وصارت هيه الاول والتالي .. الحجي عصب ..صار نار وحجة ع قاسم ..جرو كعدو كوة فهد لازمه ..اني بس افر براسي اريد افتهم .. هسة رشا مو حامل ..وهمه سوو سالفه سيف .. زين ..سعيد منو وشنو فهد ..سوة اله .. بقى البيت مكهرب والكل تحجي .. قاسم كال اذا ماتطلع من البيت انه اطلع ..وحرمت عليه حرمه اخت ..الحجي .دز ع ضياء كله وديهن لاهلهن .. واحجي بلي سونه ..اريد اشوف يازلم ترضه .. بكسر ..بخت وهتك حرمه وعرض..وهجم بيت وسحر انه شنو مربي حيايه ابيتي ..الحجي اعصاب ..لا غزر ملح ولا زاد عكارب .. جتي رشا وكعت ع الحجي مو انه والله حلا حتى هيه الي طيحتها .ع ظهرها ..مو انه استر علي والله خواني يذبحوني هي الي خابرت كالت كولي حامل ..حتى ارجعج للبيت ..وان مافاد نسوي سحر نخرسه ..شلون خارسه قاسم الحجي ..جر ايدة وكلها يابنت العالم احنه بهل بيت عاءله تعرفين تفسير كلمه عائله وحدة وانتو ولاوحدة بيكم صانت هذا البيت .. رادت تهجمه ..رجعو لاهلكم يربوكم من جديد بيت ابو عامر ماطيحه مرة.. وانه لو ما سالفه نسوان ..جان ماحجيت بس وصلت للعرض والعرض خط احمر .كوم ضياء وديهن .. اني كاعدة كبال الحجي ..وسهام البيت كله هوسه بهوسه فهد ماخذ قاسم ...بلغرفه حلا ..ورشا ..طلعو من البيت .. الجو هدء شويه ..اني كمت حسيت بدوخه .. كتلهم اريد اصعد فوك .. كعدني الحجي ..كال رايتج بيضه ورايتهن السودة بنيتي .. الله نصرج عليهن وع حقدهن .. اني ساكته ..طب فهد .. كله حجي ماتبقى ع ذمتي رشا .. الحجي سكت ..كله انت اخر واحد تججي كله من ايدك .. ماتعرف تصرف ..ابد حجي ..اسكت .. اني تعذرت وكمت .. فوك راسي يريد يطك .. صعد فهد ..وسد ااباب ..انداريت عليه كتله فهد ..عوف رشا وحلا ..وافلامهم سعيد منو .. وشنو .. سكت .. فهد ..فهمني .. كال ليال .. كعد ..ويهز برجله ..وجان بيدة حبل ..يحرك بي ..بتوتر .. كال الي حجة عليج وطعن بشرفج .. اي ...هاي افتهمته كرابه حلا..وحلا تكرهني علمود خوالها اعرف .. وانت شنو .. شنو اني .. فهد تعرف ااي اقصدة شنو احجي .. اجه كعد ..يمي .. ليال انسي رشا وخلصنه منها بقيت الج ..بعد ماكو شي يوكف بطريقنه انة احبج .. فهد جاوب ...ماريد اعرف تحبني لو لا ..شنو الي عرفته من الولد .. ليال ..عرفت كل شي .. اي مثل شنو ... وهاي شوكت .. عرفت بيج ..انتي ..ماعدج شي وكل هذا كذب .. اييي وهاي المدة كلها ماحجيت ولا كلت .. جر ايدي ..اسمعي انة احبج وردت احافظ عليج يمي .. تحافظ ..فهد ..يعني جنت تدري .. يعني تحملت ذلك وكلامك وضربك وجنت تعرف ..اني لا نهزمت ولا صخمت ..ولك ليش لان ماريد اخسرج .. فعلك اقبح من عذرك .. جريت ايدي وكمت من يمه .. وين ..جاي احاجيج .. ليال كافي انه احبج ..وماكدر بدونج .. لا انت متحبني الي يحب مياذي والكلام ميفيد .. اني جنت ..لعبه الك تسلى بيها .. جسم.حلو ..وتفرغ بي رغباتك ..ومطيعه وياك ومجنت تسمع مني كلامه لا ..بعدتني ع العالم والكل .. انت انسان مريض ..مو طبيعي .. تحاسبني ع الشعرة ع طلعت وهلوكت كله اكول حقه صح اعرف نفسي نظيفه ..بس اكول رجال وحجو عليه يمه ..حقه يغار ويحجي ..طلعت تعرف اني بريئة شكد ..حتقرتك .. كمت ..جريت ..الجنطه .. وكف بوجهي ..ماردت اخسرج ولا كدرت احجي لان اعرف اني غلط .. دفعته وخر عني ..فهد ..وخر من وجهي ... بيني وبينك الله اني ماسامحك ولا راح اسامحك بيوم .. ووعد مني بس اجيب تعال اخذ ابنك لان ماريد شي يربطني بيك .. مطلعين من البيت ..مو بكيفج انتي .. فهد وخر عفيه ..ليال والله اسف بس فكري كل شي غلط .. وراح ابدي من جديد ونعيش صح ..عفته ونزلت جوة .. رحت ع الحجي كاعد .. كتله حجي انت ..شيخ والعالم تجيك ..بلخير والشر .. اني دخيله يمك ..اليوم ..طلعني ..من البيت .. استهدي برحمانج ...بنيتي كل شي بلتفاهم .. والي خرب نصلحه .. عمو فدوة وديني لاهلي ..ماتحمل هيج ولا ابقى.. صار اشهر اني متهمه بشرفي ويا وبالعه وساكته .. وطلع هوة يعرف ماعندي شي ويعرف تلفيق كل هذا وساكت ...ويدوس عليه ..كله علمود اضل خاصعه اله هذا مو حب هذا مرض ... ليال ..بنيتي ..اسمعي منه . اروحلك فدوة طلعني منا لاهلي ..وهسة .. نزل فهد .. كال انه اوديج .. لا ماريد انت اي واحد من الولد ومو انت .. ليال امشي اني اوديج والله لاهلج .. الحجي كله فهد عوف المرة بحالها هسة اخلي ضياء يوديها .. لا انه .. لا تسودنه ليش تلح .. هسة مو كله من راسي انه اوديها لاهلها .. مو انه الغلط عوفوني ..اوديها .. كتله حجي ..خلي يوديني .. عرفت اذا مو هوة ميخليني اطلع من البيت.. رحت سلمت ع سهام ..عيونها دمعت ..كالت ليال ..كبري عقلج تحملتي كل شي بقت ع هاي ..ياخيتي .. كتلها خلص ..بعد مايفيد الحجي .. بوستها كالت راح شلعين البيت وطلعين .. ودعتها وطلعت ..سلمت ع الكل .. وطلعت برة .. شفت فهد ..خال سيارته برة .. صعدت بيها ..بهدوء .. مشينا دنيا لليل ..فهد ساكت ويدخن .. واني عيني ع الشباك بس .. مقهورة ومحروك كلبي اريد سبب يقنعي.. ماعرف وماكدر احس الشي طلع من اردتي .. وحدي ماعرف اصرف وصبري ...خلص فهد ..وكف .. بنص الطريق .. كال ليال وحق هذا الله الي فوكايه احبج .. ولج سويت هيج خاطر ماخسرج انه كلي غلط .. مافتهم ..ولج فد انتي الي روضتي ..فهد .. ولا مرة كدرت علي .. ليال ..انه هسة ..اتوسل بيح ..سامحيني .. وديني لاهلي .. اوديج بس وعديني ..تردين الي .. انه بدونج ..اختنك ..اموت كمت ابجي .. لاتبجين ..من امداني .. فدوة وديني .. خلص ليله .. روحي ارتاحي .. اني بقيت وجهي ..ع الشباك .. مقهورة منه ..احساس صعب ..جان .. ماكدرت اجرعه وحدي .. الغيرة شكل .. وكسر البخت شكل .. والذل الي شفته بدايه ..زواجي منه ..شي وهسه غير شي .. الشرف يوجع ..حيل جسمي لليوم يوجعني من الضرب .. فكري مشتت ماكدر اقرر شي ... شغل سيارته ..وطلعنه .. وللحكايه بقيه .. شهرزاد
